Refeniw a Budd-daliadau - sut rydym yn defnyddio eich gwybodaeth bersonol

Gwybodaeth a gedwir amdanoch chi

Gall yr wybodaeth hon a gesglir gynnwys:

• manylion amdanoch chi, megis cyfeiriad, rhif ffôn, cyfeiriad e-bost, rhif Yswiriant Gwladol, dyddiad geni, nifer ar yr aelwyd a manylion incwm.
• wybodaeth berthnasol arall y mae ei hangen i brosesu eich cais megis manylion cyswllt eich landlord neu faint o ofal rydych chi'n ei dderbyn.
• manylion ynghylch incwm unrhyw bobl nad ydynt yn ddibynyddion sy'n byw gyda chi lle'r ydych yn gwneud hawliad am Fudd-dal Tai neu Ostyngiad Treth y Cyngor. (Rhowch wybod i'r rheini nad ydynt yn ddibynyddion y bydd eu data'n cael eu brosesu gan y cyngor)

Sut byddwn yn defnyddio'r wybodaeth sydd gennym amdanoch?

Byddwn yn casglu gwybodaeth amdanoch er mwyn:

• cydymffurfio â'n rhwymedigaethau cyfreithiol megis casglu Treth y Cyngor ac ardrethi busnes annomestig
• asesu eich ceisiadau am Fudd-dal Tai, Gostyngiad Treth y Cyngor, prydau ysgol am ddim ac asesiadau ariannol ar gyfer gofal cymdeithasol neu unrhyw drethi, gostyngiadau, gwasanaethau neu fudd-dal lleol arall yr ydych yn cyflwyno cais amdano
• caniatáu i'r cyngor gyfathrebu a darparu gwasanaethau sy'n briodol i'ch anghenion megis cyflwyno cais am Fathodyn Glas
• cydymffurfio â rhwymedigaethau cyfreithiol eraill a/neu ganfod troseddau gan gynnwys twyll.
• Cyflawni'n rhwymedigaethau ar ran Llywodraeth EF a Llywodraeth Cymru i brosesu unrhyw grantiau, lwfansau neu daliadau y mae gofyn i ni eu gweinyddu ar eu rhan.

Caiff gwybodaeth a dderbynnir gan Lywodraeth EF a/neu Lywodraeth Cymru ei defnyddio i gydymffurfio â'n goblygiadau cyfreithiol megis casglu Treth y Cyngor, ardrethi Annomestig, neu gynnal asesiadau ariannol ar gyfer gofal cymdeithasol neu wasanaethau eraill, budd-daliadau neu ostyngiadau y gallwch wneud cais amdanynt.

Efallai y byddwn yn cymharu peth o'r wybodaeth rydych wedi'i darparu â ffynonellau eraill i sicrhau bod eich data'n gywir.

 phwy y byddwn yn rhannu eich gwybodaeth?

I weinyddu unrhyw dreth, gostyngiad, grant, gwasanaeth neu fudd-dal lleol y mae'r cyngor yn gyfrifol amdano, rydym yn rhannu gwybodaeth dan ein rhwymedigaethau cyfreithiol a chyda sefydliadau partner, gan gynnwys:

• adrannau eraill y cyngor
• adrannau'r llywodraeth
• Cyllid a Thollau EM
• Yr Adran Gwaith a Phensiynau
• Archwilio Cymru
• cynghorau eraill lle caniateir i ni wneud hynny yn ôl y gyfraith
• Yr Adran Busnes, Ynni a Strategaeth Ddiwydiannol (BEIS) / Adran dros Ddiogeledd Ynni a Sero Net

Mewn amgylchiadau penodol, rydym yn caniatáu i adrannau eraill o fewn y cyngor gael mynediad cyfyngedig at ein data a Chronfa Bensiwn y cyngor lle mae'n ofyniad statudol iddynt gynnal cyfeiriadau cywir a chyfoes ar gyfer eu cleientiaid.

Ar adegau, efallai y bydd sefydliadau cefnogaeth TG a gontractwyd yn cael gweld eich gwybodaeth wrth gyflwyno cefnogaeth TG. Bydd mynediad gan gefnogaeth TG ar gyfer trwsio materion technegol gyda meddalwedd yn unig.

Mae'n bosib y caiff eich gwybodaeth ei defnyddio eto o bryd i'w gilydd i gefnogi ymgyrchoedd 'codi ymwybyddiaeth' ar gyfer Budd-daliadau/Credydau'r Llywodraeth neu fentrau eraill y gallech efallai elwa ohonynt.

Sut rydym yn prosesu'ch gwybodaeth?

Mae'r wybodaeth rydym yn ei chasglu gennych yn cael ei phrosesu fel arfer gan unigolyn, ond gall rhai penderfyniadau Budd-dal Tai a Gostyngiadau Treth y Cyngor fod yn rhai awtomataidd pan fydd data personol a ddarperir gan yr Adran Gwaith a Phesniynau yn cael ei fewnforio'n electronig i'n systemau cyfrifiadur. Cewch eich hysbysu'n ysgrifenedig o unrhyw newidiadau i'ch Budd-dal Tai neu Ostyngiadau Treth y Cyngor, a bydd yn cynnwys hawl i ofyn am adolygiad o'r penderfyniad.

Am ba hyd rydym yn cadw eich cofnodion?

Mae ein hamserlen gadw'n nodi pa mor hir rydym yn cadw gwybodaeth bersonol.

Rhagor o wybodaeth

I gael rhagor o wybodaeth am sut mae Cyngor Abertawe'n defnyddio'ch data personol, gan gynnwys eich hawliau fel gwrthrych y data, darllenwch ein hysbysiad preifatrwydd corfforaethol.