Cydlynydd Anghenion Dysgu Ychwanegol (CADY)

Beth ydyn nhw'n ei wneud?

Mae gan y CADY gyfrifoldeb cyffredinol am y canlynol:

• Ysgrifennu a rhoi polisi Anghenion dysgu Ychwanegol (ADY) ar waith.
• Goruchwylio'r gwaith o weithredu polisi ADY yr ysgol o ddydd i ddydd.
• Cysylltu a chynnig cyngor i staff yr ysgol ar faterion ADY.
• Rheoli staff cymorth ADY.
• Cyfrannu at hyfforddiant mewn swydd i athrawon.
• Penderfynu a oes gan blentyn ADY ar y cyd ag arbenigwyr allanol.
• Bod â chyfrifoldeb cyffredinol i sicrhau bod gan bob plentyn / person ifanc sydd ag ADY ar draws yr ysgol CDU.
• Cysylltu â rhieni plant ag ADY a threfnu cyfarfodydd adolygu.
• Cydlynu darpariaeth ar gyfer plant ag ADY.
• Goruchwylio cofnodion pob plentyn ag ADY.
• Cysylltu ag asiantaethau allanol gan gynnwys athrawon cynghori a gwasanaethau seicoleg addysgol, iechyd a gwasanaethau cymdeithasol, a chyrff gwirfoddol.

Mae'r CADY yn gwneud yn siŵr bod anghenion pob plentyn / person ifanc sydd ag ADY yn cael eu diwallu.

Dwi'n pryderu am fy mhlentyn, â phwy y dylwn i gysylltu?

Am bryderon cyffredinol, yn gyntaf mae angen i chi siarad â'r athro dosbarth a / neu CADY yr ysgol / coleg. Eu nod yw gweithio gyda'i gilydd i'ch cefnogi a'ch arwain.

Os ydych chi wedi siarad â nhw, mae'ch plentyn wedi cael cefnogaeth ychwanegol ac rydych chi'n pryderu o hyd, yna siaradwch â CADY yr ysgol.

Beth fydd y CADY yn ei wneud i helpu fy mhlentyn?

Mae hyn yn dibynnu ar anghenion eich plentyn. Bydd y CADY yn gweithio gyda chi i drafod anghenion eich plentyn a sut y gellir ei gefnogi yn yr ysgol.