Camau wedi'u cymryd i wneud ardaloedd chwarae'n fwy cynhwysol

Byddant yn ategu at fyrddau sy'n seiliedig ar symbolau sydd hefyd yn cael eu gosod i helpu pobl o bob oedran y mae angen cefnogaeth gyfathrebu ychwanegol arnynt gan roi'r cyfle iddynt gael eu deall a mynegi eu hunain. 

Y nod yw gwneud yr ardaloedd chwarae mor hygyrch a chroesawgar â phosib ar gyfer pawb sy'n eu defnyddio.

Ar hyn o bryd mae Cyngor Abertawe'n buddsoddi £7m mewn uwchraddio a gwella'r holl ardaloedd chwarae sy'n eiddo i'r cyngor.

Garnswllt yw un o'r 50 o ardaloedd chwarae sydd wedi cael eu cwblhau hyd yn hyn, a chysylltodd deulu lleol â'r cyngor ar ôl gweld y byrddau cyfathrebu i ofyn a fyddai modd datblygu rhywbeth tebyg ar gyfer plant sy'n defnyddio iaith arwyddion.

Meddai Hayley Gwilliam, Aelod Cabinet Cyngor Abertawe dros Gefnogi Cymunedau, "Bydd y byrddau hyn yn rhoi'r cyfle i blant ac oedolion y mae angen cefnogaeth arnynt wrth gyfathrebu a phobl fyddar ddeall a mynegi eu hunain wrth ddefnyddio ein hardaloedd chwarae." 

Mae'r teulu wedi cymeradwyo'r syniad, a rhoddodd y fam ddiolch i'r cyngor gan ddweud, "Mae'n debyg ei fod yn rhywbeth bach i'r sir ond bydd yn gwneud gwahaniaeth enfawr i blant sy'n debyg i fy mhlentyn i."