Cynllun Datblygu Lleol Abertawe 2023-2038 (CDLl2)

Bydd y cynllun yn nodi nifer y cartrefi a'r swyddi newydd y mae angen i ni gynllunio ar eu cyfer, a bydd yn nodi'r lleoliadau yn Abertawe lle bydd safleoedd tai a chyflogaeth newydd. Bydd hefyd yn darparu fframwaith i sicrhau tai fforddiadwy a seilwaith newydd drwy'r broses ddatblygu, gan gynnwys ysgolion newydd, mannau chwarae, llwybrau beicio a hyd yn oed seilwaith gwyrdd.

Ar ôl ei gwblhau a chytuno arno, bydd pob cais cynllunio ar gyfer datblygiad arfaethedig yn Abertawe yn y dyfodol yn cael ei benderfynu ar sail yr hyn sydd yn CDLl2.

Y newyddion diweddaraf

Cam cynnar pwysig yn y gwaith o baratoi CDLl2 yw penderfynu ar y materion allweddol, y weledigaeth gyffredinol a'r prif amcanion sy'n darparu'r sylfaen ar gyfer Strategaeth y Cynllun ac yn y pen draw ein polisïau lleol penodol.  Ochr yn ochr â hyn, mae angen i ni hefyd ystyried gwahanol senarios o ran maint a math y twf y dylai Abertawe gynllunio ar ei gyfer, yn seiliedig ar y dystiolaeth sydd ar gael am bethau fel newidiadau yn y boblogaeth yn y dyfodol a sut bydd economi'r dyfodol yn edrych. Mae hyn yn cynnwys syniadau ynghylch sut y gellid lledaenu twf yn y dyfodol ar draws y sir a lle y dylid canolbwyntio datblygiad.

Ewch i'n porth ymgynghori i gofrestru'ch manylion er mwyn cael gwybod am ddiweddariadau i CDLl2 yn y dyfodol ac er mwyn i ni ymgynghori â chi fel rhan o ymgynghoriadau yn y dyfodol.