Addysg Gymraeg yn Abertawe - y daith at ddwy iaith

Ledled Cymru mae mwy a mwy o rieni yn dewis addysg Gymraeg i'w plant fel y gallant ddod yn ddwyieithog ac yn rhugl yn y Gymraeg a'r Saesneg. Does dim angen i reini allu siarad Cymraeg er mwyn i'w plant fynychu addysg Gymraeg - mae plant yn cael eu trochi yn y Gymraeg yn yr ysgol ac yn dod yn rhugl yn gyflym.

Gall dwyieithrwydd ddod â llawer o fanteision i'ch plentyn:

• Gall dysgwyr sy'n deall mwy nag un iaith feddwl yn fwy creadigol ac yn fwy hyblyg ac maent yn tueddu i wneud yn well mewn profion deallusrwydd IQ.
• Mae gan ddwyieithrwydd effaith bositif ar yr ymennydd trwy ei gadw'n fywiog yn ddiweddarach yn ystod eu hoes.
• Gall bod yn ddwyieithog leihau'r risg o ddementia.
• Yng Nghymru, mae gallu siarad Cymraeg yn rhugl yn sgil ychwanegol gwerthfawr a fydd yn fanteisiol i'ch plentyn wrth chwilio am waith.
• Mae bod yn ddwyieithog yn rhoi mynediad i ddau ddiwylliant a dau fyd o brofiad.
• O ddwyiethog i aml-ieithog - mae pobl ddwyieithog yn ei chael hi'n haws dysgu trydedd iaith a dangos mwy o oddefgarwch tuag at ddiwylliannau eraill.
• Ledled Cymru mae plant dwyieithog yn tueddu i sicrhau gwell canlyniadau - gan gynnwys yn Saesneg.