Y Gronfa Ffyniant Gyffredin - gwybodaeth galwad agored

Prosiect Angori Cefnogi Cymunedau

Cyllid grant ar gyfer prosiectau cymunedol/trydydd sector

Prosiect Angori Trawsnewid Lleoedd ar draws y Sir

Cronfa dichonoldeb a phrosiect ar gyfer strwythurau hanesyddol ac ardaloedd cadwraeth

Gwelliannau ar raddfa fach i bentrefi a chanol trefi

Grantiau gwella busnes

Gweithgareddau a llwybrau adfywio economaidd a arweinir gan dreftadaeth

Mannau yn y cyfamser (comisiynu)

Astudiaethau dichonoldeb strategol

Yn amodol ar gymeradwyaeth derfynol, bydd y prosiect angori Trawsnewid Lleoedd ar draws y Sir yn cynnwys amrywiaeth o weithgareddau i gefnogi adfywio trefi a phentrefi ar draws y sir, ac yn ategu at yr arian sydd eisoes ar gael trwy Raglen Trawsnewid Trefi Llywodraeth Cymru.

Bydd y cynlluniau grant canlynol ar gael:

Prosiect Adeileddau Hanesyddol a Chronfa Dichonoldeb: Grantiau o £5,000 hyd at £450,000 i hwyluso prosiectau neu astudiaethau dichonoldeb a fydd yn golygu bod adeileddau hanesyddol rhestredig yn cael eu defnyddio eto at ddibenion buddiol. Bydd angen i'r holl gynlluniau gael eu cwblhau erbyn mis Rhagfyr 2024, felly bydd angen i brosiectau sy'n gofyn am gyllid grant mwy fod ar gam 3 RIBA o leiaf i wneud cais. Mae'n rhaid i ddefnydd terfynol o'r adeilad gynnwys arwynebedd llawr masnachol. Ni fydd cynlluniau preswyl yn unig a chynlluniau sy'n creu llety i fyfyrwyr yn gymwys. Bydd hyd at 100% o gyllid ar gael i gynlluniau cymunedol neu a arweinir gan yr awdurdod lleol, ond byddai arian cyfatebol yn fanteisiol. Bydd hyd at 70% o gyllid ar gael i ymgeiswyr o'r sector preifat sy'n destun rheolau Rheoli Cymorthdaliadau a thystiolaeth o fwlch dichonoldeb. Disgwylir i'r gronfa agor ym mis Ebrill 2023. 

Grant Creu Lleoedd Trawsnewid Lleoedd ar draws y Sir: Grantiau cyfalaf gwerth hyd at £30,000 i gefnogi prosiectau creu lleoedd yn y sir ehangach, y tu allan i ganol y ddinas. Caiff canolfannau masnachol a chanolfannau ardal eu blaenoriaethu dros leoliadau eraill. Bydd y grant yn darparu cyllid ar gyfer adnewyddu eiddo masnachol gwag; gwelliannau i flaenau siopau (Grantiau Gwella Busnes); isadeiledd gwyrdd a phrosiectau man gwyrdd; cynlluniau teithio llesol ar raddfa fach a mannau cyhoeddus. Bydd deiliaid neu berchnogion eiddo masnachol, ymddiriedaethau a gyfansoddwyd yn gyfreithiol a chanddynt hanes da, yr awdurdod lleol a chynghorau tref/cymuned yn gymwys i wneud cais. Mae hyd at 70% o gyllid ar gael sy'n destun rheolau rheoli cymorthdaliadau. Disgwylir i'r gronfa agor ym mis Ebrill 2023. 

Yn ogystal â'r cynlluniau arian grant bydd y Prosiect Angori Trawsnewid Lleoedd ar draws y Sir hefyd yn darparu'r canlynol:

Gwelliannau ar raddfa fach i Bentrefi a Chanolau Trefi: arweiniodd yr awdurdod lleol welliannau glasu/isadeiledd gwyrdd a mannau cyhoeddus mewn trefi a phentrefi yn y sir. 

Gweithgareddau adfywio a arweinir gan dreftadaeth: gweithgareddau i gynyddu nifer yr ymwelwyr a chefnogi busnesau presennol mewn canolfannau ardal trwy gefnogaeth barhaus ar gyfer ymgyrchoedd Siopa'n Lleol a digwyddiadau lleol fel y Ffair Nadolig Fictoraidd yn Nhreforys. 

Llwybrau Treftadaeth - arian i gomisiynu ap ffonau clyfar a fyddai'n cynnig teithiau cerdded tywys ar lwybrau treftadaeth. 

Mannau Dros Dro: arian i gomisiynu cyflwyno prosiect mannau dros dro a fyddai'n defnyddio eiddo masnachol gwag yng nghanol y ddinas a chanolfannau ardal i ddarparu lle ar gyfer busnesau newydd i dreialu presenoldeb ar y stryd fawr am gost isel, a/neu gyflwyno gweithgareddau dros dro er mwyn ychwanegu bywyd a chynyddu nifer yr ymwelwyr i gefnogi busnesau sydd eisoes yn bodoli. 

Cyllido torfol: llwyfan cyllido torfol er mwyn galluogi grwpiau cymunedol lleol i godi arian ar gyfer prosiectau mewn cymunedau lleol ar draws Abertawe. 

Astudiaethau Dichonoldeb Strategol: arian i gomisiynu astudiaethau dichonoldeb su'n cefnogi blaenoriaethau adfywio strategol ar draws Dinas a Sir Abertawe. 

Prosiect Angori Diwylliant a Thwristiaeth

Datblygu rhwydwaith creadigol, cymorth i'r sector, sgiliau digidol cyfunol, strategaeth a dichonoldeb

Prosiect Angori Gwledig

Olynydd-brosiect i'r Rhaglen Datblygu Gwledig sy'n darparu cyllid ar gyfer datblygu cymunedol gwledig, gweithgareddau wedi'u seilio ar y newid yn yr hinsawdd a sero net a gweithgareddau busnes gwledig

Prosiect Angori Cefnogi Busnes

Grantiau Busnes - grantiau dechrau busnes, grantiau twf, grantiau datblygu gwefan, grantiau datblygu cyflenwyr

Digwyddiadau cymorth busnes a hunangyflogaeth, gweithdai datblygu cyflenwyr, digwyddiadau cynhyrchwyr bwyd lleol

Grantiau a hyfforddiant lleihau carbon i fusnesau

Digwyddiadau yng nghanol y ddinas sy'n gysylltiedig â Marchnad Abertawe er mwyn cynyddu nifer yr ymwelwyr

Cronfa Datblygu Eiddo Masnachol

Cymorth datblygu busnes i'r trydydd sector

Grantiau Busnes:

Grant Busnes Cyn Dechrau

Dyma grant gyda'r nod o gefnogi busnesau newydd. Mae'r grant ar gael i'r rheini sy'n bwriadu dechrau busnes yn unig a gall ariannu costau gan gynnwys ond heb fod yn gyfyngedig i offer, hyfforddiant, achredu a marchnata.

Yr uchafswm grant sydd ar gael yw £10,000. Mae'r gronfa'n cynnig hyd at 95% o gostau'r prosiect ar gyfer y £1,000 cyntaf o wariant a 50% ar gyfer gwariant rhwng £1,000 a £10,000. Bydd yn ofynnol i bob ymgeisydd ddarparu cynllun busnes a rhagolwg llif arian 12 mis.

Grant Datblygu Gwefannau

Dyma grant gyda'r nod o fabwysiadu technoleg newydd drwy ddatblygiad ar-lein/gwefannau. Gall y grant ariannu costau sy'n ymwneud â chreu gwefan fusnes am y tro cyntaf neu wella gwefan sy'n bodoli eisoes.

Yr uchafswm grant sydd ar gael yw £1,500. Bydd y grant yn ei gwneud yn ofynnol i ymgeiswyr ddarparu 50% o gostau arian cyfatebol. Bydd yn ofynnol i bob ymgeisydd ddarparu cynllun busnes/crynodeb a rhagolwg llif arian 12 mis.

Grant Lleihau Carbon

Dyma grant gyda'r nod o alluogi busnesau i weithio tuag at ddod yn garbon sero net. Gall y grant ariannu costau gan gynnwys cynhyrchu ynni adnewyddadwy, mesurau arbed ynni a newidiadau i brosesau gweithgynhyrchu sy'n arwain at leihau allyriadau carbon; rhaid i ymgeiswyr allu cyfrifo'u harbedion carbon rhagweledig.

Yr uchafswm grant sydd ar gael yw £10,000. Bydd y grant yn ei gwneud yn ofynnol i ymgeiswyr ddarparu 50% o gostau arian cyfatebol.Bydd yn ofynnol i bob ymgeisydd ddarparu cynllun busnes/crynodeb a rhagolwg llif arian 12 mis.

Grant Twf Busnesau

Dyma grant gyda'r nod o gefnogi twf busnes drwy gyflwyno cynnyrch neu wasanaeth newydd. Gall y grant ariannu costau gan gynnwys ond heb fod yn gyfyngedig i offer, systemau TG a pheiriannau.

Uchafswm y grant sydd ar gael yw £50,000 yn seiliedig ar derfyn uchaf o £5,000 fesul swydd a gaiff ei chreu a/neu ei diogelu. Rhaid i'r swyddi sy'n cael eu creu a/neu eu diogelu, y cynnyrch neu'r gwasanaeth newydd a'r gwariant arfaethedig i gyd gysylltu'n uniongyrchol â'i gilydd. Bydd yn ofynnol i bob ymgeisydd ddarparu cynllun busnes/crynodeb a rhagolwg llif arian 12 mis.

Grant Datblygiad Cyflenwyr

Dyma grant gyda'r nod o ddarparu gwasanaeth newydd wrth ymgymryd â hyfforddiant er mwyn ennill achrediad a gydnabyddir gan y sector. Bydd hyn o gymorth i fusnesau sy'n dymuno gwneud cais am gontractau sector cyhoeddus a/neu ar raddfa fwy.

Yr uchafswm grant sydd ar gael yw £1,000. Bydd y grant yn ei gwneud yn ofynnol i ymgeiswyr ddarparu 50% o gostau arian cyfatebol. Bydd yn ofynnol i bob ymgeisydd ddarparu crynodeb busnes a rhagolwg llif arian 12 mis.

Gweithgareddau Cymorth i Fusnesau:

Rhaglen o weithdai a digwyddiadau Busnes Abertawe i gefnogi busnesau newydd a rhai sydd eisoes wedi'u sefydlu trwy drafod pynciau fel cyfraith cyflogaeth, mynediad at gyllid, seiberddiogelwch, cyfrifeg a marchnata ar y cyfryngau cymdeithasol. Gallai hyn gynnwys cyrsiau cyflwyniad i hunangyflogaeth i unigolion sy'n ystyried dechrau eu busnes eu hunain (sy'n gysylltiedig â phrosiectau cyflogadwyedd).

Byddai'r Rhaglen Datblygu Cyflenwyr yn mynd i'r afael â'r angen hwn ac yn darparu gwasanaethau GwerthwchiGymru, e-dendro Cymru a sut i gyflenwi gweithdai Cyngor Abertawe i roi'r sgiliau i fusnesau bach i allu tendro ar gyfer y cyngor a chontractau eraill trwy GwerthwchiGymru.

Cefnogi busnesau bwyd lleol a chyflwyno rhaglen waith 'Hyrwyddo Bwyd Lleol' yn y Cynllun Adferiad Economaidd mewn partneriaeth â Phartneriaeth Bwyd Abertawe. Bwriad y gwaith hwn yw lleihau'r cadwyni cyflenwi bwyd yn Abertawe, cynyddu ymwybyddiaeth o fwydydd lleol a chynyddu proffil Abertawe fel cyrchfan bwyd.

Cefnogi Busnesau i Gyrraedd y Targed Sero Net:

Ynghyd â'r Grant Lleihau Carbon i Fusnesu, byddai Angor Busnes Abertawe'n cyfrannu tuag at gyrsiau hyfforddi Tuag at Garbon Sero a fyddai'n cynnwys archwiliadau ynni/lleihau carbon ar gyfer busnesau bach a chanolig yn Abertawe.

Denu mwy o ymwelwyr trwy ddigwyddiadau:

Cyllid ar gyfer swyddog digwyddiadau canol y ddinas i fod yn rhan o Dîm Rheoli Canol y Ddinas a chyllideb digwyddiadau i gyflwyno digwyddiadau sy'n gysylltiedig â Marchnad Abertawe i gynyddu niferoedd ymwelwyr er budd busnesau presennol.

Cronfa Datblygu Eiddo:

Arian o gronfa arian grant gwerth £1.5m, ar raddfa ymyriad o 45% ar y mwyaf, i ariannu bylchau mewn datblygiad arwynebedd llawr masnachol mewn lleoliadau cyflogaeth strategol ar draws y sir. Bydd hyn yn cyd-fynd â chyllid datblygu eiddo Trawsnewid Trefi Llywodraeth Cymru, sydd ar gael yng nghanol dinesydd a threfi'n unig.

Prosiect Angori Cyflogadwyedd - Llwybrau at Waith

Darpariaeth gyflogadwyedd amlasiantaethol a gydlynir gan y Cyngor a fydd yn cynnwys:

Atal NEET (pobl nad ydynt mewn addysg, cyflogaeth na hyfforddiant) (olynydd Cynnydd)

Cymorth NEET ôl-16 (olynydd Cam Nesa)

Cymorth cyflogadwyedd gwell i bobl 16+ oed Economaidd Anweithgar a Di-waith Hirdymor

Lleoliadau Gwaith am Dâl

Hyb Cyflogaeth Canol y Ddinas

Cymorth i'r rhai sy'n gadael y carchar

Cronfa cymorth cyflogadwyedd arbenigol o £2m i'w lansio fel galwad agored. I gynnwys darpariaeth Saesneg ar gyfer Siaradwyr Ieithoedd Eraill (ESOL), a chynorthwyo pobl ag anableddau a chyflyrau iechyd sy'n cyfyngu ar waith.

Mae Cyngor Abertawe yn lansio Rhaglen Angori Cyflogadwyedd newydd (Yn amodol ar gymeradwyaeth), Llwybrau at Waith dan flaenoriaeth Pobl a Sgiliau Cronfa Ffyniant Gyffredin Llywodraeth y DU.

Mae'r Rhaglen Angori Cyflogadwyedd newydd yn adeiladu ar lwyddiant  prosiect 'Llwybrau at Waith' UKCRF i barhau ymagwedd amlasiantaeth gydlynol at gyflwyno darpariaeth cyflogadwyedd a sgiliau.

Bydd amryfal bartneriaid cyflwyno'n dod ag arbenigeddau ynghyd i ddarparu cynnig cefnogaeth mwy cyfannol i unigolion a chreu llwybrau i feysydd gwaith allweddol drwy ddarparu cefnogaeth cyflogadwyedd, sgiliau a hyfforddiant, sgiliau chwilio am swyddi, cyfleoedd gwirfoddoli a lleoliadau.

Mae'r prosiect yn canolbwyntio ar fylchau yn y ddarpariaeth bresennol ac anghenion lleol i ategu darparwyr presennol drwy greu llwybrau cyflogadwyedd a gyflwynir gan weithwyr allweddol drwy ddarpariaeth:

• Cefnogaeth atal NEET mewn ysgolion uwchradd/UCD
• Cefnogaeth ymgysylltu ar gyfer pobl ifanc NEET a'r rheini sy'n anweithgar yn economaidd
• Cefnogaeth cyflogadwyedd fanwl
• Cefnogaeth sgiliau a hyfforddiant
• Sgiliau digidol
• Gwirfoddoli, profion gwaith a lleoliadau gwaith â thâl
• Clwb swyddi'n gysylltiedig â chyflogwyr lleol
• Darpariaeth cyflogadwyedd arbenigol drwy gynllun grant trydydd parti

Y nod yw symud unigolion di-waith neu sy'n anweithgar yn economaidd drwy becyn pwrpasol o ymyriadau i mewn i'r farchnad lafur neu'n agosach ati.

Bydd galwad agored yn cael ei lansio yn ystod yr wythnos sy'n dechrau 27 Mawrth ar gyfer darpariaeth gyflogadwyedd arbenigol i ymuno â'r bartneriaeth llwybrau.

I gael rhagor o wybodaeth, e-bostiwch dîm y Gronfa Ffyniant Gyffredin ar SPF@abertawe.gov.uk neu'r tîm llwybrau ar pathwaystowork@abertawe.gov.uk.