Cyngor Ymgynghorol Sefydlog ar Grefydd, Gwerthoedd a Moeseg - Adroddiad Blynyddol 2022-2023

Cynnwys

Adran 1
Gwybodaeth am CYSAG
1.1  Dyletswydd i sefydlu CYSAG
1.2  Cyfansoddiad CYSAG
1.3  Aelodaeth CYSAG
1.4  Swyddogaethau a dyletswyddau CYSAG
1.5  Cyfarfodydd
1.6  Dosbarthu'r adroddiad

Adran 2
Cyngor ar Addysg Grefyddol (AG) / Crefydd, Gwerthoedd a Moeseg (CGM)
2.1  Y maes llafur y cytunwyd arno'n lleol
2.2  Safonau mewn AG / CGM
2.3  Dulliau Addysg, Deunyddiau Athrawon a Dysgu Proffesiynol

Adran 3
Cyngor ar addoli ar y cyd
3.1  Adroddiadau arolygiadau ysgolion
3.2  Ceisiadau i benderfynu arnynt
3.3  Ymweliadau ysgol

Adran 4
Materion eraill
4.1  CCYSAGC
4.2  Diwrnod Coffáu'r Holocost
4.3  Hyfforddi aelodau CYSAG

Atodiadau
Atodiad 1 - Aelodaeth CYSAG
Atodiad 2 - Amserlen cyfarfodydd ac eitemau'r agenda
Atodiad 3 - Dosbarthu'r adroddiad

Adran 1
Gwybodaeth am CYSAG / CYSCGM

1.1.  Dyletswydd i sefydlu CYSAG

Mae'n ofynnol i bob awdurdod lleol sefydlu Cyngor Ymgynghorol Sefydlog ar gyfer Addysg Grefyddol (CYSAG) yn ei ardal leol. Yn dilyn lansiad y Cwricwlwm i Gymru ym mis Medi 2022, mae'n ofynnol i bob Awdurdod Lleol ffurfio Cyngor Ymgynghorol Sefydlog ar Grefydd, Gwerthoedd a Moeseg (CYSCGM) yn eu hardal leol. Cytunwyd y bydd y ddau gyngor ymgynghorol sefydlog yn rhannu aelodaeth o fewn Abertawe ac yn cael eu cynnal ar y cyd â'i gilydd dros y pedair blynedd nesaf. Mae ganddyn nhw gyfansoddiadau gwahanol.

1.2  Cyfansoddiad CYSAG / CYSCGM

Mae angen cynrychiolaeth gan y aelodau canlynol o fewn CYSAG:

• yr enwadau Cristnogol a chrefyddol eraill a fydd, ym marn yr awdurdod lleol, yn adlewyrchu'n briodol y prif draddodiadau crefyddol yn yr ardal;
• cymdeithasau sy'n cynrychioli athrawon; a'r
• awdurdod lleol.

1.3  Aelodaeth o CYSAG / CYSCGM

Nodir rhestr aelodau CYSAG / CYSCGM Abertawe yn Atodiad 1.

1.4  Swyddogaethau CYSAG / CYSCGM

• Cynghori'r awdurdod lleol ar addoli a'r addysg grefyddol / crefydd, gwerthoedd a moeseg i'w rhoi yn unol â'r maes llafur cytunedig gan gynnwys dulliau addysgu, cyngor ar ddeunyddiau a'r hyfforddiant i'w ddarparu i athrawon;
• Ystyried a ddylid argymell i'r awdurdod lleol y dylai ei faes llafur cytunedig presennol gael ei faes llafur cytunedig presennol gael ei adolygu trwy gynnal Cynhadledd y Maes Llafur Cytunedig;
• Ystyried a ddylai'r gofyniad y dylai addoli ar y cyd yn ysgolion y sir fod yn 'Gristnogol ei natur yn fras' neu a ddylai fod yn amrywiol (penderfyniadau);
• Adrodd i'r ALI a Llywodraeth Cymru ar ei weithgareddau yn flynyddol.

1.5  Cyfarfodydd CYSAG / CYSCGM

Cyfarfu CYSAG deirgwaith yn ystod blwyddyn academaidd 2022-2023. Gellir dod o hyd i'r agenda ar gyfer pob cyfarfod yn Atodiad 2. Cynhaliwyd pob cyfarfod fel cyfarfodydd wyneb yn wyneb.

20 Hydref 2022 - Neuadd y Ddinas, Abertawe
15 Chwefror 2023 - Eglwys Sant Illtud, y Cocyd
20 Mehefin - Prifysgol Cymru y Drindod Dewis Sant, Abertawe

1.6  Dosbarthu'r adroddiad

Ceir rhestr lawn o'r sefydliadau sy'n derbyn yr adroddiad yn Atodiad 3.

Adran 2
Grefyddol / Crefydd, Gwerthoedd a Moeseg

2.1  Y maes llafur y cytunwyd arno'n lleol

Yn dilyn mabwysiadu maes llafur ar gyfer Addysg Grefyddol (AG) a gytunwyd yn Abertawe yn 2008, a'i hailfabwysiadu bob pum mlynedd, cyhoeddodd Abertawe ei maes llafur cytunedig ar gyfer Crefydd, Gwerthoedd a Moeseg yn 2022.

Roedd y broses o ddatblygu'r maes llafur y cytunwyd arno ar gyfer CGM yn cynnwys ystod eang o randdeiliaid, gan gynnwys dysgwyr, athrawon, aelodau CYSAG a'r tîm cyfreithiol yng nghyngor Abertawe.

Mae CYSAG / CYSCGM Abertawe'n parhau i fod yn ymrwymedig i sicrhau bod ysgolion ac athrawon yn cael eu cefnogi i ddarparu AG / CGM o ansawdd uchel i'w dysgwyr sydd nid yn unig yn cyflawni eu dyletswyddau statudol ond sydd hefyd yn caniatáu i ddysgwyr ddatblygu eu llythrennedd crefyddol, sy'n hanfodol ar gyfer dinasyddiaeth ym myd amrywiol, amlddiwylliannol ac aml-seciwlar heddiw.

2.2  Safonau mewn AG

Mae CYSAG wedi mabwysiadu nifer o strategaethau ar gyfer monitro'r safonau sy'n cael eu cyflawni mewn addysg grefyddol yn ysgolion yr awdurdod sy'n cynnwys y canlynol:

2.2a Adroddiadau arolygu ysgolion

Mae CYSAG wedi archwilio adrannau perthnasol adroddiadau arolygu ysgolion yr awdurdod lleol. Yn ystod blwyddyn academaidd Medi 2022 - Medi 2023, arolygwyd un ar bymtheg o ysgolion cynradd yn Abertawe, a thair ysgol uwchradd a oedd yn cynnwys dau ymweliad ymgysylltu. Os daw unrhyw faterion i'r amlwg ynghylch Addysg Grefyddol fel pedio â bodloni gofynion statudol, yna bydd yr awdurdod lleol yn mynd ar drywydd hyn drwy ofyn am gynllun gweithredu ac adroddiad cynnydd. Ni chodwyd unrhyw faterion ynghylch AG o fewn yr adroddiadau. Caiff y trosolwg llawn gan Estyn ei rannu ag aelodau CYSAG / CYSCGM yng nghyfarfod hydref 2023.

Roedd llawer o sylwadau cadarnhaol ynghylch darparu AG o fewn yr ysgolion a arolygwyd.

2.2b Canlyniadau arholiadau

Mae canlyniadau arholiadau ar gyfer TGAU a TAG Lefel Uwch a gyflawnwyd gan ddisgyblion yn y pedair ar ddeg o ysgolion uwchradd o fewn yr awdurdod lleol wedi'u dadansoddi a'u hystyried. Cafodd y ffigurau sy'n ymwneud â chanlyniadau dro y pum mlynedd diwethaf eu dadansoddi i nodi'r tueddiadau mewn perfformiad. Caiff canlyniadau'r arholiadau eu cymharu â ffigurau Cymru Gyfan, lle bo hynny'n bosib. Rhannwyd y data ag aelodau CYSAG yng nghyfarfod hydref 2023.

Nodir bod gostyngiad sylweddol wedi bod yn nifer y cofrestriadau ar gyfer cyrsiau Safon Uwch a chyrsiau byr TGAU ar draws yr awdurdod lleol. Mae'n ymddangos bod tair ysgol yn gweithredu ar gais carfan lawn ar gyfer TGAU, gyda dwy ysgol heb gofrestriad TGAU ar gyfer AG.

Cododd CYSAG / CYSCGM bryderon ynghylch y gostyngiad sylweddol yn nifer y cofrestriadau ac maent wedi cynnal archwiliad o'r ddarpariaeth yng nghyfnod allweddol 4 ar draws yr awdurdod lleol.

Mae CYSAG / CYSCGM wedi trafod prosesau monitro AG / CGM yn anffurfiol trwy fecanwaith heblaw adroddiadau Estyn / canlyniadau arholiadau a bydd yn gwneud gwaith pellach ar hyn dros y flwyddyn academaidd nesaf.

2.3  Dulliau Addysgu, Deunyddiau Athrawon a Hyfforddi Athrawon

Dysgu Proffesiynol

Mae cynnig dysgu proffesiynol helaeth wedi'i rannu ag ysgolion ledled Abertawe ac mae'n cynnwys:

1. Hyfforddiant i lywodraethwyr ysgol.
2. Cyfarfodydd rhwydwaith dwywaith y flwyddyn ar gyfer arweinwyr uwchradd.
3. Sesiynau gyda'r hwyr ar gyfer pob ymarferydd.
4. Hyfforddiant un diwrnod ar gyfer athrawon newydd gymhwyso.
5. Hyfforddiant un diwrnod i athrawon ar ddechrau eu gyrfa.
6. Hyfforddiant pwrpasol a chlwstwr ar gyfer ysgolion.
7. Gweminar (mewn cydweithrediad â Dysgu Proffesiynol Amrywiaeth a Gwrth-hiliaeth) yn archwilio gwrth-Semitiaeth a'r heriau a'r cyfleoedd ar gyfer y Cwricwlwm i Gymru.

Deunyddiau Addysgu

1. Gan ddefnyddio'r grant o Westhill, mae Abertawe wedi gallu darparu adnoddau, addysgeg a hyfforddiant i ysgolion i'w cefnogi wrth gyflwyno CGM gwrthrychol, beirniadol a phlwraliaethol.
2. Gwahoddwyd pob darparwr sydd â darpariaeth chweched dosbarth i gofrestru dau fyfyriwr ar gyfer y prosiect Gwersi o Auschwitz, ac mae pob athro wedi derbyn gwybodaeth am gyfleoedd hyfforddi athrawon Ymddiriedolaeth Addysg yr Holocost.
3. Mae elfen CYSAG / CYSCGM o wefan yr awdurdod lleol wedi'i diweddaru ac mae'n cynnwys gwybodaeth sy'n werthfawr i ysgolion.
4. Bydd pob cyfarfod CYSAG / CYSCGM yn cynnwys agwedd ar ddysgu ac addysgu fel eitem ar yr agenda.
5. Mae CYSAG / CYSCGM Abertawe'n parhau i weithio'n agos gyda Phartneriaeth o ran sicrhau ymagwedd gydweithredol tuag at ddysgu proffesiynol.
6. Cefnogodd CYSAG / CYSCGM Abertawe gyda lleoliad dau fyfyriwr preswyl Prifysgol Abertawe gan gynhyrchu fideo byr sy'n archwilio'r amrywiaeth o ffydd yn Abertawe.

Adran 3
Cyngor ar Addoli ar y Cyd

3.1  Adroddiadau arolygu ysgolion

Mae CYSAG wedi archwilio adrannau perthnasol adroddiadau arolygu ysgolion yr awdurdod lleol. Yn ystod blwyddyn academaidd Medi 2022 - Medi 2023, archwiliwyd pedair ar bymtheg o ysgolion.

Cyflwynwyd crynodeb o ganfyddiadau'r arolygiadau hyn i aelodau. Os daw unrhyw faterion i'r amlwg ynghylch addoli ar y cyd fel pedio â bodloni gofynion statudol, yna bydd yr awdurdod lleol yn mynd ar drywydd hyn drwy ofyn am gynllun gweithredu ac adroddiad cynnydd. Ni chafodd unrhyw broblemau eu hamlygu gan Estyn.

3.2  Ceisiadau i benderfynu arnynt

Ni dderbyniwyd unrhyw geisiadau gan ysgolion ar gyfer penderfynu a ddylid codi'r gofynion i addoli ar y cyd fod yn Gristnogol yn bennaf neu'n gyfan gwbl.

3.3  Ymweliadau ysgol

Mae CYSAG yn gwerthfawrogi'r cyfleoedd a roddir i aelodau arsylwi ar addoli ar y cyd mewn ysgolion. Ni arsylwyd ar weithredoedd addoli ar y cyd eleni.

Adran 4
Materion eraill

4.1  Cyfansoddiad

Yn dilyn cyfnod ymgynghori helaeth, mabwysiadodd CYSAG Abertawe a CYSACGM Abertawe yn 2022-2023 eu cyfansoddiadau newydd i gyd-fynd ag Addysg Grefyddol a Chrefydd, Gwerthoedd a Moeseg o fewn Cwricwlwm Cymru.

4.2  CCYSAGC

Mae CYSAG / CYSCGM wedi parhau i fod yn gysylltiedig â CCYSAGC ac mae cynrychiolwyr wedi bod yn bresennol yn ystod ei gyfarfodydd. Yn ystod y flwyddyn academaidd 2022-2023 mae materion a ystyriwyd yng nghyfarfodydd CCYSAGC wedi cael eu hadrodd yn ôl yn llawn i CYSAG / CYSCGM a chynhaliwyd trafodaethau llawn.

4.3  Diwrnod Coffáu'r Holocost

Nodwyd Diwrnod Coffáu'r Holocost gyda chwe ysgol o Abertawe yn cymryd rhan yn y digwyddiad byw. Gwahoddwyd holl ysgolion ac aelodau CYSAG / CYSCGM ar draws Abertawe i gymryd rhan gyda'r eitemau'n cael eu recordio a'u rhannu o bell.

4.4  Hyfforddi Aelodau CYSAG

Fel rhan o'i hyfforddiant i aelodau, mae CYSAG wedi ymrwymo i'r canlynol:

• Hysbysu aelodau ynghylch datblygiadau ym maes AG / CGM ac addoli ar y cyd drwy gyflwyniadau rheolaidd i aelodau CYSAG / CYSCGM.
• Bydd CYSAG / CYSCGM, lle bynnag y bo modd, yn cynnal cyfarfodydd mewn ysgolion yn Abertawe fel y gall aelodau ymgyfarwyddo ag AG ac addoli ar y cyd mewn ysgolion. Cynhaliwyd cyfarfod yr haf eleni gan Brifysgol Cymru y Drindod Dewi Sant.
• Bydd CYSAG / CYSCGM, lle bynnag y bo modd, yn cynnal cyfarfodydd mewn mannau addoli yn Abertawe fel y gall aelodau ymgyfarwyddo â'r cymunedau ffydd ac adrych ar y profiad y gellid ei gynnig i ysgolion drwy ymweliadau ysgol. Cynhaliwyd cyfarfod y gwanwyn eleni gan Eglwys Sant Illtyd, y Cocyd.
• Bydd pob cyfarfod yn cynnwys o leiaf un cyflwyniad sy'n ymwneud ag AG / CGM sy'n hysbysu aelodau CYSAG / CYSCGM am ymarfer AG / CGM y tu mewn i amgylchedd yr ysgol a'r tu allan iddo. Yn 2022-2023, rhoddwyd y cyflwyniadau canlynol:
  • Cyflwyniad ar hanes a rôl yr Eglwys yn Abertawe - Y Parch Dr Jonathon Wright.
  • Darpariaeth AG / CGM ym Mhrifysgol Cymru y Drindod Dewi Sant - Mrs Rachel Bendall.
  • Rôl CYSAG wrth gefnogi a monitro'r ddarpariaeth - Cynghorydd AG / CGM.

Mae CYSAG / CYSCGM yn werthfawrogol iawn o'r cyfleoedd a gynigir drwy ymweliadau a chyflwyniadau i ddod yn fwy gwybodus ynghylch materion yn ymwneud ag AG ac addoli ar y cyd mewn ysgolion a hoffent ddangos eu gwerthfawrogiad i bawb dan sylw.

4.5  Aelodaeth o CYSAG / CYSCGM

Mae CYSAG / CYSCGM Abertawe yn ymfalchïo yn naur gynhwysol ei aelodaeth ac yn annog ei aelodau i fynegi amrywiaeth o safbwyntiau amrywiol ar y pwyllgor ac yn ystod cyfarfodydd. Mae'r aelodaeth yn gryf ac yn amrywiol ac mae'n rhoi adlewyrchiad go iawn o natur 'grefyddol a seciwlar' yr awdurdod lleol.

Ar hyn o bryd mae gan CYSAG / CYSCGM Abertawe ddau aelod cyfetholedig.

Erbyn hyn, mae gan y pwyllgor ddau uwch-arweinydd o ysgolion ar draws yr awdurdod yn ogystal â nifer o athrawon AG / CGM cymwys.

Rydym bron wedi llenwi pob lle ar gyfer aelodau; ar hyn o bryd mae un swydd wag ar gyfer cynrychiolydd o'r gymuned Sicaidd ac un o'r gymuned Gatholig. Yng nghyfarfod y gwanwyn, rhannodd Brian Cainen ei benderfyniad i ymddeol o'r pwyllgor. Mae CYSAG / CYSCGM Abertawe yn estyn eu diolch yn fawr i Brian am ei ymrwymiad i'r pwyllgor ac wrth ddarparu'r cyfleoedd gorau i ddysgwyr ar draws ysgolion Abertawe.

Atodiad 1: Aelodaeth CYSAG / CYSCGM Abertawe 2022-2023

Enwadau Cristnogol a chrefyddau eraill (17)

Yr Eglwys yng Nghymru (3):
John Meredith, Cyfarwyddwr Addysg
Y Parch. Ian Folks, Tîm Gweinidogaeth Canol Abertawe
Y Parch. Dr Jonathon Wright, Offeiriad mewn Gofal, Bywoliaeth Abertawe San Pedr (y Cocyd)

Catholig (3):
Mr Paul White, Cyfarwyddwr Addysg
Adele Thomas, Adran AG, Ysgol Gyfun Gatholig yr Esgob Vaughan

Anghydffurfwyr (3):
Mr Paul Davies
Mr Kevin Davies
Mr Brin Jones (Methodist)

Y Gymuned Hebreaidd (1):
Mrs Norma Glass

Y Gymuned Foslemaidd (2):
Moshen Elbeltagi
Sheikh Eunus Ali

Y Gymuned Hindŵaidd (1):
Dr Minkesh Sood

Y Gymuned Sicaidd (1):
Vacancy

Y Gymuned Fwdhaidd (1):
Mr Roland Jones

Cymdeithas y Dyneiddwyr (1):
Mr Brian Cainen

Cynrychiolydd Bahaiaidd (1):
Rita Green

Eglwys Iesu Grist Saint y Dyddiau Diwethaf (1):
Norma Jensen

Cymdeithasau athrawon (7):

SHA - Jeffrey Connick (Pennaeth uwchradd / cyfrwng Cymraeg)
NEU - Alison Lewis (Athro uwchradd)
NAS / UWT - Claire Foley (Athro cynradd)
UCAC - Rachel Bendall (Darlithydd AG Addysg Uwch)
NAHT - John Owen (Prif Athro Ysgol Cynradd)
VOICE - Mrs Heather Hansen (Pennaeth Adran uwchradd - ysgol ffydd)
UCU - Briony Knibbs (Darlithydd AG Addysg Bellach)

Awdurdod addysg lleol (5):

Y Cynghorydd Yvonne Jardine
Y Cynghorydd Lyndon Jones
Y Cynghorydd Mary Jones
Y Cynghorydd Jess Pritchard
Y Cynghorydd Sam Pritchard

Aelodaeth a gyfetholwyd:

Mrs Ruth Jenkins - cynrychiolydd addysg uwchradd
Mrs Tanya Long - Pennaeth adran AG sydd wedi ymddeol / prif arholwr CBAC

Swyddogion CYSAG:
Mrs Jennifer Harding-Richards - Ymgynghorydd AG  / CGMI
Mrs Nikki Hill - Adran Addysg, Cyngor Abertawe

Ysgrifenyddes
Miss Agnieszka Majewska - Adran Addysg, Cyngor Abertawe.

Atodiad 2: Amserlen cyfarfodydd ac eitemau'r agenda

Roedd y prif eitemau busnes ar yr agenda yn cynnwys y canlynol:

20 Hydref 2022

1. Croeso
2. Y diweddaraf am aelodaeth a chyflwyniadau
3. Ymddiheuriadau am absenoldeb
4. Cywirdeb y cofnodion a'r materion sy'n codi
5. Pa mor aml y cynhelir y cyfarfodydd
6. Cyfansoddiad CYSAG / CYSCGM Abertawe
7. Maes Llafur Cytunedgi CGM Abertawe
8. Data
9. Hybiau AG

15 Chwefror 2023

1. Croeso
2. Ymddiheuriadau am absenoldeb
3. Cofnodion y cyfarfod blaenorol a materion yn codi
4. Ethol Cadeirydd ac Is-gadeirydd
5. Adroddiad Blynyddol 2021-2022
6. Cyfansoddiad CYSAG / CYSCGM
7. Maes Llafur Cytunedig CGM Abertawe;
   Lansiad
   Dysgu Proffesigynol
   Adnoddau
   Adborth athrawon
   Monitro anffurfiol
8. Gwefan CYSAG / CYSCGM Abertawe
9. Myfyrwyr Preswyl y Brifysgol
10. CCYSAGC
    Cofnodion
    Cyfarfod y gwanwyn
    Aelodaeth

20 Mehefin 2023

1. Cyflwyniad a chroeso gan Rachel Bendall, Arweinydd TAR AG Prifysgol Cymru y Drindod Dewi Sant
2. Diolch, croeso a chyflwyniad i aelodau newydd
3. Ymddiheuriadau am absenoldeb
4. Cofnodion y cyfarfod blaenorol ac unrhyw faterion sy'n codi
5. Cyfarfod y Gwanwyn CCYSAGC a'r diweddaraf am aelodaeth
6. Cefnogi AG / CGM
   Dysgu Proffesiynol
   Deunyddiau cymorth / cais newydd
   Deunyddiau cymorth AM DDIM ar gyfer CGM yng Nghymru (retoday.org.uk)
   Hybiau AG
   Archwiliwch AG yn eich rhanbarth (rehubs.uk)
   Rhestr Chwarae LIC
   Adnoddau - Hwb (llyw.cymru)
   Rhannu arfer
7. Monitro AG / CGM
   Llywodraeth Cymru / Estyn
   Adborth ysgolion - Pennaeth
   Archwiliad CA4 o ddarpariaeth / cyflwyniad Cymdeithas Penaethiaid Uwchradd Cyngor Sir Abertawe (SCCASH)
   Maes llafur cyunedig
8. Cyfathrebu Llywodraeth Cymru
9. Dyddiadau / lleoliadau cyfarfodydd 2023 / 24

Atodiad 3: Blaenoriaethau CYSAG / CYSCGM Abertawe 2022-2024

Mae dyletswyddau statudol CYSAG / CYSCGM Abertawe yn cynnwys y canlynol:

► Ei gwneud yn ofynnol i'r awdurdod lleol adolygu ei Faes Llafur cytunedig cyfredol ar ôl 5 mlynedd.

► Cynghori'r ALI ar faterion megis:

• Bodloni gofynion statudol;
• Y ffordd orau o gyflwyno'r maes llafur cytunedig ar gyfer AG / CGM;
• Dulliau addysgu;
• Adnoddau a deunyddiau addysgu i'w defnyddio;
• Hyfforddi athrawon.

► Monitro'r ddarpariaeth ar gyfer AG / CGM ac addoli ar y cyd ac ystyried unrhyw gamau y gall eu cymryd i wella'r ddarpariaeth hon.

► Ystyried cwynion am ddarpariaeth a chyflwyniad AG / CGM statudol ac addoli ar y cyd.

► Ystyried unrhyw gais gan ysgol ar gyfer penderfynu a ddylid codi'r gofyniad i'r rhan fwyaf o weithredoedd o addoli yn yr ysgol honno fod 'yn Gristogol yn bennaf neu'n gyfan gwbl'.

► Cyhoeddi adroddiad blynyddol sy'n rhoi manylion am ei waith, cyngor a roddir gan CYSAG / CYSCGM i'r awdurdod lleol, ac ymdrin â materion y mae'r awdurdod wedi gofyn am gyngor gan CYSAG / CYSCGM yn eu cylch.

Caiff copïau electronig eu hanfon at y cyrff perthnasol. Bydd yr adroddiad hwn ar gael ar wefan CCYSAGC i bawb sydd am ei lawrlwytho. Caiff hefyd ei roi yn adran CYSAG / CYSCGM gwefan ALI Abertawe.

Awdurdod Addysg Dinas a Sir Abertawe
Pob aelod o CYSAG / CYSCGM
Penaethiaid a chyrff llywodraethu pob ysgol a choleg yn Ninas a Sir Abertawe
Esgobaeth Abertawe ac Aberhonddu
Consortiwm Partneriaeth
CCYSAGC
Y Gweinidog Addysg, Llywodraeth Cymru
Estyn