Neuadd Christchurch, Abertawe

Mae Christchurch, yng nghanol Abertawe, yn eglwys gyfeillgar sy'n tyfu. Rhoddir croeso cynnes i bawb. Mae hefyd yn gartref i Hwb Cyn-filwyr Abertawe.

Lle Llesol Abertawe

Mynedfa ar Rodney Street.

Clwb ieuenctid (blynyddoedd ysgol 5-8) - bob dydd Llun, 4.30pm (gweler ein cyfryngau cymdeithasol ar gyfer dyddiadau)
Grŵp Crefftau - bob dydd Mawrth, 1.30pm - 3.30pm
Grŵp Babanod a Phlant Bach - bob yn ail ddydd Mercher o 12 Chwefror, 10.00am i 12.00pm
Caffi Cymunedol - bob dydd Iau, 10.00am - 12.00pm

Hwb Cyn-filwyr Abertawe

Ar agor bob dydd Sadwrn 10.00am - 12.00pm, a dydd Mawrth 10.00am - 1.00pm. Cynigir bwyd poeth am ddim i bobl y mae angen cefnogaeth arnynt yn y gymuned yn ogystal â chyn-filwyr a'u teuluoedd.

Rydym yn cynnig cefnogaeth ar gyfer anawsterau ariannol (gan gynnwys materion Taliadau Annibyniaeth Personol a'r Adran Gwaith a Phensiynau), cyflogaeth, tai, materion iechyd a lles, yr argyfwng costau byw, tlodi bwyd a thanwydd. Mae ein holl wirfoddolwyr wedi'u gwirio gan y GDG, ac maent wedi derbyn hyfforddiant llawn mewn iechyd meddwl, cymorth cyntaf a diogelu.

Rydym yn hynod ffodus i gael mynediad 24/7 i Jack's Retreat, lle gall cyn-filwyr a'u teuluoedd neu'r rheini sy'n gwasanaethu/milwyr wrth gefn fynd i wersylla yn y gwyllt ac am droeon coetirol, gwneud gweithgareddau byw yn y gwyllt, syllu ar y sêr a gweithgareddau eraill ar gyfer y teulu.

Mae Hwb Cyn-filwyr Abertawe wedi llofnodi Cyfamod y Lluoedd Arfog ac yn ei groesawu'n llwyr i sicrhau bod y rheini sydd yn gwasanaethu neu wedi gwasanaethu yn y lluoedd arfog a'u teuluoedd yn cael eu trin yn deg. Rydym yn un o'r ychydig leoedd yn Abertawe i gynnig cyfleoedd i gyn-filwyr a'u teuluoedd gyfathrebu wyneb yn wyneb ag eraill.

Mae lluniaeth ar gael
- mae te a choffi am ddim ar gael, a brecwast ar ddydd Sadwrn
Cyngor, gwybodaeth a chyfeirio
- mae'r Hwb yn gweithredu mewn partneriaeth â nifer o sefydliadau lleol i ddarparu cefnogaeth iechyd meddwl a lles a chyfeirio ar gyfer cyn-filwyr, eu teuluoedd a chyfranogwyr lleoedd diogel a chynnes.

info@swanseaveteranshub.org.uk
07894417590
www.swanseaveteranshub.org.uk