Gwneud cais i gau ffordd ar gyfer digwyddiad

Cyn i chi gyflwyno cais i gau ffordd, dylech e-bostio Streetworks@abertawe.gov.uk i drafod eich cynlluniau. Gall cau ffordd fod yn broses hir felly rydym am ei wneud mor hawdd â phosib i chi wneud hyn. Bydd angen i ni sicrhau y dilynir pob agwedd ar ddiogelwch ynghylch cau ffordd.

Sut i gyflwyno cais

Cysylltwch â'r Is-adran Gwaith Stryd i drafod eich anghenion, trefnir cyfarfod ar y cyd rhwng pob parti â diddordeb ar y cam hwn fel arfer. Os cytunir i gau ffordd, mae'n rhaid i arwyddion gwybodaeth gael eu gosod ar y safle 7 niwrnod cyn i'r ffordd gael ei chau gan hysbysu'r cyhoedd am y dyddiad y caiff y ffordd ei chau, gan gynnwys y rheswm dros gau'r ffordd a manylion 24 awr yr ymgeisydd. Mae'n rhaid i lythyrau gael eu dosbarthu, gan hysbysu preswylwyr a rhanddeiliaid am ddyddiadau a manylion cau'r ffordd.
Mae ymgeiswyr yn gyfrifol am godi a chynnal eu harwyddion a'u hatalfeydd eu hunain ac mae'n rhaid i Gyngor Abertawe gytuno ar y rhain cyn dechrau gwaith ar y safle. Cofiwch nad yw arwyddion na rhwystrau ar gael gan yr heddlu na Chyngor Abertawe. Gallwch eu llogi ar eich traul eich hun neu wneud eich rhai eich hun. Ceir gwybodaeth am logi arwyddion a thempledi ar y wefan Street Party (Yn agor ffenestr newydd) os hoffech chi argraffu'ch rhai eich hun.
Fel arall, mae'n rhaid i Gyngor Abertawe gytuno ar lwybrau/ddargyfeiriadau cyn i'r digwyddiad gael ei gynnal.
Codir tâl o £380 am hysbysiadau ar gyfer pob digwyddiad. Anfonebir am yr holl ffïoedd perthnasol ar ôl cau'r ffordd. Os ydych yn cynnal parti stryd traddodiadol, ni chodir tâl os yw Cyngor Abertawe wedi cytuno ar holl fanylion cau'r ffordd.
Ar gyfer digwyddiadau mwy, bydd yr ymgeisydd yn gyfrifol am holl gostau ailgynllunio llwybrau bysus, gan ddarparu bysus ychwanegol neu safleoedd bysus dros dro, etc. Ar gyfer partïon stryd, mae'n annhebygol y rhoddir caniatâd os bydd y cynlluniau cau ffordd arfaethedig yn effeithio ar lwybrau bysus.
Ar gyfer digwyddiadau mwy, bydd y cwmni/pwyllgor sy'n trefnu'n indemnio'r cyngor yn erbyn pob gweithred, achos, hawliad ac atebolrwydd sut bynnag y maent yn codi, a bydd angen yswiriant atebolrwydd cyhoeddus gwerth o leiaf £5 miliwn. Mae'n rhaid cyflwyno copi cyfredol o'r dystysgrif gyda'r cais. Ni chaiff y cais ei brosesu heb dystiolaeth bod yswiriant wedi'i drefnu. Os ydych yn cynnal parti stryd traddodiadol, dylech chi drafod yr angen am yswiriant â'r Is-adran Gwaith Stryd.

Cyngor Abertawe yw'r rheolwr data ar gyfer yr wybodaeth bersonol rydych chi'n ei darparu ar y ffurflen hon. Bydd eich gwybodaeth yn cael ei defnyddio wrth i ni arfer ein hawdurdod swyddogol ac ni chaiff ei defnyddio at unrhyw ddibenion eraill. Ni fyddwn yn rhannu'ch data ag unrhyw drydydd parti oni bai fod y gyfraith yn gofyn neu'n caniatáu i ni wneud hynny.

Mae cyfraith diogelu data'n disgrifio'r sail gyfreithiol ar gyfer prosesu eich data yn ôl yr angen er mwyn cyflawni tasg gyhoeddus. Am fwy o wybodaeth am sut mae Cyngor Abertawe'n defnyddio'ch data personol, gan gynnwys eich hawliau fel testun data, gweler ein hysbysiad preifatrwydd corfforaethol ar ein gwefan.
Mae meysydd a nodir â * yn orfodol
Eich manylion
1. Enw'r ymgeisydd*
2. Enw'r cwmni
3. Label
  1. Enw/rhif yr adeilad
  2. Enw stryd*
  3. Ardal
  4. Ddinas*
  5. Côd post*
4. Rhif ffôn*
5. Ffôn symudol
6. Ebost*
Lleoliad y gorchymyn
1. Enw stryd*
2. Ardal*
3. Os ydych chi'n bwriadu cau rhan o'r ffordd yn unig, nodwch fanylion yr union leoliad.
4. Lanlwythwch gopi o'r cynllun lleoliad*
5. Lanlwythwch gopi o'r cynllun dargyfeirio os bydd angen
1. Math o gyfyngiad*
2. Rheswm dros y gorchymyn*
3. 1. Dyddiad dechrau'r digwyddiad*
  2. Dyddiad gorffen y digwyddiad*
4. 1. Amser dechrau'r digwyddiad*
  2. Amser gorffen y digwyddiad*
Yswiriant
1. Dylech lanlwytho copi cyfredol o'ch tystysgrif yswiriant gan ddangos manylion eich yswiriant atebolrwydd cyhoeddus gwerth o leiaf £5 miliwn. Ni allwn roi hawlen heb y manylion hyn.
2. Tystysgrif yswiriant*
Recaptcha

Addaswyd diwethaf ar 12 Ebrill 2024