Therapi galwedigaethol
Mae'r Gwasanaeth Therapi Galwedigaethol Cymunedol yn un o'r gwasanaethau a ddarperir gan y Gwasanaethau Cymdeithasol i helpu pobl hŷn a phobl ag anabledd corfforol neu synhwyraidd i fyw mor annibynnol â phosib yn eu cartrefi eu hunain.
Mae therapyddion galwedigaethol (ThG) yn helpu pobl i ddod o hyd i ffyrdd o ymdopi ag effaith anabledd. Maent yn gweithio gyda phobl o bob oedran i'w helpu i fod mor annibynnol â phosib er mwyn gwella ansawdd eu bywydau a bywydau'r rhai sy'n gofalu amdanynt. Mae hyn yn cynnwys nodi tasgau sy'n anodd i bobl eu cyflawni a datblygu ffyrdd o addasu technegau, defnyddio offer neu addasu cartrefi pobl er mwyn hwyluso tasgau pob dydd.
Nod y Gwasanaeth Therapi Galwedigaethol yw:
- rhoi mwy o annibyniaeth a rheolaeth i bobl dros eu bywydau;
- hwyluso gweithgareddau pob dydd i bobl anabl neu unrhyw un sy'n eu cynorthwyo neu'n byw gyda nhw, a lleihau'r amser a gymerir i'w cyflawni;
- annog a chynghori pobl am arfer diogel;
- helpu pobl i addasu i'w hanableddau a gwella'u hyder a'u hunanbarch.
Os ydych yn glaf mewn ysbyty, siaradwch â thîm gwaith cymdeithasol yr ysbyty.
Caiff eich cais ei gyfeirio i'r Gwasanaeth Therapi Galwedigaethol a byddwn yn trefnu apwyntiad i therapydd galwedigaethol ymweld â chi yn eich cartref i asesu eich anghenion.
Cwestiynau cyffredinol am therapi galwedigaethol
Gwasanaethau ailalluogi
Rhannu'r dudalen hon
Argraffu
