Cynllun Corfforaethol

Adnewyddwyd y Cynllun Corfforaethol a'i gyflwyno ar gyfer 2024/2025.

Roedd hyn yn dilyn adolygiad blynyddol o amcanion lles yn unol â Deddf Llesiant Cenedlaethau'r Dyfodol (Cymru) 2015 a'r penderfyniad i ddisodli 'gwaith addas' gyda 'gwaith teg' fel rhan o amcan llesiant 'Cymru Lewyrchus' yn Neddf Partneriaeth Gymdeithasol a Chaffael Cyhoeddus (Cymru) 2023, sy'n cydnabod rôl ganolog gwaith teg wrth gyflawni dyfodol mwy cynaliadwy.

Mae amcanion lles y Cynllun Corfforaethol yn parhau i gynnwys:

• Diogelu pobl rhag niwed - er mwyn sicrhau bod ein dinasyddion yn ddiogel rhag niwed a chamfanteisio.
• Gwella Addysg a Sgiliau - fel bod pob plentyn a pherson ifanc yn Abertawe yn ennill y sgiliau a'r cymwysterau y mae eu hangen arnynt i lwyddo mewn bywyd.
• Trawsnewid ein Heconomi a'n Hisadeiledd - fel bod gan Abertawe ganol dinas defnydd cymysg, ffyniannus ac economi leol a fydd yn cefnogi ffyniant ein dinasyddion.
• Trechu Tlodi a Galluogi Cymunedau - fel y gall pob person yn Abertawe gyflawni ei botensial.
• Cyflawni ar Adfer Natur a Newid yn yr Hinsawdd - fel ein bod yn cynnal ac yn gwella natur a bioamrywiaeth yn Abertawe, yn lleihau ein hôl troed carbon ac yn mynd i'r afael â newid yn yr hinsawdd.
• Trawsnewid a Chadernid Ariannol - fel ein bod ni a'r gwasanaethau rydym yn eu darparu'n gynaliadwy ac yn addas i'r dyfodol.