Cydlynydd Dynodedig (CD)
Wrth wneud penderfyniad o ran a oes gan blentyn neu berson ifanc ADY, y CADY yw'r person yn y cyngor a fydd yn gyfrifol am gydlynu'r hyn sy'n digwydd pan fydd yr Awdurdod Lleol yn gyfrifol am y CDU.
Sut bydd y CADY yn cefnogi fy mhlentyn neu berson ifanc?
Bydd y CADY yn gweithio gyda chi a'ch plentyn i sicrhau bod ei lais yn cael ei glywed. Byddant yn trefnu ac yn cadeirio Adolygiad sy'n Canolbwyntio ar yr Unigolyn er mwyn casglu barn y plentyn neu'r person ifanc yn ogystal â phawb sy'n cefnogi'r plentyn neu'r person ifanc hwnnw, a byddant yn cael unrhyw wybodaeth arall a fydd yn helpu tuag at wneud penderfyniad. Os oes angen, bydd y CADY wedyn yn gyfrifol am baratoi ac adolygu Cynllun Datblygu Unigol (CDU).
Beth os ydw i'n anghytuno â rhywbeth?
Bydd y CADY yn gweithio gyda rhieni, gofalwyr a phobl ifanc i egluro a llywio'r prosesau ADY perthnasol. Fodd bynnag, os oes anghytundeb na ellir ei ddatrys gan y CADY, gall gweithiwr achos ADY gamu i mewn i ddarparu cyngor a chefnogaeth. Mae gweithwyr achos ADY yn gweithio mewn ffordd ddiduedd i gefnogi rhieni, gofalwyr, pobl ifanc ac ysgolion i weithio gyda'i gilydd i sicrhau'r canlyniadau addysgol gorau i dysgwyr ADY.
Gallwch gysylltu â'r tîm gweithwyr achos drwy e-bostio caseworker@abertawe.gov.uk.
Ar gyfer plant cyn oed ysgol sydd â Cynllun Datblygu Unigol (CDU), bydd y CADY yn parhau i fod yn bwynt cyswllt hyd nes y bydd y plentyn yn mynd i'r ysgol ac mae'r ysgol yn ysgwyddo cyfrifoldeb y CDU.
Sut y gallaf gysylltu â'r Tîm CADY?
Bydd CADY eich plentyn neu berson ifanc yn cysylltu â chi drwy alwad ffôn. Bydd yn cysylltu'n gychwynnol i gyflwyno'i hunan, i egluro'r broses ac i gael caniatâd i barhau gyda'r broses. Yna bydd yn rhannu ei wybodaeth gyswllt â dilynol.
Gallwch gysylltu â'r tîm drwy e-bost yn DESCo@abertawe.gov.uk.