ADY - Eiriolaeth - cefnogi'r dysgwr

Beth yw eiriolaeth?

Bydd eiriolaeth yn dy helpu ac yn sicrhau bod dy lais yn cael ei glywed wrth wneud penderfyniadau sy'n effeithio arnat ti. Mae gen ti hawl i fynegi dy barn a bydd y gwasanaeth eiriolaeth yn dy gefnogi wrth gyflawni hyn.

Ni fydd eiriolwr yn gwneud y canlynol:

• dy feirniadu di
• dweud wrthot ti beth i'w wneud
• siarad ag unrhyw un heb dy ganiatâd - oni bai dy fod wedi dweud wrtho y gall wneud hynny!

Beth fydd eiriolwr yn ei wneud?

• Bydd yn dy helpu i siarad dros dy hun neu siarad ar dy ran os wyt ti eisiau iddo wneud hynny.
• Gwrando ar dy bryderon neu beth sy'n dy boeni a dy helpu i wella hyn.
• Bod yn agored ac yn onest gyda thi.
• Dy helpu i herio penderfyniadau.
• Dy helpu i baratoi at gyfarfodydd.
• Esbonio i oedolion sut rwyt ti'n teimlo.
• Esbonio i ti beth sy'n digwydd a beth sydd wedi'i gynllunio.
• Dy helpu i ddatrys problem os wyt ti'n meddwl gwneud gwyn, honiad o wahaniaethu neu apêl.

Sut i gael cefnogaeth

Gelli di siarad â dy deulu, dy ysgol, dy weithiwr ieuenctid a dy weithiwr cymdeithasol am gael eiriolwr.

Dylai fod plentyn neu berson ifanc yn gallu cael ei eiriolwr ei hun heb ofyn i rywun arall nad yw o bosib yn gyfforddus â nhw wneud hynny ar ei ran.

National Youth Advocacy (NYA) - 0808 808 1001 E-bost: help@nyas.net