Cynllun Datblygu Lleol 2 - safleoedd ymgeisiol

Dechreuodd cyfnod yr 'Alwad am Safleoedd Ymgeisiol' ym mis Awst 2023 a daeth i ben ar 31 Hydref 2023. Rhoddwyd cyhoeddusrwydd helaeth i'r broses, a darparodd hyn gyfle i unrhyw hyrwyddwr safle neu barti â diddordeb gyflwyno safle i'w gynnwys o bosib yn y CDLl2.

Cofrestr Safleoedd Ymgeisiol

Yn unol ag arweiniad, mae'r Gofrestr Safleoedd Ymgeisiol (PDF, 159 MB) yn cael ei chyhoeddi i'w darllen ochr yn ochr â Chynllun Cyn-adnau CDLl2 (Strategaeth a Ffefrir). Mae'r gofrestr yn cynnwys yr holl safleoedd a gyflwynwyd i'w hystyried fel rhan o broses CDLl2.

Mae'n bwysig pwysleisio mai'r safleoedd a nodwyd yn y gofrestr yw'r safleoedd hynny a gyflwynwyd gan hyrwyddwyr safle. Felly nid yw'r Safleoedd Ymgeisiol wedi'u cadarnhau fel dyraniadau. Byddant yn destun asesiadau parhaus i benderfynu a yw'n briodol eu cynnwys yn CDLl2 mewn unrhyw ffordd. Gellir cyflwyno sylwadau am y safleoedd a gyflwynwyd fel rhan o'r ymgynghoriad ar y Strategaeth a Ffefrir.

Mae'r Gofrestr Safleoedd Ymgeisiol yn nodi canlyniad y broses sifftio Cam 1 ac yn nodi pa safleoedd sydd wedi symud ymlaen i'r Asesiadau Cam 2 a 3 manwl, a gynhelir i lywio'r broses o nodi safleoedd yn y Cynllun Adnau. Os bydd angen gwybodaeth ychwanegol gan hyrwyddwyr safleoedd i lywio camau asesu yn y dyfodol, bydd y cyngor yn cysylltu'n uniongyrchol â hyrwyddwyr safleoedd.

CDLl2 - Gofrestr Safleoedd Ymgeisiol Rhagfyr 2024 (PDF, 159 MB)

Mae'r Fethodoleg Asesu Safleoedd Ymgeisiol yn nodi'n glir y meini prawf y bydd y Cyngor yn eu defnyddio i asesu safleoedd i benderfynu a ydynt yn addas i'w cynnwys yn y CDLl2.

Mae map cyfyngiadau a gwybodaeth hefyd ar gael i lywio unrhyw gyflwyniadau ond cyfrifoldeb hyrwyddwr safle yw gwirio'r holl wybodaeth o ran cywirdeb.

CDLl Newydd Abertawe Arweiniad ar Safleoedd Ymgeisiol a Methodoleg Asesu Awst 2023 (PDF, 1 MB)

 phwy y dylwn gysylltu?

Os hoffech drafod y broses o gyflwyno safle neu os oes gennych unrhyw ymholiadau eraill sy'n ymwneud â'r CDLl2, yna e-bostiwch cdll@abertawe.gov.uk neu ffoniwch 07814 105625.

Cwestiynau cyffredin

A gaf i gyflwyno safle nawr bod y Cam Galw am Safleoedd wedi dod i ben?

Bydd y cyfle nesaf i hyrwyddwyr gyflwyno safleoedd i'w hystyried yn ystod y cyfnod ymgynghori statudol ar y Strategaeth a Ffefrir.

Beth sy'n digwydd ar ôl yr ymgynghoriad Strategaeth a Ffefrir?

Yn dilyn yr ymgynghoriad ar y Strategaeth a Ffefrir, bydd y cyngor yn ceisio gorffen yr asesiadau manwl o'r holl safleoedd a basiodd hidlad cychwynnol Cam 1.  Fel rhan o'r Asesiad Cam 2 gall y cyngor ofyn am ragor o wybodaeth gan hyrwyddwyr safle yn ôl yr angen a allai gynnwys tystiolaeth ychwanegol ar ddichonoldeb er enghraifft. Bydd unrhyw safleoedd pellach a gyflwynir fel rhan o gam y Strategaeth a Ffefrir yn mynd trwy'r un broses asesu.

Pryd byddaf yn gwybod a yw fy safle'n cael ei gynnig i'w ddyrannu yn y CDLl2? 

Yn ystod y cam Cynllun Adnau, bydd y Cyngor yn nodi'r safleoedd hynny y mae'n ystyried eu bod yn addas i'w dyrannu.

Cyn cyhoeddi'r Cynllun Adnau ar gyfer ymgynghori, bydd y Cyngor yn cysylltu â hyrwyddwyr safle perthnasol i sicrhau bod yr holl dystiolaeth ategol angenrheidiol wedi'i chyflwyno ar gyfer unrhyw ddyraniad arfaethedig, fel rhan o'r asesiad safle manwl a fydd yn parhau yn ystod 2025-26. Mae hyn yn debygol o fod yn arbennig o berthnasol i'r safleoedd hynny y gellir eu nodi fel Ardaloedd Creu Lleoedd Strategol ac Adfywio, fel a drafodwyd yn y Strategaeth a Ffefrir. Disgwylir i'r ymgynghoriad ar y CDLl Adnau ddechrau yn haf/hydref 2026. 

Bydd safleoedd yn cael eu cadarnhau'n ffurfiol fel dyraniadau ar ôl y broses Archwilio'n unig, unwaith bydd yr Arolygydd penodedig yn fodlon bod y cynllun yn gadarn.