Canfod metel yn Abertawe

Rydym wedi llunio'r arweiniad canlynol ar gyfer defnyddio canfodyddion metel ar dir sy'n eiddo i'r cyngor.

Caniatâd i ddefnyddio canfodyddion metel ar dir sy'n eiddo i'r cyngor 

Gellir cael caniatâd drwy lenwi'r ffurflen ar-lein isod.

Fel rhan o'r broses bydd rhaid i chi gyflwyno'r canlynol:

• copi o'ch Yswiriant Atebolrwydd Cyhoeddus NEU gopi o'ch yswiriant National Council for Metal Detecting
• Llun cyfredol

Os nad ydych yn aelod o'r National Council for Metal Detecting (NCMD), gwnewch gais yma: Join and Renew (National Council for Metal Detecting)

Sylwer: 

• Ni fyddwn yn awdurdodi'r defnydd o ganfodyddion metel ar unrhyw feysydd chwarae, lleoedd chwarae ffurfiol ac anffurfiol, lawntiau bowlio a gwelyau a borderi blodau a llwyni sy'n eiddo'r cyngor
• Byddai unrhyw ganiatâd a roddir ar gyfer unigolyn ac nid grŵp.
• Rhaid i ddeiliad y drwydded adael y tir yn yr un cyflwr ag yr oedd ar y dechrau e.e. sicrhau bod unrhyw laswellt etc y mae wedi'i gloddio yn cael ei roi yn ôl a mynd ag unrhyw sbwriel i ffwrdd gydag ef
• Rhoddir trwyddedau am uchafswm o 12 mis a rhaid eu hadnewyddu'n flynyddol.
• Rhaid i ddeiliad y drwydded gadw ei lythyr awdurdodi gydag ef i ddangos prawf bod ganddo awdurdodiad a'i fod wedi darparu ei fanylion yswiriant

Ardaloedd cyfyngedig

Weithiau byddwn yn cyfyngu ar ardaloedd penodol lle na chaniateir canfod metel, a gall hyn fod o ganlyniad i sensitifrwydd lleol, gorddefnydd o ganfodyddion metel neu adborth arall. Dylech wirio'r dudalen hon yn rheolaidd am unrhyw ddiweddariadau.

• Parc Dynfant

Mae safleoedd sy'n sensitif o safbwynt lleol ar draws Abertawe lle na fyddwn yn caniatáu defnyddio canfodyddion metel o bosib. Mae'n anghyfreithlon i unrhyw un ddefnyddio canfodydd metel ar ardal warchodedig (e.e.Safleoedd archeolegol cofrestredig, Safleoedd o Ddiddordeb Gwyddonol Arbennig (SoDdGA) neu eiddo'r Weinyddiaeth Amddiffyn) heb ganiatâd gan yr awdurdod priodol. Ni allwn roi caniatâd ar gyfer tir preifat oherwydd bod angen cael caniatâd y tirfeddiannwr. Gellir cadarnhau perchnogaeth tir yn: the Land Registry

Darllenwch amodau a thelerau Canfod Metel y cyngor cyn cwblhau'r ffurflen gais ar-lein. Hefyd, sicrhewch eich bod yn gwirio'r Code of Practice for Responsible Metal Detecting in England and Wales (2017)

Gwneud cais am hawlen canfod metel Gwneud cais am hawlen canfod metel

Amodau a thelerau ar gyfer defnyddio synhwyrydd metel ar dir sy'n eiddo i Gyngor Abertawe Amodau a thelerau ar gyfer defnyddio synhwyrydd metel ar dir sy'n eiddo i Gyngor Abertawe