ADY - Anawsterau Dysgu Cymedrol (ADC)
Bydd gan ddysgwyr ag anawsterau dysgu cymedrol gyraeddiadau islaw'r lefelau disgwyliedig ym mhob rhan neu'r rhan fwyaf o feysydd y cwricwlwm.
Mae angen addasu'r cwricwlwm ar gyfer llawer o blant ag anawsterau dysgu cymedrol fel rhan o gefnogaeth gyffredinol a gallent dderbyn ymyriadau wedi'u targedu. Mae angen monitro cynnydd dysgwyr ag anawsterau dysgu cymedrol er mwyn sicrhau bod y gefnogaeth y maent yn ei chael yn parhau i fod yn briodol.
Arwyddion cyffredionl
Mae llawer o arwyddion o Anawsterau Dysgu Cymedrol; dyma rai arwyddion cyffredinol a allai ddangos bod eich plentyn yn cael anhawster cymedrol.
Yr arwyddion cyffredinol i chwilio amdanynt yw:
- Bod ganddo sgiliau gwrando / talu sylw anaeddfed
- Oedi mewn sgiliau lleferydd ac iaith
- Anhawster wrth ddatblygu sgiliau llythrennedd a rhifedd sylfaenol a chyraeddiadau eraill
- Mwy o anhawster na'i gyfoedion gyda thasgau pob dydd
- Hunan-barch isel
- Cymhelliad gwael
- Bod ganddo rai anawsterau cydsymud echddygol.
Camau nesaf
Os ydych chi'n poeni y gall fod gan eich plentyn / person ifanc Anhawster Dysgu Cymedrol sy'n effeithio ar ei ddysgu, siaradwch â'r athro dosbarth neu'r Cydlynydd Anghenion Dysgu Ychwanegol (CADY) a byddant yn gallu gweithio gyda chi a phennu'r hyn sy'n digwydd nesaf. Os yw'ch plentyn dan 5 oed, mae angen i chi siarad â'ch Ymwelydd Iechyd.
Dewis iaith
Rhannu'r dudalen hon
Argraffu
