Gwasanaeth dosbarthu i'r cartref y llyfrgell

Mae hyn yn cynnwys preswylwyr nad ydynt yn gallu cario llyfrau gartref a hefyd breswylwyr nad oes ganddynt deulu na ffrindiau sy'n gallu casglu llyfrau o lyfrgell leol ar eu rhan.

Os ydych chi neu rywun rydych chi'n ei adnabod yn bodloni'r meini prawf canlynol, cysylltwch â ni i drafod sut gallwn ddosbarthu llyfrau i'ch drws yn seiliedig ar eich hoffterau darllen eich hunan. Gallwn ddosbarthu i:

• y rheini sy'n hŷn ac yn fregus 
• y rheini ag anawsterau corfforol
• y rheini ag anableddau synhwyraidd, yn enwedig nam ar y golwg dwys 
• y rheini ag anawsterau dysgu difrifol 
• y rheini â phroblemau iechyd meddwl penodol sy'n eu gwneud yn anoddach iddynt adael eu cartref 
• y rheini sy'n dioddef o salwch tymor hir
• y rheini sydd wedi'u hynysu'n ddiwylliannol yn y cartref
• gofalwyr, gan gynnwys plant a phobl ifanc, nad ydynt yn gallu gadael y cartref am unrhyw gyfnod amser 

Os ydych yn bodloni'r meini prawf uchod ac mae gennych blant neu rydych yn gofalu am blant hefyd, rhowch wybod i ni a gallwn ddosbarthu llyfrau sy'n addas at eu hoed os oes angen.

Gall preswylwyr ddefnyddio'r gwasanaeth ar sail dros dro neu barhaol, gan ddibynnu ar eu hanghenion.