Cylchgrawn Eglwys Gŵyr

Er bod llawer o'r eglwysi mawr yn yr ardal yn cynhyrchu eu cylchgrawn plwyf eu hunain, mae'r plwyfi ar Gŵyr yn cynhyrchu un cyhoeddiad ar y cyd bob mis, sy'n cynnwys newyddion o bob un o'r plwyfi yn yr ardal. Mae'r plwyfi penodol yn Llandeilo Ferwallt, Pennard, Llanilltyd Gŵyr, Penmaen, Nicholaston, Oxwich, Penrice, Reynoldston, Llanddewi a Llan-y-tair-Mair, Port Eynon, Rhossili, Llangennith, Llanmadoc, Cheriton, Llanrhidian a Llanyrnewydd (Penclawdd).

Ym mis Rhagfyr 1916 cynhyrchwyd atodiad i'r cylchgrawn trwy waith George Baker-Haynes o Frynhir. Dyma'i ragair:

"Fy NGHYMDOGION A FFRINDIAU, Gan gymryd, fel y gwnaf yn naturiol, ddiddordeb mawr ym mhob mater sy'n gysylltiedig â Gŵyr annwyl, credaf ei bod yn ddymunol y dylai fod yn gofnod lleol parhaol o bawb sy wedi ymuno â'n Fyddin neu Lynges, a thrwy hyn wedi gwneud yn ffyddlon ac yn urddasol eu dyletswydd i'w Brenin, Gwlad a Chartrefi... "

Gan ei fod mewn ffurf cylchgrawn, mae'n gallu cynnwys mwy o wybodaeth nag oedd yn bosibl ar y rholiau anrhydedd wedi'u fframio. Mae'n rhestru'r dynion Gŵyr i gyd o bob plwyf a ymunodd hyd at y dyddiad hwnnw, ynghyd â nodiadau o ran lle'r oeddent yn gwasanaethu a beth oedd wedi digwydd iddynt wedyn. Er ein bod yn cadw cyfrolau rhwymedig o Gylchgrawn Eglwys Gŵyr yma yn yr Archifau, nid ydynt yn cynnwys fersiwn gwreiddiol o'r rhifyn arbennig hwn, ond rydym yn ffodus o gael y trawsgrifiad hwn.

Lawrlwythwch fersiwn mawr o'r trawsysgrif o'r rhestr anrhydedd (PDF) [1MB](Yn agor ffenestr newydd)

Yn ôl i'r rhestr o enwau