Trwyddedu dros Galan Gaeaf, Noson Tân Gwyllt, Beaujolais, Nadolig a Blwyddyn Newydd 2023-2024

Bydd hyn yn berthnasol os nad oes trwydded mangre/tystysgrif mangre clwb gennych, neu os nad yw'ch trwydded mangre/tystysgrif mangre clwb yn caniatáu'r gweithgaredd trwyddedadwy rydych yn ei gynllunio. Mae gweithgareddau trwyddedadwy'n cynnwys gwerthu neu gyflenwi alcohol, lluniaeth gyda'r nos (gwerthu bwyd twym a diod rhwng 11.00pm a 5.00am - nid yw hyn yn berthnasol i fangreoedd clwb), adloniant a reoleiddir, sy'n cynnwys cerddoriaeth, dawnsio, dramâu, ffilmiau, chwaraeon dan do, paffio a reslo. (Efallai y bydd rhai digwyddiadau bach bellach wedi'u heithrio)

Mae TEN yn caniatáu i ddigwyddiadau bara hyd at 168 o oriau ac ni chaniateir i fwy na 499 o bobl fod yn bresennol. Mae'n rhaid i drefnydd y digwyddiad gyflwyno'r hysbysiad o leiaf 10 niwrnod gwaith cyn dyddiad y digwyddiad. Gellir cyflwyno TEN hwyr, ond ni ddylai hyn fod yn gynt na 9 niwrnod gwaith cyn y digwyddiad nac yn hwyrach na 5 niwrnod gwaith cyn y digwyddiad a rhaid nodi mai TEN hwyr ydyw.

Nid yw diwrnodau gwaith yn cynnwys dydd Sadwrn, dydd Sul a Gwyliau Banc, sef Dydd Nadolig, Gŵyl San Steffan a Dydd Calan yn y cyd-destun hwn.

Hefyd, nid yw'r diwrnodau gwaith yn cynnwys y diwrnod cyflwyno chwaith, hynny yw'r diwrnod mae'n cael ei dderbyn gan yr awdurdod, a diwrnod y digwyddiad ei hun.

Gallwch wneud cais am TEN ar-lein Gwneud cais am hysbysiad o ddigwyddiad dros dro.

Mae'r tabl canlynol yn rhoi arweiniad ar y dyddiadau cyflwyno ar gyfer TENs safonol a hwyr.