Cronfa Grantiau Cymunedol a Thrydydd Sector bellach ar agor
Mae Cronfa Ffyniant Gyffredin y DU (UKSPF) yn biler canolog o Agenda Lefelu i Fyny Llywodraeth y DU ac yn darparu cyllid ar gyfer buddsoddiad lleol. Mae CGGA yn gweithio gyda Chyngor Abertawe i alluogi'r sector i gyrchu cyllid grant (cyfanswm dyraniad o £1 miliwn).
Nod Cronfa Twf Trydydd Sector UKSPF yw grymuso cymunedau i archwilio'r ffordd orau o fynd i'r afael â heriau lleol. Bydd grantiau yn cefnogi datblygiad cyfalaf cymdeithasol, datblygiad yn seiliedig ar asedau a gwirfoddoli effeithiol.
Anogir ceisiadau gan sefydliadau trydydd sector, mawr a bach, a dylai cynigion ar gyfer prosiectau gyd-fynd ag un neu fwy o'r Ymyriadau a ganlyn, fel y nodir yng Nghynllun Buddsoddi Rhanbarthol De-orllewin Cymru:
W3 - Creu a gwella mannau gwyrdd lleol, gerddi cymunedol, cyrsiau dŵr ac argloddiau, ynghyd ag ymgorffori nodweddion naturiol a gwelliannau bioamrywiaeth mewn mannau cyhoeddus ehangach.
W6 - Cefnogaeth i weithgareddau celfyddydol, diwylliannol, treftadaeth a chreadigol lleol.
W7 - Cymorth ar gyfer gwella teithio llesol a phrosiectau seilwaith trafnidiaeth werdd eraill ar raddfa fach, gan ystyried Strategaeth Trafnidiaeth Cymru.
W9 - Cyllid ar gyfer gwirfoddoli effeithiol a/neu prosiectau gweithredu cymdeithasol i ddatblygu cyfalaf cymdeithasol a dynol mewn mannau lleol.
W10 - Cyllid ar gyfer cyfleusterau chwaraeon lleol, twrnameintiau, timau a chynghreiriau; i ddod â phobl at ei gilydd.
W11 - Buddsoddi mewn meithrin gallu a chymorth seilwaith ar gyfer cymdeithas sifil leol a grwpiau cymunedol.
W14 - Cyllid i gefnogi astudiaethau dichonoldeb perthnasol.
Cyllid sydd ar gael
Mae cyllid ar gael i gefnogi costau refeniw, prynu eitemau cyfalaf bach a phrosiectau cyfalaf. Sylwch - ar draws yr holl gynlluniau grant mae'r costau cyfalaf wedi'u capio i £15,000.
Gall SPF ariannu 100% o'r costau, er nad oes angen arian cyfatebol, anogir prosiectau a all gynnig arian cyfatebol.
Grantiau bach - Hyd at £10,000
Grantiau canolig - Hyd at £65,000
Grantiau mawr - hyd at £100,000
SYLWCH - Pob prosiect i'w gwblhau ac arian grant i'w wario erbyn 31 Rhagfyr 2024.
Ymweld: https://www.scvs.org.uk/news/spf3rdsectorgrant-jun23#cymraeg
Dyddiad cau ar gyfer ceisiadau: 5.00pm, 19 Gorffennaf 2023
Mae manylion sut i wneud cais yn y ddogfennaeth Arweiniad - darllenwch y canllawiau yn llawn cyn cyflwyno eich cais, a sicrhewch fod eich dogfennau ategol hefyd yn cael eu dychwelyd.
Dewis iaith
Rhannu'r dudalen hon
Argraffu
