Gostyngiad Treth y Cyngor i ofalwr

Os cewch eich trin fel rhoddwr gofal, ni chewch eich ystyried pan fyddwn yn cyfrif nifer yr oedolion sy'n byw yn yr eiddo at ddibenion Treth y Cyngor.

Os yw nifer yr oedolion rydym yn eu cyfrif yn gostwng i un, gallwn roi gostyngiad 25% ar fil Treth y Cyngor.

Os na chyfrifir yr holl oedolion yn yr eiddo (fel gofalwyr neu am ryw reswm arall), gallwn roi gostyngiad 50% ar swm Treth y Cyngor.

At ddibenion Treth y Cyngor, mae 2 fath o ofalwr a bydd pobl sy'n dod dan y naill grŵp neu'r llall yn cael eu diystyru. Mae'n rhaid i'r sawl sy'n gyfrifol am dalu'r bil, hyd yn oed os nad yw'n anabl, wneud cais am y gostyngiad.

1. Gofalwr neu Berthynas Di-dâl

• Rhywun sy'n byw yn yr un eiddo â'r sawl mae'n gofalu amdano ac
• Yn darparu gofal am 35 awr yr wythnos ar gyfartaledd ac
• Mae'r sawl y mae'n gofalu amdano dros 18 oed ac nid ei briod na'i bartner yw, nac yn blentyn dan 18 oed ac nid yw'n rhiant y plentyn.

Mae'n rhaid bod y sawl y gofelir amdano'n cael un o'r budd-daliadau canlynol:

• Lwfans Gweini
• Cyfradd uchaf neu ganol Elfen Ofal y Lwfans Byw i'r Anabl
• Cyfradd safonol neu uwch elfen byw bob dydd y Taliad Annibyniaeth Bersonol
• Taliad Annibyniaeth y Lluoedd Arfog dan Orchymyn y Lluoedd Arfog a'r Lluoedd Wrth Gefn (Cynllun Iawndal) 2011
• Cynnydd mewn lwfans gweini cyson dan y Cynllun Pensiynau Diwydiannol neu Ryfel
• Cynnydd yng nghyfradd ei bensiwn anabledd o dan Adran 104 Deddf Cyfraniadau a Budd-daliadau Nawdd Cymdeithasol 1992

Mae'n bosibl cyfrif mwy nag un oedolyn fel gofalu am yr un person, ar yr amod y bodlonir yr holl amodau a nodwyd uchod. Er enghraifft, gallai dau riant fod yn gofalu am fab neu ferch sy'n oedolyn.

Cyflwyno cais am Ostyngiad Treth y Cyngor i Ofalwyr di-dâl Cyflwyno cais am Ostyngiad Treth y Cyngor i Ofalwyr di-dâl

2. Gofalwr proffesiynol

Sydd:

• yn darparu gofal a chefnogaeth i rywun ar ran awdurdod lleol, Cyngor Cyffredin Dinas Llundain, Cyngor Ynysoedd Sili, y Goron neu gorff elusennol.
• yn cael ei gyflogi gan rywun y mae'n darparu gofal ar ei gyfer ac a gafodd ei gyflwyno gan un o'r uchod
• wedi'i gyflogi i ddarparu gofal am o leiaf 24 awr yr wythnos, ac ni thelir mwy na £44.00 iddo'r wythnos
• yn byw yn yr eiddo a ddarperir gan y corff perthnasol, (h.y. yr elusen) neu gan y sawl y mae'n darparu gofal ar ei gyfer.

Cais i Ddiystyru Gostyngiad Treth y Cyngor lle bo Person yn Ofalwr (PDF) [217KB]

Mae'n rhaid i chi barhau i dalu'ch bil presennol. Os yw'r bil Treth y Cyngor yn cael ei ostwng, caiff bil newydd ei anfon sy'n dangos faint y dylech ei dalu. Caiff y diystyrwch ei adolygu'n gyfnodol. Efallai y gofynnwn i chi ddarparu gwybodaeth neu dystiolaeth sy'n ein helpu i wneud hyn. Gall methu rhoi'r wybodaeth hon olygu y caiff y gostyngiad ei ddiddymu.

Cofiwch: os yw'r amgylchiadau ynglŷn â'r diystyrwch yn newid, mae'n rhaid i chi ddweud wrthym ar unwaith.