Arddangosfa His Dark Materials yn cael ei hestyn yn oriel y ddinas

Mae'r arddangosfa His Dark Materials sydd i'w gweld yn rhad ac am ddim yn Oriel Gelf Glynn Vivian Cyngor Abertawe, wedi denu dros 24,000 o ymwelwyr ers iddi gael ei lansio ychydig cyn y Nadolig.

Meddai Aelod Cabinet y cyngor, Elliot King, "Rwyf wrth fy modd ei bod wedi cael ei hestyn fel y gall mwy o bobl ddod i'w mwynhau tan yr haf."

Bydd yr arddangosfa a oedd i fod i ddod i ben ddiwedd y mis hwn, bellach yn parhau tan 2 Gorffennaf.

Oriau agor y Glynn Vivian: Dydd Mawrth i ddydd Sul 10am - 4.30pm (mynediad olaf am 4.00pm) ac ar agor ar ddyddiau Llun Gŵyl y Banc ym mis Mai. Rhagor o wybodaeth: www.glynnvivian.co.uk