SortedSupported

Mae SortedSupported.org.uk yn cynnig gwybodaeth werthfawr i helpu rhieni, gofalwyr a gweithwyr proffesiynol i ddeall a chefnogi pobl eraill yn well.

Mae'r wefan yn gallu cyfeirio pobl i wasanaethau cenedlaethol, cyngor ymarferol ac adnoddau hunangymorth. P'un a ydych yn teimlo'n bryderus, dan bwysau neu fod angen i chi siarad â rhywun, mae SortedSupported yn eich cysylltu â gwasanaethau, grwpiau cymunedol ac adnoddau lles ledled Abertawe a'r ardaloedd cyfagos.

Yr hyn sydd ar gael:

• Cyfeiriadur gwasanaethau iechyd meddwl a lles lleol
• Cymorth i oedolion, teuluoedd, gofalwyr a gweithwyr proffesiynol
• Cyfeirio i sefydliadau ar gyfer problemau iechyd meddwl cyffredin
• Gweithgareddau cymunedol ar gyfer anghenion arbenigol (e.e. dementia, niwroamrywiaeth, gorbryder a mwy)
• Cymorth a llinellau cymorth ar gyfer argyfyngau
• Cyngor ar dai, buddion, dibyniaeth a mwy

Datblygwyd y wefan gan Fwrdd Iechyd Prifysgol Bae Abertawe, Bwrdd Partneriaeth Rhanbarthol Morgannwg, cynghorau Abertawe a Chastell-nedd Port Talbot, Cyngor Gwasanaeth Gwirfoddol Abertawe a Chyngor Gwasanaeth Gwirfoddol Castell-nedd Port Talbot, ac mae'n helpu defnyddwyr i gyrraedd gwasanaethau cymorth. 

Mae SortedSupported hefyd yn datblygu cynnwys i oedolion ag anableddau dysgu a'u cefnogwyr. Er nad yw'n cynnig cymorth uniongyrchol, mae'n cyfeirio defnyddwyr i'r adnoddau cywir.

Os ydych yn berson ifanc neu'n blentyn, neu os oes angen cymorth arnoch ar gyfer person ifanc neu blentyn, ewch i tidyMinds  - www.tidyminds.org.uk.