ADY - Anhwylder Cydlynu Datblygiadol (ACD)
Mae pob plentyn yn datblygu sgiliau echddygol a chydsymud ar gyfraddau gwahanol. Wrth iddynt dyfu, bydd rhai plant a phobl ifanc yn cael anawsterau gyda symudiadau manwl (bach) a bras (mawr).
Gelwir hyn yn Anhwylder Cydlynu Datblygiadol (neu ACD) neu Ddyspracsia. Gall hyn effeithio ar eu gallu i gwblhau llawer o dasgau beunyddiol a byddant yn ymddangos yn drwsgl yn aml.
Arwyddion cyffredinol
Mae llawer o arwyddion o ACD; dyma rai arwyddion cyffredinol a allai ddangos bod gan eich plentyn / person ifanc nam ACD:
- Cydbwyso gwael
- Anhawster chwarae gemau pêl
- Anhawster rheoli pensil
- Anhawster codi pethau
- Anhawster defnyddio siswrn.
Camau nesaf
Os ydych chi'n poeni y gall fod gan eich plentyn / person ifanc ACD a'i fod yn effeithio ar ei ddysgu, siaradwch ag ysgol / coleg eich plentyn / person ifanc. Siaradwch â'r athro dosbarth neu Cydlynydd Anghenion Dysgu Ychwanegol (CADY) a byddant yn gallu gweithio gyda chi a phennu'r hyn sy'n digwydd nesaf. Os yw'ch plentyn dan 5 oed, mae angen i chi siarad â'ch Ymwelydd Iechyd.
Dewis iaith
Rhannu'r dudalen hon
Argraffu
