Mapiau ward

Ar hyn o bryd mae Cymru'n cynnwys 22 awdurdod unedol neu leol, sydd yn eu tro wedi'u rhannu'n wardiau etholiadol a chymunedau.  Wardiau Etholiadol yw'r blociau adeiladu allweddol ar gyfer ardaloedd daearyddol gweinyddol lleol yng Nghymru, a'r unedau a ddefnyddir i ethol cynghorwyr llywodraeth leol. 

Mae'r dudalen hon yn cynnwys map ward cyffredinol o ardal Dinas a Sir Abertawe a mapiau unigol o bob un o 32 o wardiau etholiadol Abertawe - ar gael i'w gweld trwy'r adran Lawrlwytho isod.  Mae'r mapiau ar y dudalen hon yn adlewyrchu'r wardiau presennol yn Abertawe.

Wardiau etholadiol yn Abertawe (Mai 2022) (PDF, 4 MB)

Newidiodd y ffiniau wardiau yn Abertawe yn dilyn yr adolygiad diweddaraf gan Gomisiwn Ffiniau a Democratiaeth Leol Cymru a'r Etholiadau Llywodraeth Leol ar 5 Mai 2022.  I grynhoi, roedd y newidiadau'n ymwneud â'r ardaloedd canlynol:

• Gŵyr a Phennard - newid ffin
• 'Y Mwmbwls' (ward newydd sy'n cyfuno hen wardiau Newton ac Ystumllwynarth) a newid ffin West Cross / y Mwmbwls
• 'Dyfnant a Chilâ' (ward newydd sy'n cyfuno tair hen ward - Dyfnant, Gogledd Cilâ, De Cilâ)
• Y Cocyd (wedi newid) a 'Waunarlwydd' (ward newydd)
• 'Llwchwr' (ward newydd sy'n cyfuno tair hen ward - Pontybrenin, Llwchwr Isaf, Llwchwr Uchaf)
• 'Gorseinon a Phenyrheol' - yn cyfuno dwy hen ward
• Ardal y gogledd - newidiadau i wardiau Clydach, Llangyfelach a Phontarddulais (yn ymgyfuno hen ward Mawr) a ward newydd 'Pontlliw a Thircoed'
• Y ddinas / ardal y de-ddwyrain - newidiadau i wardiau'r Castell a St Thomas a ward newydd 'y Glannau'.

Mae ein proffiliau wardiau hefyd ar gael.  Mae'r rhain yn dod ag ystod o ystadegau allweddol, mapiau a gwybodaeth arall at ei gilydd am yr holl wardiau etholiadol yn Abertawe.

Etholaethau

Etholaethau seneddol yw'r ardaloedd a ddefnyddir i ethol Aelodau Seneddol (ASau) i Senedd y DU yn Llundain, ac Aelodau'r Senedd (ASau) i'r Senedd (Senedd Cymru) yng Nghaerdydd.  Mae cyfanswm o 650 o ardaloedd etholaethol yn y DU.

Ymladdwyd Etholiad Cyffredinol y DU 2019 ac etholiad diweddaraf Senedd Cymru yn 2021 ar gyfer 40 o ardaloedd etholaethol yng Nghymru.  Mae delweddau map o'r tair etholaeth yn Ninas a Sir Abertawe ar gael isod:

• Gŵyr (PDF, 1 MB)
• Dwyrain Abertawe (PDF, 2 MB)
• Gorllewin Abertawe (PDF, 3 MB)

Yn dilyn adolygiadau'r Comisiwn Ffiniau Seneddol yn 2023, ni fu newid yng nghyfanswm nifer yr ardaloedd etholaethol yn y DU (650).  Fodd bynnag, bu newidiadau o ran ardaloedd a ffiniau ar draws y DU, ac ar gyfer Etholiad Cyffredinol y DU ym mis Gorffennaf 2024, gostyngodd cyfanswm nifer yr etholaethau yng Nghymru o 40 i 32.

Yn ardal Abertawe, creodd y newidiadau hyn etholaethau seneddol newydd neu ddiwygiedig y DU a restrir isod.  Ar hyn o bryd nid yw ardaloedd etholaethol y Senedd Cymru yn debygol o newid.  Mae'r dolenni isod yn cynnwys delweddau map sy'n dangos ffiniau'r ardaloedd etholaethol newydd hyn:

• Gŵyr (PDF, 1 MB)
• Castell-nedd a Dwyrain Abertawe (PDF, 3 MB)  (yn rhannol o fewn ardal Castell-nedd Port Talbot)
• Gorllewin Abertawe (PDF, 3 MB)

Cymunedau

Y mathau lleiaf o ardaloedd gweinyddol yng Nghymru yw'r Cymunedau - sy'n gyfwerth â phlwyfi yn Lloegr. Mae cynghorau cymuned neu gynghorau tref yn gweithredu ledled Cymru. Mae 39 o ardaloedd cymunedol sydd wedi'u diffinio yn Abertawe ar hyn o bryd, y mae 24 ohonynt yn weithredol fel cynghorau - yn bennaf y tu allan i'r prif ardal drefol. Mae map cyffredinol o'r ardaloedd hyn yn Abertawe, a chyfres o fapiau unigol, ar gael yma.  Fodd bynnag, mae'r cymunedau'n destun adolygiad ar hyn o bryd gan Gomisiwn Democratiaeth a Ffiniau Cymru, a bydd eu ffiniau'n newid ar gyfer yr etholiadau cynghorau lleol nesaf ym mis Mai 2027.

Os oes angen rhagor o wybodaeth neu gyngor arnoch ar ddaearyddiaeth leol neu ffiniau ardal, cysylltwch â ni.

Mae'r defnydd o ddata'r Arolwg Ordnans yn y dogfennau ar y we-dudalen hon yn destun amodau a thelerau.