Cronfa Hyblyg ar gyfer Cyflogaeth a Sgiliau

Mae'r Gronfa Hyblyg ar gyfer Cyflogaeth a Sgiliau wedi'i sefydlu gan Fwrdd Pontio Tata i gefnogi pobl yng Nghymru y mae rhaglen drawsnewid gyfredol Tata Steel UK wedi effeithio arnynt yn uniongyrchol neu'n anuniongyrchol.

Ar gyfer beth y gellir defnyddio'r arian grant?

Os ydych yn gymwys, gall y grantiau ar gyfer unigolion eich helpu i dalu costau fel:

• costau hyfforddiant
• ffïoedd arholiadau
• tystysgrifau a thrwyddedau sy'n ymwneud â gwaith
• offer a chyfarpar
• yswiriant atebolrwydd cyhoeddus ar gyfer pobl hunangyflogedig

Nid yw'r uchod yn rhestr gyflawn o enghreifftiau. Bydd costau cefnogi eraill yn cael eu hystyried ar gyfer cyllid ar sail unigol.

Sut gallaf gael yr arian?

Os ydych yn byw yn Abertawe

E-bostiwch swanseaworking@swansea.gov.uk neu ffoniwch 01792 578632 i drefnu cyfarfod ag un o fentoriaid cyflogadwyedd Abertawe i wirio a ydych yn gymwys.

Neu gallwch alw heibio Hwb Abertawe'n Gweithio yng Nghanolfan Siopa'r Cwadrant neu unrhyw un o'r hybiau cymunedol lleol: Hybiau Cyflogaeth Abertawe'n Gweithio

Os ydych yn byw yn rhywle arall yng Nghymru

Cysylltwch â'ch gwasanaeth cyflogadwyedd lleol. Neu os ydych yn gweithio yng Nghastell-nedd Port Talbot ond rydych yn byw yn rhywle arall, gallwch hefyd fynd i un o'r lleoliadau galw heibio uchod i siarad ag un o'n hymgynghorwyr wyneb yn wyneb.

Rydym yn deall y gall colli swydd fod yn anodd iawn, ond mae croeso i chi gysylltu â ni. Rydym yma i'ch helpu i benderfynu beth yr hoffech ei wneud ac i'ch cefnogi i gymryd y cam nesaf o'ch dewis.

Pa wybodaeth y bydd angen i mi ei darparu?

Er mwyn helpu ein hymgynghorwyr i'ch cefnogi ac i ymdrin â'ch ymholiad yn gynt, bydd angen i chi ddarparu'r canlynol:

• copi o'ch llythyr dileu swydd
• prawf adnabod ffotograffig
• eich rhif Yswiriant Gwladol

Bydd cyllid ar gael yn 2025-26 hefyd.