Sut gallwch adrodd am rywun rydych yn amau ei fod yn cyflawni twyll?

Helpwch ni i atal, canfod a rhwystro twyll. Os ydych yn amau bod rhywun yn cyflawni twyll yn erbyn y cyngor, dylech adrodd amdanynt ar unwaith.

Gallwch wneud hyn yn gyfrinachol mewn sawl ffordd. Nid oes angen i chi roi'ch enw oni bai eich bod am wneud hynny.

Twyll Budd-dal Tai

Adrodd am Dwyll Budd-dal Tai ar wefan Gov.uk (Yn agor ffenestr newydd)

Gallwch hefyd ffonio 0800 854440 neu ysgrifennu i NBFH, PO Box 224, Preston PR1 1GP.

Yr Adran Gwaith a Phensiynau sy'n gyfrifol am ymchwilio i'r holl dwyll Budd-dal Tai.

Twyll Gostyngiad Treth y Cyngor

Adrodd am Dwyll Gostyngiad Treth y Cyngor

Gallwch hefyd ffonio 01792 635359, e-bostio fraud@swansea.gov.uk neu ysgrifennu i'r Tîm Twyll Corfforaethol, Is-adran Archwilio Mewnol, Cyllid a Chyflwyno, Adran Gwasanaethau Corfforaethol, Canolfan Ddinesig, Abertawe SA1 3SN.

Twyll neu Gamddefnyddio Bathodyn Glas

Adrodd am Dwyll neu Gamddefnyddio Bathodyn Glas

Gallwch hefyd ffonio 01792 637366 neu e-bostio fraud@swansea.gov.uk neu ysgrifennu i'r Tîm Bathodynnau Glas, Canolfan Ddinesig, Heol Ystumllwynarth, Abertawe SA1 3SN.

Mae ein tudalen Twyll neu Gamddefnyddio Bathodyn Glas yn cynnwys manylion am y mathau o gamddefnyddio neu dwyll y dylid dweud wrthym amdanynt.

Twyll arall a gyflawnir yn erbyn Dinas a Sir Abertawe

Adrodd am dwyll

Gallwch hefyd ffonio 01792 635359 neu e-bostio fraud@swansea.gov.uk neu ysgrifennu i'r Tîm Twyll Corfforaethol, Is-adran Archwilio Mewnol, Canolfan Ddinesig, Abertawe SA1 3SN.

Mae enghreifftiau o dwyll arall yn cynnwys y canlynol (nid yw'r rhestr yn gyflawn).

Twyll Tenantiaeth Tai Cyngor

Is-osod anghyfreithlon - dyma lle mae'r tenant cyfreithlon yn symud o'r tŷ heb fod y cyngor yn gwybod am hyn, yn parhau i dalu'r rhent ac yn codi rhent uwch ar y preswyliwr anghyfreithlon, gan wneud elw drwy hyn.
Ddim yn byw yn yr eiddo neu ddim yn preswylio yno - dyma lle mae gan rywun dŷ cyngor nad yw'n byw ynddo. Bydd y person hwn yn torri ei gytundeb tenantiaeth sy'n nodi:
- Bod yn rhaid i'r tenant ddefnyddio'r eiddo fel ei brif neu ei unig gartref, a
- Bod yn rhaid i'r tenant ddweud wrth y swyddfa dai a fydd i ffwrdd o'i gartref am fwy na mis.
Ffurflenni cais twyllodrus - dyma lle mae rhywun yn rhoi gwybodaeth anwir ar ei ffurflen gais am dŷ cyngor, hawl i brynu, cyd-gyfnewid neu neillltuo tenantiaeth.
Hawlio olyniaeth ar gam - dyma lle mae rhywun nad oes hawl ganddo i wneud hynny, yn ceisio cymryd neu olynu'r denantiaeth. Er enghraifft, efallai bydd y person hwn yn dweud ei fod yn byw gyda'r tenant cyn iddo farw, pan oedd mewn gwirionedd, yn bwy yn rhywle arall.
Gwerthu allweddi - dyma lle mae tenant yn cael ei dalu i drosglwyddo allweddi i rywun arall yn gyfnewid am daliad unigol, sydd wedyn yn cymryd y denantiaeth yn anghyfreithlon.
Gyda'r galw mawr am dai cymdeithasol, mae'n bwysig ein bod yn mynd i'r afael â thwyll tenantiaeth tai cyngor i sicrhau bod cartrefi'n cael eu rhoi i'r rhai y mae eu hangen arnynt ac sy'n eu haeddu.Gallai unrhyw un a ganfyddir yn cyflawni twyll o'r math hwn gael ei droi allan o'r eiddo yn ogystal ag wynebu cyhuddiad o drosedd.

Gostyngiad Person Sengl Treth y Cyngor

Gall hwn fod yn berson sy'n talu treth y cyngor sy'n derbyn gostyngiad o 25% ar ei dreth y cyngor ond nid yw'n byw ar ei ben ei hun.

Taliadau Uniongyrchol am Ofal

Gall hyn fod lle mae unigolyn yn derbyn taliadau gan y cyngor i ddarparu gofal iddo ef ei hun neu berson arall, ond nid yw'r holl arian neu beth ohono'n cael ei wario ar ofal.

Grantiau

Gall hyn fod lle nad yw grantiau sy'n cael ei rhoi i unigolion neu sefydliadau i'w cynorthwyo â'u gweithrediadau neu i addasu cartrefi fel eu bod yn addas i anghenion penodol y preswylwyr, yn cael eu defnyddio at y diben bwriadedig.

Twyll Cyflenwr/ Contract

Gall hyn fod lle bydd cyflenwr neu gontractwr, yn fwriadol, yn cyflenwi nwyddau neu gynnyrch sy'n is na'r safon neu'n rhatach o ran cost iddynt, pan fo'r cyngor wedi talu am nwyddau neu gynnyrch o safon uwch ac yn eu disgwyl.