Amcangyfrifon poblogaeth ardaloedd fach

Y data poblogaeth diweddaraf sydd ar gael ar gyfer Wardiau Etholiadol ac Ardaloedd Cynnyrch Ehangach (ACE) yn Abertawe yw amcangyfrifon canol blwyddyn 2022.  Mae Ardaloedd Cynnyrch Ehangach Haen Is (ACEHI) yn unedau adrodd ystadegol a ddatblygwyd gan y SYG gyda phoblogaeth o rhwng 1,000 a 3,000 o bobl.  Mae Ardaloedd Cynnyrch Ehangach Haen Ganol (ACEHG) yn cael eu hadeiladu o grwpiau ACEHI cyfagos ac mae ganddynt boblogaeth o rhwng 5,000 a 15,000. 

Mae amcangyfrifon cryno o'r boblogaeth leol (2022) ar gael ar y dudalen hon.  Caiff data lefel ACEHI, ACEHG a Wardiau ar gyfer ardaloedd yn Abertawe eu dangos ar sail y grwpiau cyfnod bywyd bras: plant (0-15), oedran gweithio (16-64) a phobl hŷn (65+).  Mae ffeil ychwanegol ar gael sy'n dangos data poblogaeth fesul blwyddyn oedran unigol ar gyfer ardaloedd bach yn Abertawe, i helpu gyda chyfrifiadau a dadansoddiadau.

Poblogaeth Abertawe 2022 ACEHI (PDF, 351 KB)

Poblogaeth Abertawe 2022 ACEHG (PDF, 720 KB)

Poblogaeth Abertawe 2022 Wardiau (PDF, 334 KB)

2022 Poblogaeth ACEH Wardiau (Excel doc, 235 KB)

Mae rhagor o wybodaeth am yr amcangyfrifon poblogaeth ardaloedd bach ar gael ar wefan SYG (Yn agor ffenestr newydd).

Newidiodd ffiniau wardiau etholiadol ac ACE yn Abertawe yn 2022.  Newidiodd y ffiniau wardiau yn Abertawe yn dilyn yr adolygiad diweddaraf gan Gomisiwn Ffiniau a Democratiaeth Leol Cymru a'r Etholiadau Llywodraeth Leol ar 5 Mai 2022.  Mae'r ddaearyddiaeth ystadegol yn amodol ar adolygiad ynghyd â chyhoeddi canlyniadau newydd y Cyfrifiad pob deng mlynedd.  Yn dilyn Cyfrifiad 2021, mae Abertawe wedi ennill dwy ACEHI ychwanegol net, ond mae ganddi un ACEHG yn llai.

Mae delweddau map ar y dudalen hon hefyd yn dangos lleoliad cyffredinol y 30 ACEHG a'r 32 Wardiau yn Abertawe.  Mae mapiau unigol o Ardaloedd Cynnyrch Ehangach a Wardiau Abertawe hefyd ar gael yma.  Mae'r tudalennau hyn hefyd yn cynnwys manylion y newidiadau diweddar i'r ffin ym mhob achos.

Sylwer:  Cyhoeddwyd yr amcangyfrifon poblogaeth ardaloedd bach ar gyfer wardiau ac Ardaloedd Cynnyrch Ehangach ar y dudalen hon gan y Swyddfa Ystadegau Gwladol ar 25 Tachwedd 2024.  Maent bellach yn gyson â'r amcangyfrifon diweddaraf (diwygiedig) ar lefel awdurdod lleol ar gyfer canol 2022 a gyhoeddwyd ar 15 Gorffennaf 2024. Er cyhoeddwyd amcangyfrifon lefel awdurdod lleol ar gyfer canol 2023 ar 15 Gorffennaf 2024 hefyd, nid yw amcangyfrifon ardaloedd bach ar gyfer canol 2023 ar gael ar hyn o bryd.

Yn dilyn y cyhoeddiad diweddaraf, mae amcangyfrifon poblogaeth bellach ar gael ar gyfer wardiau Cyfrifiad 2021 ac Ardaloedd Cynnyrch Ehangach o ganol 2012 hyd at ganol 2022, sy'n cyd-fynd ag amcangyfrifon canol blwyddyn cysylltiedig ar gyfer ardaloedd awdurdodau lleol.

Ystadegau lefel gymunedol

Mae'r amcangyfrifon poblogaeth diweddaraf ar gyfer ardaloedd Cynghorau Cymuned a Thref ar gyfer canol 2022. Mae dadansoddiadau oedran ar gyfer yr ardaloedd hyn ar gael ar gyfer y tri grŵp eang.  Mae'r ffeil crynodeb hefyd yn cynnwys amcangyfrifon aelwyd o Gyfrifiad 2021.  

Poblogaeth Abertawe CTC canol 2022 (PDF, 333 KB)

Mae mapiau unigol a gwybodaeth bellach am yr ardaloedd cymunedol yn Abertawe ar gael yma.

Os oes gennych fwy o ymholiadau ynghylch amcangyfrifon poblogaeth ardaloedd bach yn Abertawe, cysylltwch â ni.

Mae'r defnydd o ddata'r Arolwg Ordnans yn y dogfennau ar y we-dudalen hon yn destun amodau a thelerau.