Galw am dystiolaeth: Ymchwiliad craffu i grantiau

Os hoffech gael yr wybodaeth hon mewn fformat gwahanol e.e. print bras, e-bostiwch  craffu@abertawe.gov.uk

Y cwestiwn allweddol felly yw:

Sut gall y cyngor sicrhau bod y grantiau y mae'n eu derbyn yn gweithio i ddarparu'r canlyniadau gorau i bobl Abertawe?

Yr hyn nad yw'n rhan o'r ymchwiliad...

Grantiau sy'n cael eu talu gan y cyngor i sefydliadau eraill.  Bydd gan yr ymchwiliad ffocws strategol, gyda throsolwg o rolau a chyfrifoldebau, blaenoriaethau, pwerau, profiad a thueddiadau cyfredol, gweithgarwch a chyflawniad partneriaeth a sut y gellir gwella pethau.

Bydd yr ymchwiliad yn edrych ar grantiau mewn perthynas â darparu swyddogaethau'r cyngor a sut mae'n gweithio gyda'i bartneriaid ac eraill i sicrhau bod grantiau'n cael eu rheoli a'u trosglwyddo'n effeithiol yn Abertawe. Bydd hefyd yn ystyried beth y mae'r cyngor yn ei wneud yn dda a'r hyn y gellid ei wella yn y maes hwn.

I helpu i ddeall y materion hyn ac ateb rhai o'r cwestiynau, rydym yn gwahodd sylwadau ysgrifenedig ar y llinellau ymholi canlynol:

1. Sut mae grantiau'n cyd-fynd â'r 'darlun mawr' o ran cyllideb gyffredinol y cyngor a'r pwysau ariannol sy'n effeithio ar y cyngor. A oes cyswllt clir rhwng y grantiau rydym yn gwneud cais amdanynt, proses pennu cyllideb y cyngor a chynlluniau strategol a gweithredol y sefydliad?

2. A yw'r cyngor yn gwneud cais am grantiau ar y cyd â sefydliadau neu gynghorau eraill?  Sut mae'r grantiau a dderbynnir yn gyffredinol yn cymharu â'r rheini a dderbynnir gan awdurdodau lleol eraill (arwydd bod y Panel yn cydnabod bod pob ALl yn wahanol?)

3. Sut mae'r cyngor yn sicrhau ei fod yn gwneud cais am yr holl grantiau priodol sydd ar gael?  A oes gan y cyngor staff sy'n gyfrifol am wneud ceisiadau am grantiau fel rhan o'u rôl? A yw'r adnodd a ddefnyddir i wneud hyn yn ddigonol (gan gynnwys canlyniadau cynyddu neu leihau hyn)?

4. Sut mae'r cyngor yn sicrhau gwerth am arian wrth ddefnyddio'r grantiau a dderbynnir? Sut mae'n gwybod a yw'r grantiau wedi cyflawni'r hyn y cawsant eu dyrannu i'w wneud (neu eu bod ar y trywydd iawn i wneud hyn)? Sut y gallwn ddweud a yw'r grant wedi bod yn llwyddiannus, sut caiff ei fesur. Sut mae'r grant(iau) yn cael ei/eu monitro a beth yw'r effaith?

5. Beth yw barn rhanddeiliaid a sefydliadau partner am sut rydym yn gwario'r grantiau rydym yn eu derbyn? A yw'r cyngor yn ymgynghori ar, er enghraifft, sut y dylai'r arian gael ei wario ac effeithiolrwydd/effaith grant?  A ddefnyddir cyd-gynhyrchu pan fo'n briodol?

6. Sut mae'r cyngor yn sicrhau yr edrychir ar gydraddoldeb mewn perthynas â'r grantiau sy'n cael eu defnyddio, gan ystyried yr effaith bosib ar grwpiau demograffig gwahanol - o ran cynigion unigol a'r grant cyfan yn gynyddol?

7. Beth yw'r risgiau a'r rhwystrau sy'n gysylltiedig â'r grant(iau)? A yw'r cyngor yn sicrhau bod strategaethau ymadael ar gyfer grantiau tymor byrrach a/neu pan fydd grantiau'n dod i ben h.y. cynllunio wrth gefn, cynllunio ar gyfer cadernid, cynllunio ar gyfer ymadael?

8. Lles a chenedlaethau'r dyfodol fel ysgogiad: Beth yw strategaeth, gweledigaeth nodau ac amcanion y cyngor yn y maes hwn? Sut mae'r cyngor yn perfformio yn erbyn y rheini? Er enghraifft, sut mae'n ystyried cenedlaethau'r dyfodol pan rydym yn cymhwyso ac yn defnyddio grantiau?

Mae'r Panel yn awyddus i glywed gan gynifer o aelodau'r cyhoedd a sefydliadau â phosib cyn gynted â phosib.

Os hoffech gyflwyno tystiolaeth sy'n ymwneud â'r ymchwiliad hwn, gallwch wneud hynny drwy ysgrifennu atom yn:

Ebost: craffu@abertawe.gov.uk

Drwy'r post:
Y Tîm Craffu,
Neuadd y Ddinas,
Abertawe,
SA1 4SN