Prosiect Ysgol Gynradd Gorseinon
Ariennir y prosiect hwn ar y cyd gan Raglen Ysgolion a Cholegau ar gyfer yr 21ain ganrif Llywodraeth Cymru a Chyngor Abertawe.
Caiff yr ysgol newydd ei hadeiladu yn lle adeiladau presennol Ysgol Gynradd Gorseinon a bydd yn cynnwys adeilad 1.5 dosbarth mynediad sy'n addas i'r dyfodol ac a adeiladwyd at y diben. Mae'r contractwr penodedig bellach wedi dechrau ar y gwaith i adeiladu'r ysgol newydd fel y bydd ar agor i ddisyblion ym mis Medi 2020.
Mae'r prosiect yn cynnwys
Ysgol newydd sbon ar un safle a fydd yn darparu amgylchedd dysgu diogel, cadarn ac addas at y diben i ddisgyblion a staff Ysgol Gynradd Gorseinon, gan fodloni safonau ysgolion yr 21ain ganrif.
- Ystafell gymunedol sydd ar gael i'w llogi trwy drefnu gyda'r ysgol.
- Ardal gemau amlddefydd a maes parcio sydd ar gael at ddefnydd cymunedol y tu allan i oriau ysgol.
- Cae pob tywydd sydd ar gael i'w logi y tu allan i oriau ysgol.
- Adleoli'r lle chawarae newydd sbon ym Mharc y Werin.
Amserlen y prosiect
| Carreg filltir | Dyddiad |
|---|---|
| Adleoli'r lle chwarae | Mehefin 2019 |
| Lle chwarae newydd ar agor i'r cyhoedd | Gorffennaf 2019 |
| Paratoi'r prif safle a dechrau ar y gwaith adeiladu | Gorffennaf 2019 |
| Cwblhau'r gwaith i adeiladu'r adeilad newydd | Gorffennaf 2019 |
| Adeilad newydd yn agor i ddisgyblion | Medi 2020 |
Tim y prosiect
| Enw | Teitl y swydd |
|---|---|
| Jason Dodd | Pennaeth |
| Nichola Jones | Rheolwr Datblygu Achsion Busnes Ysgolion |
| Jenny Lewis-Jones | Swyddog Cefnogi'r Prosiect |
| Nigel Hawkins | Rheolwr Prosiectau a Chaffael / Uwchsyrfewr Meintiau |
| Tom Rees | Rheolwr y Prosiect Andrew Scott Ltd |
Buddion i'r gymuned
Mae'r cyngor yn ymrwymedig i gefnogi cwmniau lleol a chreu swyddi i bobl leol. Yn ystod y gwaith arfaethedig, bydd y contractwr yn defnyddio cyflenwyr lleol, lle y bo'n bosib, ar gyfer y deunyddiau a'r cynnyrch. Caiff contractwyr eu hannog i gyflogi gweithwyr lleol a chynnig profiad gwaith i bobl ifanc ddi-waith.
Cynnwys disgyblion
Bydd cynnwys pynciau STEM (Gwyddoniaeth, Technoleg, Peiranneg a Mathemateg) yn rhan annatod o'n prosiect. Bydd y contractwr a'r cyngor yn gweithio ar y cyd a'r ysgol i gefnogi cyfleoedd dysgu drwy gydol y prosiect adeiladu.
Prosiectau cymunedol
Fel rhan o'r prosiect, disgwylir i'r contractwr gefnogi mentrau lleol yn yr ardal. Darperir rhagor o fanylion am hyn wrth i'r proseict fynd rhagddo.
Lle chwarae newydd
Roedd y lle chwarae newydd ar agor i'r cyhoedd o 12 Gorffennaf. Roedd disgyblion Ysgol Gynradd Gorseinon ymhlith y cyntaf i ddefnyddio'r cyfarpar newydd.
Seremoni torri glaswellt
Cynhaliwyd seremoni 'torri glaswellt' ar 18 Gorffennaf 2019. Roedd Arweinydd Cyngor Abertawe, Rebecca Evans AS, Aelodau Ward Lleol, cynrychiolwyr o Andrew Scott Ltd a staff a disgyblion Ysgol Gynradd Gorseinon yn bresnnol. Roedd pob un yn ohonynt yn gallu dathlu dechrau'r gwaith; cafodd y disgyblion gyfle i weld eu hysgol newydd o ddiwrnod cyntaf un y gwaith adeiladu, a chwasant gyfle i roi cynnig ar y lle chwarae newydd.
Cylchlythyrau
Gallwch weld y cylchlythyrau cyhoeddedig sy'n roi'r diweddaraf am gynnyd a gwaith arfaethedig i'r gymuned drwy glicio ar y dolenni isod.