Rhaglen Angori Cyflogadwyedd

Mae'r Rhaglen Angori Cyflogadwyedd newydd yn adeiladu ar lwyddiant prosiect 'Llwybrau at Waith' UKCRF i ddarparu ymagwedd amlasiantaeth gydlynol at gyflwyno darpariaeth cyflogadwyedd a sgiliau.

Bydd amryfal bartneriaid cyflwyno'n dod ag arbenigeddau ynghyd i ddarparu cynnig cefnogaeth fwy cyfannol i unigolion a chreu llwybrau at feysydd gwaith allweddol drwy ddarparu cefnogaeth cyflogadwyedd, sgiliau a hyfforddiant, sgiliau chwilio am swyddi, cyfleoedd gwirfoddoli a lleoliadau.

Mae partneriaid cyflwyno'n cynnwys:

• Tîm Cyllid Allanol Cyngor Abertawe
• Tîm NEET Cyngor Abertawe
• Coleg Gŵyr Abertawe 
• Y Wallich 
• Y Ganolfan Entrepreneuriaeth Affricanaidd 
• Ymddiriedolaeth y Tywysog Cymru 
• Tîm Cefnogi Lleiafrifoedd ac Ieuenctid Ethnig (EYST) Cymru 
• Cefnogaeth Iechyd Meddwl i gymunedau Du, Asiaidd ac ethnig leiafrifol 
• Cyngor Gwasanaethau Gwirfoddol Abertawe (CGGA) 
• Llamau 
• Platfform 
• MAD Abertawe 

Mae'r prosiect Llwybrau at Waith yn canolbwyntio ar fylchau yn y ddarpariaeth bresennol ac anghenion lleol i ategu darparwyr presennol drwy greu llwybrau cyflogadwyedd a gyflwynir gan weithwyr allweddol drwy ddarpariaeth:

• cefnogaeth atal NEET mewn ysgolion uwchradd / UCDau
• cefnogaeth ymgysylltu ar gyfer pobl ifanc NEET a'r rheini sy'n anweithgar yn economaidd
• cefnogaeth cyflogadwyedd fanwl
• cefnogaeth sgiliau a hyfforddiant
• sgiliau digidol
• gwirfoddoli, profion gwaith a lleoliadau gwaith â thâl
• clwb swyddi'n gysylltiedig â chyflogwyr lleol
• darpariaeth cyflogadwyedd arbenigol drwy gynllun grant trydydd parti

Y nod yw symud unigolion di-waith neu sy'n anweithgar yn economaidd drwy becyn pwrpasol o ymyriadau i mewn i'r farchnad lafur neu'n agosach ati.

Am ragor o wybodaeth, ffoniwch 01792 637112 neu e-bostiwch llwybraugwaith@abertawe.gov.uk.