Ysgol Sirol Port Talbot (Ysgol Gyfun Glan Afan yn ddiweddarach)

Gosodwyd maen sylfaen Ysgol Sirol Port Talbot ym 1893 gan Emily Talbot, perchennog yr Ystad Margam, ac agorodd ar 28 Medi 1896. Cynhwysodd y derbyniad cyntaf 44 o fechgyn a 41 o ferched.

Helaethwyd yr Ysgol ym 1938 ac aeth yn Ysgol Ramadeg Glan Afan ym 1951. Yn ddiweddarach, ym 1959, daeth yn Ysgol Technegol Glan Afan, cyn uno gyda nifer o ysgolion eraill ym 1965 i ddod yn Ysgol Gyfun Glan Afan. Caewyd yr ysgol ym mis Gorffennaf 2016 fel rhan o ad-drefniant ysgolion ehangach yng Nghastell-nedd Port Talbot, â'r bwriad i ailddatblygu'r safle, a dyma pam mae cofeb rhyfel yr ysgol wedi'i chynnwys yn y prosiect hwn.

Trosglwyddwyd cofnodion yr ysgol i Wasanaeth Archifau Gorllewin Morgannwg. Mae'r ddogfen a ddangosir yma'n drefn y gwasanaeth ar gyfer ymroddiad y gofeb. Mae'n cynnwys rhestr o enwau'r 37 cyn-ddisgyblion a fu farw yn y Rhyfel Byd Cyntaf, a hefyd ffotograff o'r gofeb ei hun. Dadorchuddiwyd y gofeb ar 10 Tachwedd 1921 gan Syr Thomas Mansel Franklen, Clerc Cyngor Sir Forgannwg a pherthynas bell i Emily Talbot a osododd y garreg sylfaen.

Lawrlwythwch fersiwn mawr o'r Rhestr Anrhydedd (PDF, 411 KB) (Yn agor ffenestr newydd)

Yn ôl i'r rhestr o enwau