Trefniadaeth Ysgolion - Dogfen ymgynghori ar y cynnig i gyfuno ysgolion cynradd Blaen-y-maes a Phortmead (disgyblion)

Ym mis Medi 2027 (dwy flynedd a hanner o nawr), mae'r cyngor am gyfuno Ysgol Gynradd Blaen-y-maes ac Ysgol Gynradd Portmead i greu un ysgol fawr fel y gall pawb rannu athrawon a syniadau.

Beth mae'r cyngor am ei wneud?

Ym mis Medi 2027 (dwy flynedd a hanner o nawr), mae'r cyngor am gyfuno Ysgol Gynradd Blaen-y-maes ac Ysgol Gynradd Portmead i greu un ysgol fawr fel y gall pawb rannu athrawon a syniadau. Bydd y plant yn parhau i gael eu haddysgu yn eu hysgolion arferol am y tro.
Rydym am wneud hyn i'n helpu gyda chynlluniau ar gyfer y dyfodol yn 2031 (6 blynedd o nawr), gan ein bod am agor ysgol newydd sbon ar dir ger Ysgol Gynradd Blaen-y-maes. Mae hyn yn golygu y bydd plant sydd yn nosbarthiadau meithrin a derbyn ar hyn o bryd yn mynd i'r adeilad ysgol newydd yn hytrach na'r ysgol y maent yn mynd iddi ar hyn o bryd. Bydd plant mewn grwpiau blwyddyn hŷn yn yr ysgol gyfun pan fydd yr ysgol newydd yn cael ei hadeiladu.

Pam mae'r cyngor am wneud hyn?

Drwy gyfuno'r ddwy ysgol cyn bod yr ysgol newydd yn barod, bydd yn golygu y gall athrawon helpu ei gilydd a dod yn un tîm cyn symud i'r ysgol newydd.
Hefyd, mae'n golygu ein bod ni'n gallu gweithio gyda chi a'ch athrawon i gynllunio ar gyfer yr ysgol newydd.

Beth byddai'r cynnig hwn yn ei olygu?

Yn 2027, bydd Ysgol Gynradd Blaen-y-maes ac Ysgol Gynradd Portmead yn dod yn un ysgol, ond bydd yn parhau i ddefnyddio'r un adeiladau ag y rhai a ddefnyddir ar hyn o bryd, felly ni fydd llawer yn newid i'r disgyblon.
Mae'n debygol y bydd gennych yr un athrawon a staff eraill yn gweithio gyda chi.
Yn 2031, y cynllun yw y bydd yr ysgol yn symud o'r hen adeiladau i'r safle ysgol newydd ger Ysgol Gynradd Blaen-y-maes.

Wyddech chi?

Mae CCUHP (Confensiwn y Cenhedloedd Unedig ar Hawliau'r Plentyn) yn gytundeb byd-eang sy'n dweud bod gan bob plentyn a pherson ifanc hawliau. Yn ôl Erthygl 12 o CCUHP, mae gan blant a phobl ifanc yr hawl i fynegi barn ac i'w llais gael ei glywed pan wneir penderfyniadau sy'n effeithio ar eu bywydau. Rydym yn credu y dylai hyn gynnwys penderfyniadau am eich ysgol.

Beth sy'n digwydd nesaf?

Bydd cynghorwyr yn cwrdd ar 18 Medi i ddarganfod yr hyn a ddywedodd pobl yn ystod y cyfnod ymgynghori. Yna byddant yn penderfynu a fyddant yn symud i gam nesaf y cynnig.
Os byddant yn penderfynu symud ymlaen, gelwir y cam nesaf yn gyfnod 'Hysbysiad Statudol'. Bydd hysbysiad yn cael ei anfon at dy rieni/ofalwyr a phobl eraill sy'n gysylltiedig â'r ysgol. Bydd yr hysbysiad yn esbonio cynnwys y cynnig a'r hyn y gall pobl ei wneud os nad ydynt am i'r cynnig gael ei roi ar waith.
Bydd cynghorwyr yn cwrdd eto ar ôl hynny i drafod yr hyn y mae pobl wedi'i ddweud am yr hysbysiad ac i benderfynu beth i'w wneud nesaf.

Sut gall disgyblion fynegi eu barn ar y syniad?

Gelli di gwblhau'r arolwg ar-lein yma: https://www.abertawe.gov.uk/cynnigtrefniadaeth
Gelli di ysgrifennu i'r cyngor erbyn 15 Mai 2025 a mynegi dy farn.

Ysgrifennu at:
Helen Morgan-Rees,
Cyfarwyddwr Addysg,
Neuadd y Ddinas,
St Helen's Crescent,
Abertawe
SA1 4PE
neu anfona e-bost i trefniadaethysgolion@abertawe.gov.uk