Talu am Wasanaethau Cymdeithasol

Lluniwyd y polisi hwn yn unol â'r gofynion cyfreithiol a nodwyd yn Neddf Gwasanaethau Cymdeithasol a Llesiant (Cymru) 2014 ("y Ddeddf") ac mae'n pennu sefyllfa Dinas a Sir Abertawe o ran codi tâl am wasanaethau cymdeithasol. 

Mae Polisi Codi Tâl Dinas a Sir Abertawe (y Gwasanaethau Cymdeithasol) yn darparu manylion am:

1. Y newidiadau dan fframwaith codi tâl cenedlaethol Llywodraeth Cymru
2. Ein hymagwedd a'r egwyddorion allweddol sy'n sail i'r taliadau
3. Sut y codir tâl am wahanol fathau o wasanaethau a chefnogaeth ac nid am eraill
4. Sut y bydd newidiadau yn effeithio ar wasanaethau yn y gymuned, gofal preswyl, taliadau uniongyrchol, gwasanaethau i blant a theuluoedd, gofal seibiant a gwasanaethau eraill
5. Sut y bydd unrhyw ddisgresiwn a roddir i awdurdodau lleol yn cael ei weithredu'n ymarferol, gan gynnwys cytundebau talu wedi'u gohirio 
6. Prosesau asesu ariannol, gan gynnwys adolygiadau ac apeliadau
7. Rhestr o daliadau sy'n berthnasol o Ebrill 2019 (Atodiad 1)

Annual Review of Charges (Social Services) 2022 / 2023

Annual Review of Charges 2022 / 2023 Appendix A

Rhestr o Ffioedd Cyngor Abertawe 2024 - 2025

Dyma'r ffïoedd a godir i gleientiaid ar gyfer gwasanaethau gofal cymdeithasol, yn amodol ar unrhyw derfynau ar y ffi uchaf a nodwyd gan Lywodraeth Cymru.

1a.  Gwasanaethau Gofal a Chefnogaeth Preswyl (cyngor)

Mae gwasanaeth gofal preswyl mewnol y cyngor yn darparu gwasanaeth o safon i unigolion ag anghenion cymhleth, ac mae hefyd yn cynnig lleoliadau ar gyfer gofal ailalluogi a gofal seibiant.

Mae'r ffioedd a ddangosir isod ar gyfer y cartrefi gofal a gynhelir gan y cyngor yn unig ac maent yn dangos y costau wythnosol cyfartalog ar gyfer gofal a chefnogaeth yn unig, oherwydd y mae'n bosib y bydd gan rai unigolion anghenion ychwanegol i'w nodi a byddai'n rhaid codi tâl arnynt yn unol â hyn.

Mae'r holl ffïoedd ar gyfer gofal preswyl yn seiliedig ar brawf modd. Cyfraniad yn unig tuag at gyfanswm y gost wythnosol y gall fod angen i breswylwyr ei dalu. Mewn rhai amgylchiadau, efallai bydd angen i breswylwyr dalu'r gost lawn ar gyfer gofal preswyl.

1b. Gwasanaeth Gofal Preswyl a Chefnogaeth (Cartrefi Preifat) 

Mae ffïoedd ar gyfer gofal preswyl yn seiliedig ar brawf modd. Cyfraniad yn unig tuag at gyfanswm y gost wythnosol y gall fod angen i breswylwyr ei dalu. Mewn rhai amgylchiadau, efallai bydd angen i breswylwyr dalu'r gost lawn ar gyfer gofal preswyl.
Mae'r costau a ddangosir isod ar gyfer cartrefi gofal preifat yn dangos y costau wythnosol mewn cartrefi gofal sy'n derbyn cyfraddau arferol y cyngor.  Efallai y bydd rhai cartrefi'n codi mwy. 

1ch. Gofal Preswyl Tymor byr

Diffinnir gofal preswyl tymor byr fel:

• Seibiant cynlluniedig (lle mae'r dyddiadau derbyn/rhyddhau'n hysbys cyn derbyn e.e.: pan fydd aelodau'r teulu'n mynd ar wyliau)
• Ailalluogi (cefnogi pobl i fod yn annibynnol)
• Gwelyau camu i fyny/i lawr y gellir codi tâl amdanynt o Ddiwrnod 1 neu Ddiwrnod 15.

Camu i fyny / Camu i lawr

Lle na chynhaliwyd asesiad gwaith cymdeithasol ac nid oes cyfraniad ar gyfer yr unigolyn i dalu am bythefnos cyntaf y lleoliad.  Mae hyn i ganiatáu digon o amser i gynnal yr asesiad er mwyn nodi angen tymor hir.

Camu i fyny - Mynediad i gartref gofal o'r gymuned

Camu i lawr - Rhyddhau o'r ysbyty

Lle mae unigolion wedi derbyn asesiad cyn cael eu derbyn, bydd gofyn i'r unigolyn dalu cyfraniad tuag at eu lleoliad o Ddiwrnod 1.

Dyma enghreifftiau o ble byddai hyn yn digwydd:

Gofal Seibiant / Ailalluogi Wedi'i Gynllunio

2.  Gwasanaethau gofal a chefnogaeth dibreswyl yn y gymuned

• Gofal Cartref - gofal yng nghartref y cleient a ddarperir gan ddarparwr yn y sector preifat
• Gofal yn y Cartref - gofal yng nghartref y cleient a ddarperir gan y cyngor

3.  Ffïoedd cyfradd safonol ar gyfer gwasanaethau eraill a ddarperir gan Gyngor Abertawe

Mae'r ffïoedd gofal cymdeithasol hyn ar gyfer y gwasanaethau a gynhelir gan y cyngor yn ddewisol ac nid ydynt yn amodol ar brawf modd nac uchafswm ffi.