Ystadegau rhyddid gwybodaeth
Manylion nifer y ceisiadau Rhyddid Gwybodaeth (FOI) a dderbyniwyd gennym.
Rydym yn ymgymryd â'r camau canlynol i reoli ceisiadau rhyddid gwybodaeth:
- Derbynnir cais rhyddid gwybodaeth
- Cofnodir y cais rhyddid gwybodaeth a gosodir dyddiad cau penodol (yn unol â'r Ddeddf Rhyddid Gwybodaeth)
- Trosglwyddir y cais rhyddid gwybodaeth i'r swyddog rhyddid gwybodaeth perthnasol er mwyn llunio'r ymateb
- Bydd y swyddog rhyddid gwybodaeth yn ymateb i'r cais rhyddid gwybodaeth, gan gynnwys yr is-adran berthnasol er mwyn cau'r cais rhyddid gwybodaeth.
Adnoddau llywodraethu gwybodaeth
Gweithredir trefn llywodraethu gwybodaeth fel model gwasgaredig yng Nghyngor Abertawe ac nid oes unrhyw swyddi penodol (yn hytrach na chyfrifoldebau a rhwydweithiau a rennir) na chyllideb i ymdrin â cheisiadau rhyddid gwybodaeth, ac eithrio swydd statudol y Swyddog Diogelu Data ar fand cyflog £51,649 - £55,919.
Mae gan bob adran swyddog rhyddid gwybodaeth dynodedig sy'n gyfrifol am gasglu'r data y mae ei angen i ymateb i gais rhyddid gwybodaeth. Mae'r cyfrifoldebau hyn yn ychwanegol i'w cyfrifoldebau o ddydd i ddydd.
Nifer y ceisiadau ac adolygiadau
| 2023/24 | 2022/23 | 2021/22 | 2020/21 | 2019/20 | |
|---|---|---|---|---|---|
| Nifer y ceisiadau | 1,346 | 1,232 | 1,136 | 983 | 1,195 |
| Nifer y ceisiadau a atebwyd o fewn y terfyn amser* | 1,113 | 966 | 772 | 618 | 844 |
| Nifer y ceisiadau a atebwyd o fewn 20-40 niwrnod | 200 | 146 | 214 | 195 | 231 |
| Nifer y ceisiadau a atebwyd ar ôl 40 niwrnod | 13 | 22 | 63 | 96 | 103 |
| Nifer y ceisiadau y codwyd tâl amdanynt* | 0 | 0 | 0 | 0 | 0 |
| Nifer y ceisiadau nas atebwyd | 20 | 98 | 87 | 74 | 16 |
| Nifer yr adolygiadau | 25 | 44 | 45 | 30 | 38 |
* yn unol â gofynion Deddf Rhyddid Gwybodaeth 2000
Dewis iaith
Rhannu'r dudalen hon
Argraffu
Addaswyd diwethaf ar 20 Mai 2024