Hawlen parcio ar gyfer Ymwelwyr ar eu Gwyliau
Gall ymwelwyr sy'n byw y tu allan i Abertawe fel arfer ac a fydd yn aros yn yr ardal ddefnyddio'r hawlen barcio hon i barcio mewn cilfach parcio i breswylwyr pan fyddant yma.
Gellir defnyddio'r hawlen hon ar gyfer pobl sy'n rhentu eiddo ar gyfer gwyliau (tai masnachol) neu ar gyfer unrhyw un sy'n ymweld â theulu neu ffrindiau.
- RHAID i berchennog neu asiant yr eiddo wneud cais am yr hawlen hon, nid y person sy'n ymweld â'r eiddo.
- Mae angen talu ar adeg cyflwyno'r cais. Caniatewch 3 diwrnod gwaith i brosesu'ch cais.
- Un drwydded ymwelwyr ar eu gwyliau yn unig y gellir ei rhoi ar gyfer cyfeiriad ar un adeg, ond nid oes cyfyngiad ar faint o hawlenni o'r math hwn y gellir eu rhoi yn olynol.
- Mae'r hawlen rithwir yn ddilys am wythnos ac yn berthnasol ar gyfer y stryd a enwir yn unig.
- Codir tâl o £25.00 yr wythnos am bob hawlen (nid oes unrhyw ostyngiad yn y pris os ydych yn aros am lai nag wythnos). Sylwer taw ffi na ellir ei had-dalu yw hon.
- Mae angen awdurdodiad ar gyfer yr hawlen rithwir ac unwaith y caiff ei chymeradwyo, anfonir e-bost cadarnhau atoch.
- Rhaid bod yr ymwelwyr yn byw y tu allan i ardal Abertawe fel arfer.
- Gallwch gyflwyno cais am hyd at bythefnos ar unrhyw adeg.
Tystiolaeth sydd ei hangen er mwyn gwneud cais am Hawlen Parcio ar gyfer Ymwelwyr
- Bil cyfleustodau neu fil Treth y Cyngor - mae'n rhaid iddo ddangos y cyfeiriad yn Abertawe a bod o fewn dyddiad.