Rhowch eich barbeciws tafladwy mewn bin

Mae pymtheg bin coch ar gyfer barbeciws tafladwy newydd gael eu gosod ar gyfer yr haf mewn traethau poblogaidd sy'n eiddo i'r cyngor, felly does dim esgus i bobl adael eu sbwriel o gwmpas y lle ar y traeth.

Dywedodd Cyril Anderson, Aelod y Cabinet dros Wasanaethau Cymunedol mai cyfrifoldeb y rheini sy'n mynd i'r traeth yw cael gwared ar eu gwastraff yn gyfrifol, a mynd ag ef adref gyda nhw os yw'r biniau'n llawn.

Mae sawl achos wedi bod yn y blynyddoedd diweddar lle mae plant wedi cael eu creithio am oes drwy sefyll ar ddamwain ar farbeciws a gladdwyd yn ein traethau. Mae lleoli'r biniau coch amlwg iawn yn ymdrech ychwanegol ar ran y cyngor i atal hyn rhag digwydd eto.

"Rydym wedi buddsoddi miloedd o bunnoedd yn gosod biniau gwastraff barbeciws ac arwyddion cysylltiedig mewn mannau fel Porth Einon, Horton, Caswell a Langland a hefyd yn Rotherslade ac ar hyd Prom Abertawe."

Ond dywedodd y Cyng. Anderson, er bod y cyngor yn chwarae ei ran, mae angen i ymwelwyr wneud yr un peth. Meddai, "Oes, mae gennym finiau yn eu lle, ac oes, mae arwyddion wedi'u gosod ar y traethau sy'n rhybuddio pobl am daflu sbwriel, ac ydy, mae'r cyngor yn gweithio'n galed i lanhau traethau'n barhaus.

"Pa beth bynnag y mae pobl yn dod ag ef i'r traeth, nhw sy'n gyfrifol yn y pen draw am gael gwared arno'n iawn. Dylai pobl wneud y peth iawn bob tro."

Rhestr o draethau lle mae'r biniau barbeciws tafladwy wedi'u lleoli:

Bae Langland - 2 fin

Porth Einon

Horton

Rotherslade

Lleoliadau ym Mae Abertawe, rhwng Pier y Gorllewin a'r Mwmbwls, gan gynnwys

Mynedfa maes parcio'r lle chwarae'r Pwynt i'r traeth

Y Slip ger y Bay View

Y grisiau ger maes parcio The Secret, gyferbyn â Pharc Victoria

Ar bwys The Secret

Y Slip ger Brynmill Lane

Uwchben nant Clun ger yr atyniad golff-troed

Blackpill, un ar bob pen yr ardal bicnic - 3 fin