Cynlluniau'r dyfodol ar gyfer ysgolion arbennig yn Abertawe - papur ymgynghori ar gyfer disgyblion

Beth mae'r cyngor eisiau ei wneud?
Pam mae'r cyngor am wneud hyn?
Beth mae'r cynnig hwn yn ei olygu?
Oeddech chi'n gwybod?
Os bydd y cynllun yn mynd yn ei flaen, a fyddaf yn symud i adeilad newydd yr ysgol?
Beth fydd yn digwydd nesaf?
Sut gall y disgyblion ddweud beth yw eu barn am y syniad?

Beth mae'r cyngor eisiau ei wneud?

• Ym mis Medi 2025 (2 flynedd o nawr) mae'r cyngor am wneud Ysgol Pen-y-Bryn ac Ysgol Crug Glas yn un ysgol fawr, fel y gallant rannu athrawon a syniadau. Fodd bynnag, bydd y plant yn parhau i fynd i'w hadeiladau ysgol arferol.
• Yng ngwanwyn 2028, (5 mlynedd o nawr) mae'r cyngor am agor ysgol arbennig newydd sbon, fwy mewn lle newydd yn agos at Ysgol Pen-y-Bryn. Bydd hyn yn golygu y bydd plant yn mynd i adeilad newydd yr ysgol yn hytrach na ble maen nhw'n mynd nawr.

Pam mae'r cyngor am wneud hyn?

• Bydd gan adeilad ysgol newydd gyfleusterau gwell i'ch helpu i ddysgu a mwy o le yn yr awyr agored.
• Drwy wneud y ddwy ysgol yn un ysgol cyn i'r adeilad newydd fod yn barod, bydd yn golygu y gall yr athrawon helpu ei gilydd a dod yn un tîm cyn iddynt symud i adeilad newydd yr ysgol.
• Oherwydd bod angen lle ar lawer o blant mewn ysgol arbennig yn Abertawe, bydd cael ysgol newydd, fwy o faint, yn golygu y gall y plant hyn fynd i'r ysgol yn Abertawe yn hytrach na gorfod mynd i rywle arall.

Beth mae'r cynnig hwn yn ei olygu?

• Yn 2025 bydd Ysgol Crug Glas ac Ysgol Pen-y-Bryn yn dod yn un ysgol ond yn parhau i ddefnyddio'r un adeiladau a ddefnyddir ar hyn o bryd felly ni fydd llawer yn newid i ddisgbylion.
• Mae'n debygol y bydd gennych yr un athrawon a staff eraill yn gweithio gyda chi.
• Bydd plant yn cael eu cludo i adeiladau eu hysgol arferol fel y maen nhw'n ei wneud nawr.
• Yn 2028 bydd yr ysgol yn symud o'r hen adeiladau i adeilad newydd yr ysgol yn Heol Mynydd Garnllwyd (yn agos at leoliad presennol Ysgol Pen-y-Bryn nawr).
• Bydd yr ysgol newydd yn gallu rhoi lle i 100 o ddisgyblion ychwanegol gan ei gwneud yn ddigon mawr i 350 o ddisgyblion rhwng 3 a 19 oed.
• Bydd yn rhaid i ddisgyblion deithio i adeilad newydd yr ysgol. Bydd yr awdurdod lleol yn rhoi cymorth i ddisgyblion gyda chludiant os bydd angen.

Oeddech chi'n gwybod?
Mae CCUHP (Confesiwn y Cenhedloedd Unedig ar Hawliau'r Plentyn) yn gytundeb byd-eang sy'n dweud bod gan bob plentyn a pherson ifanc hawliau. Mae Erthygl 12 o CCUHP yn dweud bod gan blant a phobl ifanc yr hawl i leisio eu barn a bod pobl yn gwrando arnynt mewn penderfyniadau sy'n effeithio ar eu bywyd. Rydym yn credu y dylai hyn gynnwys penderfyniadau am eich ysgol.

Os bydd y cynllun yn mynd yn ei flaen, a fyddaf yn symud i adeilad newydd yr ysgol?

Edrychwch ar y tabl isod i gael gwybod. Hyd yn oed os nad effeithir arnoch chi, cyddai gennym ddiddordeb o hyd yn eich barn. Efallai fod gennych ffrind neu aelod o'r teulu y bydd hyn yn effeithio arnynt.

Beth fydd yn digwydd nesaf?

• Bydd Cynghorwyr yn cyfarfod ym mis Ionawr 2024 i ddysgu beth ddywedodd pobl yn ystod y cyfnod ymgynghori. Yna byddant yn penderfynu a ddylid mynd i gam nesaf y cynnig.
• Os byddant yn penerfynu bwrw ymlaen, gelwir y cam nesaf yn gyfnod 'Rhybudd Statudol'. Anfonir hysbysiad at eich rhieni / gofalwyr a pohbl eraill sydd â diddordeb yn yr ysgol. Bydd yr hysbysiad yn egluro beth yw'r bwriad a beth a all pobl ei wneud os nad ydynt am i'r cynnig fynd yn ei flaen.
• Bydd Cynghorwyr yn cyfarfod eto ar ôl hynny i siard am yr hyn y mae pobl wedi'i ddweud am yr hysbysiad a phenderfynu beth i'w wneud nesaf.

Sut gall y disgyblion ddweud beth yw eu barn am y syniad?

Gallwch gwblhau'r arolwg ar-lein yma: 

Gallwch ysgrifennu at y cyngor erbyn 24 Tachwedd i ddweud wrthym beth yw eich barn.
Ysgrifennwch at: Helen Morgan-Rees, Cyfarwyddwr Addysg, Y Ganolfan Ddinesig, Abertawe SA1 3SN.

neu'r e-bost schoolorganisation@abertawe.gov.uk

Bydd eich athrawon yn siarad â chi i ddarganfod beth yw eich barn a gallant helpu i ateb unrhyw gwestiynau sydd gennych a rhoi adborth i'r cyngor.