Casgliadau gwastraff na ellir ei ailgylchu ar gyfer busnesau
Ni waeth faint o wastraff y mae eich busnes yn ei gynhyrchu, gallwn gynnig cynwysyddion addas i storio'ch gwastraff na ellir ei ailgylchu a'i baratoi i'w gasglu.
Biniau olwynog
Rydym yn darparu biniau olwynion i storio'ch gwastraff busnes rhwng casgliadau. Mae amrywiaeth o feintiau ar gael i fodloni gofynion eich busnes.
Mae'r gwasanaeth biniau'n ddelfrydol ar gyfer y busnesau hynny sydd â lle ar eu safle i symud a storio'r mathau hyn o finiau. Bydd angen i swyddog gwblhau asesiad addasrwydd cyn y gallwn ddarparu biniau.
Bydd y tabl isod yn eich helpu i benderfynu pa fath o gynhwysydd sy'n iawn i'ch busnes. Dylech ddewis maint y cynhwysydd sydd yn addas ar gyfer swm y gwastraff mae'ch busnes yn ei gynhyrchu, nid ar sail pris.
| Capasiti biniau | Lled | Dyfnder | Uchder | * Nifer y sachau (oddeutu) |
|---|---|---|---|---|
| 360 litr | 62 cm | 86 cm | 107 cm | 5 |
| 500 litr | 126cm | 72cm | 108cm | 6 |
| 770 litr | 126 cm | 78.5 cm | 137 cm | 9 |
| 1100 litr | 126.5 cm | 98.5 cm | 137 cm | 14 |
*sachau gwastraff, cynhwysedd safonol 70 litr
Mae biniau'n dod â chloeon.
Mae'n rhaid cyflwyno biniau olwynog gyda'r caeadau ar gau ac wedi'u cloi; rhaid cadw'r holl wastraff na ellir ei ailgylchu y tu mewn i'r bin. Ni fydd gwastraff na ellir ei ailgylchu wrth ymyl y biniau neu ar ben y biniau'n cael ei gasglu oni bai y cytunwyd ar hyn cyn y casgliad.
Gallwch ofyn am gasgliad sbwriel ar alw ar-lein.
Terfynau pwysau biniau
Ni all y cerbyd godi biniau sy'n pwyso dros 500kg. Mae hyn fel arfer ond yn digwydd os yw'r bin yn cynnwys gwastraff bwyd neu rwbel nad ydym yn ei dderbyn mewn biniau gwastraff na ellir ei ailgylchu. Os gwelwn fod busnes yn rhoi'r deunyddiau hyn mewn bin rydym yn cadw'r hawl i derfynu ei gontract ar unwaith.
Sachau gwyn
Os nad ydych yn cynhyrchu digon o wastraff i gael bin olwynog, yna mae gennym wasanaeth casglu sachau gwyn ar gyfer gwastraff na ellir ei ailgylchu. Bydd angen i chi lofnodi contract gyda'r Tîm Gwastraff Masnachol cyn i chi archebu sachau gwyn.
Gallwch archebu a thalu am sachau gwastraff masnachol gwyn ar-lein.