Cynllun i gynyddu cymorth i ddisgyblion ag anghenion dysgu ychwanegol

Bydd cyfleusterau addysgu arbenigol newydd yn cael eu creu ar draws ysgolion.

Yn hollbwysig, dan y cynigion, ni chaiff unrhyw ddisgyblion eu symud o'u hysgol bresennol ac ni therfir ar eu haddysg wrth i'r newidiadau gael eu cyflwyno.

Mae'r mwyafrif o ddisgyblion ag anghenion dysgu ychwanegol yn Abertawe'n cael eu haddysgu mewn ysgolion prif ffrwd, ond mae oddeutu 600 o ddisgyblion ag anghenion mwy difrifol a chymhleth y mae angen lleoliad arbenigol arnynt at ddibenion dysgu a lles.

Mae 38 o gyfleusterau addysgu arbenigol ar hyn o bryd mewn 31 o ysgolion.

Dros y blynyddoedd diwethaf, mae nifer y disgyblion y mae angen y cymorth hwn arnynt wedi cynyddu a disgwylir i'r nifer barhau i gynyddu. Er mwyn ateb y galw cynyddol hwn, mae'r cyngor yn bwriadu ychwanegu 61 o leoedd eraill.

Bydd y cynigion yn cynnwys:

·       Creu pum cyfleuster addysgu arbenigol newydd er mwyn sicrhau y caiff y ddarpariaeth ei dosbarthu'n fwy cyfartal o safbwynt daearyddol

·       Ehangu pedwar cyfleuster addysgu arbenigol presennol

·       Bydd y mwyafrif o'r cyfleusterau addysgu arbenigol yn parhau a chaiff llawer ohonynt eu hailddynodi fel y gallant ddiwallu anghenion mwy o ddisgyblion.

Bydd y newidiadau'n golygu y bydd y cymorth yn adlewyrchu anghenion disgyblion yn well ac, os oes modd, fe'i darperir yn agosach at gartrefi disgyblion.

Dan y cynnig, er y byddai pum cyfleuster addysgu arbenigol yn cau, mae dau ohonynt mewn ysgolion lle ceir cyfleusterau addysgu arbenigol eraill, felly byddant yn parhau i gynnig darpariaeth. Caiff gwasanaethau amgen newydd eu datblygu yn y ddau leoliad arall