Premiymau Treth y Cyngor - incwm a gwariant

Ar gyfer blwyddyn ariannol 2024/25:

• nifer yr eiddo sy'n atebol am bob premiwm yw: 
  • eiddo gwag tymor hir = 1,763
  • eiddo wedi'u dodrefnu nad ydynt yn unig gartref neu'n brif gartref i unrhyw un (cyfeirir atynt yn aml fel ail gartrefi) = 2,439
• swm yr incwm a gynhyrchir drwy godi premiwm ar eiddo gwag tymor hir = £1,236,775
• swm yr incwm a gynhyrchir drwy godi premiwm ar eiddo wedi'u dodrefnu nad ydynt yn unig gartref neu'n brif gartref i unrhyw un = £2,305,240

Fel y rhan fwyaf o incymau'r cyngor, nid oes angen clustnodi'r arian a geir o bremiymau Treth y Cyngor ar gyfer dibenion penodol. Fodd bynnag, anogir Awdurdodau Lleol gan Lywodraeth Cymru i ddefnyddio unrhyw refeniw ychwanegol a gynhyrchir i helpu i ddiwallu anghenion tai lleol, yn unol â bwriadau polisi'r premiymau.

Mae anghenion tai lleol yn Abertawe (yn debyg i awdurdodau lleol eraill) yn cynnwys swyddogaethau amrywiol fel cymorth ar gyfer y digartref, gwella stoc tai presennol ac adeiladu tai cyngor newydd y gallwn eu rhenti i'r rheini sydd eisiau dod yn denantiaid y cyngor. 

Wrth gwrs, nid yw gwario ar faterion sy'n ymwneud â thai a digartrefedd yn gyfyngedig i rôl yr Adran Tai yn unig.  Bydd adrannau eraill hefyd yn rhan o hyn, fel y Gwasanaethau Cymdeithasol.

Cyhoeddir cyllideb y cyngor yn flynyddol ac mae'n cynnwys manylion yr holl wariant, a bydd y symiau a wariwyd ar faterion sy'n ymwneud â digartrefedd yn cael eu cynnwys.

Dylid nodi hefyd fod y swm a gesglir ar bremiymau Treth y Cyngor yn cyfrannu at y gwariant cyffredinol ar anghenion sy'n ymwneud â thai yn unig, ac nid yw'n adlewyrchu'r swm cyfan a wariwyd ar y materion hynny. Fel dangosydd o'r symiau a wariwyd yn y 2 flwyddyn ariannol ddiwethaf, darperir gwybodaeth am rai o'r prosiectau mawr sy'n ymwneud â thai a'u costau isod. Nid oes unrhyw gyswllt uniongyrchol rhwng yr hyn y mae'r cyngor yn ei gasglu drwy bremiymau Treth y Cyngor a'r swm uwch sy'n cael ei wario ar faterion sy'n ymwneud â thai.

Rhagor o Gartrefi (adeiladu tai newydd) 

• 23/24 (go iawn) £7,604,354
• 24/25 (rhagolwg) £9,308,838
• Cyllideb 25/26 £9,693,087
• Prosiect enghreifftiol C09805 - caffaeliadau

Digartrefedd

• 23/24 (go iawn) £2,486,858
• 24/25 (rhagolwg) £4,326,013
• Cyllideb 25/26 £6,949,613
• Cynllun enghreifftiol 54101 500151 - gwely a brecwast