ADY - Anghytuno â phenderfyniad yr awdurdod lleol

O bryd i'w gilydd, gall anghytundebau godi ynghylch Anghenion Dysgu Ychwanegol (ADY) neu Ddarpariaeth Ddysgu Ychwanegol (DDdY). Cyn belled ag y bo modd, dylid eu datrys cyn gynted â phosib. Bwriad y broses gynhwysol o ddatblygu cynllun datblygu unigol (CDU) a'r ddyletswydd i ystyried safbwyntiau, dymuniadau a theimladau'r plentyn, rheini'r plentyn neu'r person ifanc yw helpu i oresgyn pryderon yn gynnar ac osgoi anghytundebau rhag codi.

Rwy'n anfodlon o hyd â'r penderfyniad, beth yw'r cam nesaf?

Os ydych wedi cysylltu â'r gweithwyr achos ADY ac mae angen cefnogaeth bellach arnoch, gellir darparu hyn trwy ddarparu gwasanaeth datrys anghydfod ffurfiol (eiriolaeth). Yn Abertwe, darperir y gwasanaeth hwn yn annibynnol o'r cyngor a gellir cael mynediad ato trwy gweithwyr achos ADY. Gall y person ifanc, y rhiant, y sefydliad addysg neu'r cyngor ofyn am y gwasanaeth hwn. Mae cyfranogiad yn wirfoddol.

Os gofynnir amdano, darperir y gwasanaeth gan hwylusydd hyfforddedig a phrofiadol sy'n trefnu ac yn hwyluso trafodaeth a chyfarfodydd datrys anghytundeb mwy ffurfiol. Mae'r holl gyfryngu ar y cam hwn yn ffurfiol a bydd yn cynnwys:

• Dilyn amserlenni statudol
• Penodi hwylusydd
• Cael caniatâd ffurfiol
• Cymryd hanes gan bob plaid
• Clywed llais y plentyn / person ifanc
• Cytuno ar amser ar gyfer cyfarfod cyfryngu ffurfiol
• Cynnal y cyfarfod
• Cytuno ar gamau gweithredu
• Rhannu'r camau y cytunwyd arnynt gyda phawb sy'n gysylltiedig.

Mae'r broses yn defnyddio cyfryngu fel ffordd gadarnhaol o ddatrys anghytundebau ac mae'n teimlo y gall cyfryngu ddatrys y problemau hyn a hefyd roi cyfle i adfer neu wella'r berthynas rhwng rheini neu bobl ifanc a'r cyngor. Y nod bob amser yw ystyried anghenion y plentyn neu'r person ifanc yn gyntaf a chadw'r ffocws ar ddod o hyd i ddatrysiadau ar gyfer y materion pwysig.

Camau nesaf i ddatrys yr anghydfod

Gall plentyn / person a / neu riant / ofalwr gyfeirio at Dribiwnlys Anghenion Addysgol Arbennig Cymru neu Dribiwnlys Addysg Cymru os yw'n anfodlon ar y canlyniadau ynghylch penderfyniadau a wneir gan yr awdurdod lleol mewn perthynas ag ADY neu DDdY.