Gwasanaeth ymchwil

Os hoffech ddefnyddio'r gwasanaeth hwn, gallwch wneud hynny drwy gwblhau'r ffurflen isod. Rhaid talu am yr ymchwil ar yr un pryd. Ymdrinnir â'r holl geisiadau ymchwil yn ôl y drefn rydym yn eu derbyn. Ymdrechwn i ymdrin â phob cais o fewn 10 niwrnod gwaith o'i dderbyn.

Cyn cyflwyno cais

Oes gennym y cofnodion y mae eu hangen arnoch? Gallwn wirio cofnodion sydd gennym yn unig ac nid ydym yn gallu gwneud ymchwil mewn archifau eraill. Cysylltwch â ni drwy e-bostio archifau@abertawe.gov.uk a gallwn gadarnhau bod y cofnodion y mae eu hangen arnoch gennym. Sylwer, hyd yn oed os yw'r cofnodion cywir gennym, efallai na fyddwn yn gallu dod o hyd i'r union wybodaeth y mae ei hangen arnoch.

Sut i gyflwyno cais

Unwaith y byddwch wedi gwirio gyda ni, gallwch gwblhau'r ffurflen isod a thalu ar gyfer y gwaith ymchwil. Dylech ddyfynnu unrhyw rifau dogfennau a roddwyd i chi gennym yn dilyn eich ymholiad cychwynnol. Byddwch yn syml ac yn benodol yn eich cais. Os oes angen mwy nag un darn o wybodaeth arnoch, gadewch i ni wybod p'un sydd bwysicaf er mwyn i ni sicrhau ein bod ni'n gwneud y gwaith ymchwil hwnnw yn ystod yr amser rydych yn talu amdano.

Request and pay for archives research Request and pay for archives research online

Tâl

I unigolion preifat, codir tâl o £34 yr awr am y gwasanaeth hwn (£17 am ymchwiliad byr o hanner awr) sy'n cynnwys pris postio ac unrhyw lungopïau neu argraffiadau perthnasol. Rhaid talu wrth wneud cais am yr ymchwil. Os na fydd canlyniadau i'ch ymchwiliad, ni allwn ad-dalu unrhyw ran o'r ffi hon.