Cynllun Datblygu Lleol 2 - Arfarniad Cynaladwyedd Integredig a'r Asesiad Rheoliadau Cynefinoedd

Mae gofyniad statudol i Gynlluniau Datblygu Lleol (CDLlau) fod yn destun Arfarniad Cynaladwyedd (AC). Dylai'r Arfarniad Cynaladwyedd ymgorffori gofynion y Rheoliadau Arfarniad Cynaladwyedd Strategol (ACS); asesiad o'r CDLl2 newydd ar yr iaith Gymraeg; ac Asesiad Effaith Iechyd. Felly, fe'i hadwaenir yn gyffredin fel Arfarniad Cynaladwyedd Integredig (ACI). 

Rôl yr ACI yw asesu'r ffordd y bydd polisïau a chynigion datblygol y CDLl2 yn helpu i gyflawni'r amcanion amgylcheddol, economaidd, cymdeithasol a diwylliannol ehangach. 

Adroddiad Cwmpasu'r Arfarniad Cynaladwyedd 

Cam cyntaf yr ACI yw'r cam 'cwmpasu'. Mae'n gam casglu tystiolaeth, pan adolygir cynlluniau, rhaglenni, strategaethau a pholisïau sy'n berthnasol i baratoi'r CDLl2 er mwyn nodi sylfaen dystiolaeth o les economaidd, cymdeithasol, amgylcheddol, iechyd a diwylliannol presennol y sir. Cyflwynir materion arwyddocaol yn yr ardal sy'n berthnasol i'r system cynllunio defnydd tir. Mae'r Adroddiad Cwmpasu hefyd yn cynnwys y Fframwaith ACI sy'n cynnwys amcanion/meini prawf yr asesir strategaeth,

Yn dilyn hynny, cyhoeddwyd Adroddiad Cwmpasu'r Arfarniad Cynaladwyedd Integredig (ACI) drafft ar gyfer ymgynghoriad â rhanddeiliaid rhwng 30 Awst a 31 Hydref 2023. Ymgynghorwyd â Chyrff Ymgynghori AAS statudol, Cyfoeth Naturiol Cymru (CNC) a Cadw ar yr Adroddiad Cwmpasu drafft yn unol â Rheoliadau AAS 12(5) a 13. Yn unol ag arfer gorau, roedd yr Adroddiad Cwmpasu drafft hefyd ar gael i'r cyhoedd wneud sylwadau arno. Mae adroddiad ymgynghori ar gael sy'n manylu ar yr holl ymatebion a dderbyniwyd. 

Mae  Adroddiad Cwmpasu'r ACI (PDF, 7 MB) wedi'i ddiwygio i adlewyrchu'r sylwadau a dderbyniwyd ac i ymgorffori unrhyw newidiadau i ddata gwaelodlin, deddfwriaeth, dogfennau polisi etc. ers cyhoeddi'r fersiwn ddrafft yn 2023.

Bydd Gweledigaeth ac Amcanion, Strategaeth Ofodol, ac Opsiynau Twf CDLl2 yn cael eu cynnwys o fewn Strategaeth a Ffefrir. Bydd elfennau'r Strategaeth a Ffefrir yn cael eu hasesu drwy'r Fframwaith AIG a bydd Adroddiad AIG (sy'n cynnwys yr Adroddiad Amgylcheddol at ddibenion Rheoliad 12(1) AG) yn cael ei gyhoeddi ochr yn ochr â'r Strategaeth a Ffefrir i gydymffurfio â Rheoliad 13(3) AG.
 

Asesiad Rheoliadau Cynefinoedd (ARhC)

Mae Rheoliadau Cadwraeth Cynefinoedd a Rhywogaethau 2017 (Cymru a Lloegr) fel y'u diwygiwyd gan Reoliadau Cadwraeth Cynefinoedd a Rhywogaethau (Diwygio) (Ymadael â'r UE) 2019 yn nodi'r angen i'r cyngor gynnal Asesiad Rheoliadau Cynefinoedd (ARhC) (gan gynnwys Asesiad Priodol os oes angen) o'r Cynllun Datblygu Lleol Newydd (CDLl2). 

Pwrpas yr ARhC yw canfod a fydd y CDLl2 yn cael unrhyw effeithiau andwyol sylweddol ar gyfanrwydd safleoedd bywyd gwyllt o bwys rhyngwladol sy'n rhan o Rwydwaith Safleoedd Cenedlaethol y DU, yn benodol Ardaloedd Cadwraeth Arbennig (ACAau) ac Ardaloedd Gwarchodaeth Arbennig (AGAau) (y'u hadwaenid yn flaenorol fel safleoedd Naura 200), ac, fel mater o bolisi'r Llywodraeth, safleoedd Ramsar, naill ai ar wahân, neu ar y cyd â chynlluniau a phrosiectau eraill, ac i roi cyngor ar fecanweithiau polisi priodol ar gyfer darparu mesurau lliniaru lle caiff effeithiau o'r fath eu nodi.

Cam cyntaf yr ARhC fydd sgrinio ar gyfer Effeithiau Sylweddol Tebygol (ESTau) y cynllun ar safleoedd dynodedig o fewn a gerllaw Abertawe. Cyhoeddir manylion pellach yma wrth i hyn gael ei baratoi.