Y diweddaraf am Fusnes Twristiaeth - 28 Mehefin 2024

Sioe Awyr Cymru - Cynlluniwch eich ymweliad: 6-7 Gorffennaf

Cynhelir Sioe Awyr Cymru, sef digwyddiad i deuluoedd am ddim mwyaf Cymru, ar 6 a 7 Gorffennaf 2024 dros Fae Abertawe.

Bydd Sioe Awyr Cymru eleni'n cynnwys arddangosiadau ar y ddaear, awyrennau llonydd, arddangosfeydd a sioe awyr ardderchog

Am fod rhagor o bobl yn dod i'r digwyddiad, ac i gynnal y digwyddiad yn ddiogel, bydd ardal y digwyddiad unwaith eto'n cynnwys rhan o Oystermouth Road a bydd angen cau nifer o ffyrdd i'n galluogi i wneud hyn.

Bydd gennym nifer o feysydd parcio a pharcio a theithio dynodedig ar gyfer penwythnos Sioe Awyr Cymru.

Cynlluniwch eich ymweliad

Ymgynghoriad Glan Môr Bae Abertawe

Diolch i chi am lenwi'r holiadur hwn, dylai ond gymryd tua 5 munud i chi ei wneud.

Mae Innes Associates wedi'u comisiynu gan Gyngor Abertawe i gynnal astudiaeth annibynnol ar welliannau posibl i lan môr Bae Abertawe rhwng y Ganolfan Ddinesig a Blackpill.

Rydym yn awyddus i glywed barn pobl sy'n defnyddio glan y môr, gan gynnwys trigolion lleol, i gael gwybod beth yw eich barn am lan y môr, y traeth a'r cyfleusterau ar bob ochr i'r ffordd fawr. Hoffem wybod a hoffech weld unrhyw welliannau.

Cymerwch yr arolwg

Wythnos Natur Cymru: 29 Meh - 7 Gorffennaf

Mae Wythnos Natur Cymru yn ddathliad blynyddol o fyd natur sy'n arddangos cynefinoedd a rhywogaethau rhyfeddol Cymru!

Rydym yn dathlu natur arbennig Cymru ac yn eich gwahodd chi i gymryd rhan! Chadwch olwg ar ein sianeli cyfryngau cymdeithasol am ddiweddariadau.

Oes syniad am ddigwyddiad gyda chi? Byddem wrth ein bodd yn clywed oddi wrthoch chi. Gall sefydliadau bach a mawr, elusennau, grwpiau cymunedol, ysgolion a cholegau, llyfrgelloedd, busnesau ac unigolion i gyd gymryd rhan trwy gynnal digwyddiad yn ystod Wythnos Natur Cymru!

Wythos Natur Cymru

Cynllun Gweithredu Adfer Natur Lleol Abertawe

Wythnos Twristiaeth Cymru 2024: 15-19 Gorffennaf

Mae Cynghrair Twristiaeth Cymru wedi cyhoeddi y bydd Wythnos Twristiaeth Cymru yn cael ei chynnal 15-19 Gorffennaf. 

Cadwch lygad am ragor o fanylion yn: Cynghrair Twristiaeth Cymru - Llais y Diwydiant Twristiaeth yng Nghymru - (wta.org.uk)

Mae Gwasanaeth Suliau'r Haf yng Ngŵyr yn ôl - gan ddechrau ar 21 Gorffennaf

Bydd Cyngor Abertawe yn gweithredu gwasanaeth bysus lleol rhwng Abertawe a Rhosili ar Suliau yn yr haf eto eleni.

Bydd gwasanaethau'n dechrau ddydd Sul 21 Gorffennaf tan ddydd Sul 25 Awst yn gynhwysol, ynghyd â dydd Llun Gŵyl y Banc 26 Awst.

Neilltuir dau fys ar gyfer y daith olaf yn ôl o Rosili am 5.05pm i wneud yn siŵr bod digon o seddi ar gael i bawb. 

Gallwch lawrlwytho'r amserlen isod:

Amserlen Gwasanaeth Suliau'r Haf yng Ngŵyr (PDF) [29KB]

Gwneud cais i'r Gronfa Refeniw Cerddoriaeth - 22 Gorffennaf

Ffocws y rownd hon yw helpu busnesau cerddoriaeth gydag:

• ymgyrchoedd ar gyfer rhyddhau cerddoriaeth newydd
• hyrwyddo cerddoriaeth fyw
• cynhyrchu cerddoriaeth at ddefnydd cefndir neu achlysurol yn y cyfryngau
• cherddoriaeth Gymraeg.

Bydd busnesau cerddoriaeth yn gallu gwneud cais am rhwng £20,000 a £40,000 i'w wario ar brosiectau fyddai'n elwa ar gymorth, oherwydd cyfyngiadau ariannol. 

Gallai'r prosiectau gynnwys: hyrwyddo cerddoriaeth fyw; rhyddhau ymgyrchoedd ar gyfer recordiau estynedig / albymau newydd; amser stiwdio ychwanegol; neu gerddorion sesiwn, er enghraifft.

Mae'r cyllid yn cwmpasu'r sbectrwm llawn o genres cerddoriaeth boblogaidd gyfoes (electronig, hip-hop, indi ac amgen, metel a phync, pop, roc, etc). Nid yw'n cwmpasu genres sydd eisoes yn cael cymorth fel cerddoriaeth glasurol neu jazz.

Y dyddiad cau ar gyfer cyflwyno eich cynnig yw Dydd Llun 22 Gorffennaf 2024 am 12pm.

Cliciwch ar y dolenni canlynol i gael rhagor o wybodaeth:

Y Gronfa Refeniw Cerddoriaeth (cymrugreadigol.cymru)

Cymhorthfa Cyngor Busnes Abertawe: 26 Gorffennaf (10am-1pm), Yr Institute, 45 Stryd Sant Teilo, Pontarddulais, SA4 8SY

•    Mynediad at gymorth i fusnesau
•    Gwybodaeth am grantiau a benthyciadau Cyngor Abertawe
•    Help gyda cheisiadau am gyllid
•    Hyfforddiant a chyngor recriwtio
•    Cyfeirio at asiantaethau perthnasol
•    Cyfleoedd rhwydweithio

Cwrdd a'r Arbenigwyr:

•    Tim Angori Busnes Abertawe
•    Sgilliau at gyfer Abertawe - Coleg Gwyr
•    Busnes Cymru
•    Swyddog Ymgysylltu Band Eang Abertawe
•    Banc Datblygu Cymru
•    Focws Dyfodol

Galwch Heibio, Does Dim Angen Lle

Sioeau Busnes Cymru 2024 - 8 Hyd, Abertawe (9am-2pm)

Sioeau Busnes Cymru yw'r arddangosfa fwyaf yng Nghymru ar gyfer busnesau - mae'n cynnwys tair sioe genedlaethol.

Mae'r sioeau'n darparu llwyfan i fusnesau o bob maint arddangos eu cynnyrch a'u gwasanaethau.

Mae'r sioeau'n gyfle i chi ddysgu technegau busnes newydd, gwrando ar brif siaradwyr sy'n ysbrydoli, cael cyngor arbenigol, cael gwybodaeth gan gynrychiolwyr ac arddangoswyr eraill a gwella cysylltiadau busnes drwy rwydweithio.

Dyddiadau a lleoliadau eleni yw:

• 14 Mai 2024 - Stadiwm Dinas Caerdydd, Caerdydd
• 10 Gorffennaf 2024 - Parc y Scarlets, Sir Gaerfyrddin
• 8 Hydref 2024 - Stadiwm Liberty, Abertawe

Mae'r sioeau am ddim os ydych chi'n cofrestru ymlaen llaw, ac mae cyfleoedd hefyd i arddangos.

I gael rhagor o wybodaeth, ewch i: The Welsh Business Shows - Business Expo Wales | TWBS

Wythnos Hinsawdd Cymru: 11-15 Tach

Bydd Wythnos Hinsawdd Cymru yn ôl rhwng 11 a 15 Tachwedd 2024, gan ddod â phobl o bob rhan o Gymru ynghyd i rannu gwersi a ddysgwyd, i ysgogi syniadau ac annog trafodaethau ar ddatrysiadau i dracio newid hinsawdd.

Yr thema eleni yw 'Creu Dyfodol Hinsawdd Gwydn'.

Bydd yr Wythnos yn cyd-redeg ag uwchgynhadledd byd eang COP29 ac yn dilyn cyhoeddi strategaeth gwytnwch hinsawdd newydd i Gymru (sydd wedi'i drefnu ar gyfer yr Hydref). Bydd sesiynau'n myfyrio ar y strategaeth newydd a sut y gallwn gydweithio i ddarparu cynlluniau gwytnwch hinsawdd traws-sector. Bydd yr Wythnos hefyd yn arddangos prosiectau a rhaglenni sy'n cael eu darparu i greu gwytnwch i newid hinsawdd o fewn ein cymunedau a'r amgylchedd naturiol ar draws Cymru.

Bydd y digwyddiad eleni'n cynnwys:

• Cynhadledd rithiol 5 diwrnod
• Cronfa Sgyrsiau Hinsawdd
• Digwyddiadau ymylol

Cliciwch ar y ddolen ganlynol i gael rhagor o wybodaeth: Hafan | Wythnos Hinsawdd Cymru 2024 (gov.wales)

Os hoffech rannu unrhyw syniadau ar gyfer yr Wythnos neu os oes gennych gwestiwn, cysylltwch â ni drwy e-bostio climatechange@gov.wales 

Mae'r Addewid Twf Gwyrdd yn helpu busnesau Cymru i gymryd camau gweithredol tuag at wella eu cynaliadwyedd, arddangos yr effaith gadarnhaol maent yn ei gael ar bobl a lleoedd o'u cwmpas, yn ogystal ag ymuno â chymuned gynyddol o sefydliadau blaengar sy'n helpu Cymru i bontio dyfodol carbon isel. I gael rhagor o wybodaeth ewch i Addewid Twf Gwyrdd | Busnes Cymru (gov.wales)  

Focus Futures: cefnogaeth a ariennir yn llawn ar gyfer busnesau twristiaeth

Mae Focus Futures yn ceisio cefnogi cymunedau busnesau lleol drwy ddarparu cymysgedd o arweiniad a chyfleoedd ynghylch hunangyflogaeth a mentrau.

Mae cyngor busnes a ariennir yn llawn ar gael o'u cynghorwyr mewnol sy'n gallu cefnogi eich busnes p'un a ydych chi yn y broses cyn dechrau neu eisoes wedi sefydlu busnes.

Maent hefyd yn cynnig cymorth wrth wneud cais am gyllid, llunio cynllun busnes, sesiynau 1 i 1 a sesiynau grŵp gydag arbenigwyr, mynediad at weminarau a digwyddiadau, cyfleoedd i rwydweithio a dysgu sgiliau newydd a fydd yn eich helpu yn y gweithle.

MaeFocus Futures yn rhan o Busnes mewn Ffocws, menter gymdeithasol sy'n cefnogi twf mentrau yng Nghymru, ac ariennir y fenter gan Gronfa Ffyniant Gyffredin Llywodraeth y DU.

Rhagor o wybodaeth am Focus Futures

Beth yw'r ewyn a welwch weithiau ar hyd arfordiroedd Prydain? Ffeithiau am ewyn algâu

O fis Ebrill i fis Awst, mae'n weddol gyffredin i weld y mannau ewynnog hyn yn y môr sydd wedi newid lliw ac sydd weithiau'n hufennog eu lliw ac yn arogli'n ddrwg. Efallai eich bod yn meddwl bod hyn yn cael ei achosi gan garthffosiaeth neu lygredd arall yn y dŵr, ond mewn gwirionedd dyma un o'n ffenomenau arfordirol mwyaf diddorol, ac yn y rhan fwyaf o achosion mae'n ddigwyddiad naturiol sy'n cynnwys algâu morol.

Mae'r rhan fwyaf o ordyfiannau algâu yn y môr yn ddiberygl, fodd bynnag, gall rhai gynhyrchu tocsinau sy'n niweidiol i fywyd dyfrol.

Mae deall y gwahaniaeth rhwng ewyn algâu a llygredd carthion posib yn bwysig ar gyfer ymwybyddiaeth amgylcheddol ac iechyd y cyhoedd.

Gallwch gael rhagor o wybodaeth ar wefan Asiantaeth yr Amgylchedd

Croeso i Dirwedd Genedlaethol Gŵyr - ardal o harddwch naturiol eithriadol

Mae mabwysiadu enw newydd - Tirwedd Genedlaethol Gŵyr - yn nodi dechrau pennod newydd i AoHNE Gŵyr, a'n teulu o dirweddau ar draws Cymru, Lloegr a Gogledd Iwerddon.

Nid enw newydd yn unig ydyw - rydym wedi gwneud y newidiadau canlynol:

• I'w hadwaen fel Tirwedd Genedlaethol Gŵyr - ardal o harddwch naturiol eithriadol.
• Ailymrwymo ein hunain i warchod tirweddau gwerthfawr Gŵyr - eu treftadaeth naturiol a diwylliannol.
• Sicrhau y gall pawb fwynhau Gŵyr - gan weithio mewn partneriaeth i warchod ein tirweddau gwerthfawr

Mae Tirwedd Genedlaethol Gŵyr yn fan lle mae pobl yn byw ac yn gweithio ac yn dod i anadlu.

Man lle daw ein straeon yn fyw. 

Mae'r weledigaeth o fro Gŵyr fel tirwedd arbennig a warchodir ar gyfer cenedlaethau'r dyfodol yn aros yr un peth - tirwedd a warchodir fel y gall pawb ei mwynhau, sy'n darparu dyfodol cynaliadwy i'r rheini sy'n gweithio ac yn byw yng Ngŵyr ac yn ymweld â'r ardal.

Yng Ngŵyr, mae tîm bach y Dirwedd Genedlaethol yn gyffrous i fod yn gweithio ar ystod eang o brosiectau gyda phartneriaid i warchod a gwella tirwedd Gŵyr a'i threftadaeth naturiol a diwylliannol.

Yr enw newydd a'r ailymrwymiad i warchod a rhannu Gŵyr yw ein cyfraniad at sicrhau bod yr holl Dirweddau Cenedlaethol yn cael eu cydnabod fel rhan o deulu cenedlaethol cryf, sy'n rhannu'r un gwerthoedd.

Gallwch ddarganfod stori Tirweddau Cenedlaethol y DU a chael gwybod mwy am y gwaith y maent yn ei wneud yn www.national-landscapes.org.uk.

I ddysgu mwy am ein stori, gwnewch yn siŵr eich bod yn dilyn facebook.com/gowernationallandscape.

Eiddo a thir gwag sydd ar werth neu brydles

Mae'r Gofrestr Tir ac Eiddo Gwag lawn a ffeiliau ar gyfer adrannau unigol (diwydiannol, swyddfeydd, manwerthu a thir) ar gael.

Mae'r dogfennau yn casglu gwybodaeth o amrywiaeth eang o ffynonellau gan gynnwys eiddo sydd ar gael trwy asiantau masnachol lleol ac eiddo Cyngor.

Eiddo a thir gwag sydd ar werth neu brydles

Digwyddiadau gwych sy'n dod i Fae Abertawe yn 2024:

1-13 Gor: Gower Festival
6-7 Gor: Sioe Awyr Cymru
11-14 Gor: Gŵyl Love Trails
14 Gor: IRONMAN 70.3 Abertawe
15-19 Gor: Wythnos Twristiaeth Cymru 2024
18 Gor: James Arthur, Parc Singleton
19 Gor: Classic Ibiza Abertawe, Parc Singleton
22-27: Gwyl Cerfluniau Traeth
20 Gor: Let's Rock Aber, Parc Singleton
4 Aws: Sioe Gŵyr
7 Aws: Peter Pan, Castell Ystumllwynarth
8 Aws: Romeo & Juliet, Castell Ystumllwynarth
07-15 Med: Gŵyl Gerdded Gŵyr
14 Med: Diwrnod Agored, Castell Ystumllwynarth
15 Med: 10k Bae Abertawe Admiral
11-15 Tach: Wythnos Hinsawdd Cymru
07 Rhag - 05 Ion: Jack and the Beanstalk, Theatr Y Grand Abertawe

Oedd y diweddariad hwn ar y fasnach dwristiaeth yn ddefnyddiol? Rhannwch ef neu cysylltwch â Geraldine.Williams@abertawe.gov.uk