Addysg ddewisol yn y cartref - beth os oes gan fy mhlentyn anghenion dysgu ychwanegol?
Mae'r un weithdrefn yn berthnasol os oes gan eich plentyn ddatganiad o AAA ac mae'n mynychu ysgol brif ffrwd.
Fodd bynnag, os bydd eich plentyn yn mynd i ysgol arbennig, bydd angen i chi gael caniatâd yr Uned Anghenion Dysgu Ychwanegol (UADY) yn yr ALl cyn ei dynnu o'r ysgol.
Mae'n bwysig eich bod yn ysgrifennu at yr adran ADY i ddweud wrthynt am eich penderfyniad i addysgu yn y cartref. Bydd hyn yn eu galluogi i gynnig cyngor wrth gyflawni nodau'r datganiad.
Yn y naill achos neu'r llall, mae'n rhaid bod yr addysg a ddarperir gennych yn bodloni nodau'r datganiad AAA/amcanion y CDU. Bydd yr awdurdod lleol yn parhau i gynnal adolygiad blynyddol am hyd y datganiad. Bydd hyn yn cynnwys a yw geiriad y datganiad yn briodol o hyd ac a oes angen iddo aros yn ei le.
Mae gennych yr hawl i apelio i Dribiwnlys Anghenion Addysgol Arbennig Cymru (TAAAC) o hyd).
Rhannu'r dudalen hon
Argraffu
