Data lles lleol
Mae Bwrdd Gwasanaethau Cyhoeddus Abertawe (BGC) wedi gweithio gyda phartneriaid lleol a chenedlaethol i ddatblygu porth data lles ar gyfer partneriaethau a defnyddwyr eraill ar draws y rhanbarth.
Rhaid i bob BGC yng Nghymru gynnal asesiad o les lleol bob pum mlynedd, sy'n darparu'r sylfaen dystiolaeth ar gyfer ei gynllun lles. Fodd bynnag, mae hefyd angen i ni olrhain newid yn Abertawe yn y cyfnodau rhwng asesiadau a chynlluniau, i fesur cynnydd ac i lywio ein hadroddiadau blynyddol a'n cynlluniau gweithredu.
Mae Byrddau Gwasanaethau Cyhoeddus Abertawe, Castell-nedd Port Talbot a Chwm Taf Morgannwg wedi cydweithio â Data Cymru i ddatblygu dangosfwrdd data i gefnogi monitro lles ar lefel y boblogaeth a'n hasesiadau lles lleol yn y dyfodol.
Mae'r dangosfwrdd byw yn sicrhau bod data perthnasol ac amserol ar gael rhwng asesiadau a bydd yn helpu'r BGC a'i bartneriaid wrth ddadansoddi, adrodd, datblygu polisi a chynnal gwaith gwerthuso. Ariennir y prosiect hwn gan Lywodraeth Cymru fel rhan o'i grant cymorth rhanbarthol blynyddol ar gyfer Byrddau Gwasanaethau Cyhoeddus.
Trefnir dangosyddion y dangosfwrdd yn ôl wyth thema lefel uchel, sef:
- plant a phobl ifanc
- yr amgylchedd
- iechyd a lles
- diogelwch a chadernid cymunedol
- cyflogaeth ac incwm
- diwylliant a threftadaeth
- tai
- demograffeg
Mae rhagor o wybodaeth am y porth a sut i'w ddefnyddio wedi'i chynnwys ar y wefan, sy'n cael ei chynnal gan ein partneriaid yn Data Cymru.
Dangosfwrdd data Lles Lleol Abertawe (dolen Data Cymru) (Yn agor ffenestr newydd)
Rhannu'r dudalen hon
Argraffu
