Safon Ansawdd Tai Cymru (SATC) 2023

Gwnaed SATC yn ddeddfwriaeth gan Ddeddf Tai (Cymru) 204 ac mae wedi bod yn ofynnol i Ddinas a Sir Abertawe fel landlord fodloni'r safon hon fel rhwymedigaeth gyfreithiol.

Cyhoeddwyd y SATC 2023 diwygiedig ym mis Ebrill 2024 ac mae manylion llawn i'w cael yn: Safon ansawdd tai Cymru (Llywodraeth Cymru) (Yn agor ffenestr newydd)

I fodloni'r safon, mae'n rhaid i gartrefi fod:

mewn cyflwr da
yn ddiogel
yn fforddiadwy i'w gwresogi ac yn cael yr effaith amgylcheddol lleiaf bosib; yYn cynnwys cegin ac ardal gyfleustodau cyfredol
yn cynnwys ystafell ymolchi gyfredol
yn gyfforddus ac yn hyrwyddo lles
yn cynnwys gardd addas
yn cynnwys ardal awyr agored ddeniadol

Darllenwch ragor am sut gwnaethom fodloni'r safonau ac am ein cynlluniau i'w cynnal Gwelliannau i dai cyngor

Rheoliadau eraill

Er bod SATC ei hun yn ofyniad cyfreithiol, mae'r safon hefyd yn dod â gofynion cyfreithiol a rheoleiddiol eraill ynghyd fel y System Raddio Iechyd a Diogelwch ar gyfer Tai a Gorchymyn Diwygio Rheoleiddio (Diogelwch Tân) 2005. Mae hefyd yn cysylltu â Deddf Rhentu Cartrefi (Cymru) 2016, a Rheoliadau Rhentu Cartrefi (Ffitrwydd Annedd i Bobl Fyw Ynddi) Cymru 2022.

Sut caiff SATC 2023 ei ariannu?

Darperir y cyllid gan gyfuniad o incwm rhent tai cyngor ac arian a fenthycwyd. Rhoddir rhan o'r buddsoddiad hwn i ni fel grant Lwfans Atgyweirio Sylweddol gan Lywodraeth Cymru.

Yn 2025/26 byddwn yn derbyn £9,283,000 gan Lywodraeth Cymru a fydd yn cael ei wario ar gynlluniau gwella SATC. Mae'r grant hwn yn helpu i wella bywydau'r rhai sy'n byw yn nhai'r cyngor, yn ogystal â darparu buddion cymunedol. Ar y cyfan, yn 2025/26 byddwn yn gwario £46m ar welliannau SATC.

Mae Llywodraeth Cymru hefyd yn cefnogi rhaglenni unigol gyda chyllid grant y Rhaglen Ôl-osod er mwyn Optimeiddio a chyllid ar gyfer diogelwch tân.

Mae rhagor o wybodaeth am yr arian grant a ddarperir gan Lywodraeth Cymru ar gael ar ei gwefan yn: Safon ansawdd tai Cymru (Llywodraeth Cymru) (Yn agor ffenestr newydd)

Cydymffurfiad

Ataliwyd adrodd am gydymffurfio wrth i'r safon newydd gael ei datblygu. Adroddir am y ffigurau cydymffurfio nesaf wrth Lywodraeth Cymru yn ystod y Pasg 2025.