Cyllid a budd-daliadau i ofalwyr
Nid yw'n anghyffredin i ofalwyr gael anawsterau ariannol. Gan ddibynnu ar yr amgylchiadau, mae nifer o fudd-daliadau y gallen nhw a'r rhai maen nhw'n gofalu amdanyn nhw eu hawlio.
Mae gan yr Ymddiriedolaeth Gofalwyr a Carers UK wybodaeth ddefnyddiol (yn Saesneg) am gyllid a budd-daliadau ar eu gwefannau.
Gall Canolfan gofalwyr Abertawe roi cyngor ar fudd-daliadau i ofalwyr. Bydd angen i chi wneud apwyntiad ymlaen llaw.
Mae sefydliadau eraill yn Abertawe sy'n rhoi cyngor ar fudd-daliadau'n cynnwys, Age Cymru Gorllewin Morgannwg, Cyngor ar Bopeth Abertawe Castell-nedd Port Talbot a Y Groes Goch Brydeinig.
Lwfans Gofalwyr
Gellir talu Lwfans Gofalwyr (Yn agor ffenestr newydd) i rywun sy'n gofalu am rywun sy'n cael budd-dal anabledd a darperir y gofal am 35 awr neu fwy yr wythnos. Gall Lwfans Gofalwyr gael effaith ar fudd-daliadau sy'n destun prawf modd, felly os yw'r gofalwr a/neu'r sawl yn ei ofal yn cael budd-dal sy'n destun prawf modd, argymhellir, cyn cyflwyno hawl, eich bod yn cael cyngor i sicrhau na fyddai'r sawl rydych yn gofalu amdano ar ei golled.
Gall gofalwyr bellach gyflwyno cais am Lwfans Gofalwyr, neu adrodd am newid mewn amgylchiadau ar-lein gan ddefnyddio Gwasanaeth Digidol y Lwfan Gofalwyr (Yn agor ffenestr newydd).
Dyma rai manteision defnyddio'r Gwasanaeth Digidol er mwyn hawlio:
- Mae ar gael 24 awr y dydd, 7 niwrnod yr wythnos
- Mae llai o gwestiynau na'r fersiwn papur
- Does dim angen cyfrinair na llofnod
- Nid oes angen argraffu nac arbed y ffurflen
- Unwaith y bydd wedi'i gyflwyno, mae'r cais yn cyrraedd yr Uned Gofalwyr yn syth gan alluogi ceisiadau i gael eu prosesu'n gynt
- Mae rhifau llinellau cymorth a thestunau cymorth ar gael os oes angen egluro'r cwestiynau
- Mae fersiwn Gymraeg ar gael hefyd
Credyd Gofalwyr
Credyd Yswiriant Gwladol yw Credyd Gofalwyr (Yn agor ffenestr newydd). Ni chewch daliad, ond mae'n helpu i adeiladu'ch hawl i bensiwn y wladwriaeth. Cewch ei hawlio os ydych yn gofalu am am un person neu fwy am o leiaf 20 awr yr wythnos.
Os ydych yn gofalu am rywun yn eich aelwyd (heblaw am eich partner neu'ch plentyn dan 18 oed), gallai'r sawl sy'n gyfrifol am dalu Treth y Cyngor fod yn gymwys am ostyngiad.