ADY - Gwasanaethau dydd i oedolion ifanc ag ADY / anabledd dysgu
Mae nifer o wahanol wasanaethau dydd ar gyfer oedolion ifanc sydd ag ADY neu anabledd dysgu.
Er mwyn darganfod pa wasanaethau sydd fwyaf addas i chi, bydd angen i chi gysylltu â'r Tîm Anableddau Dysgu Cymunedol a fydd yn trafod eich cymhwyster a'ch anghenion / deilliannau. Gall hyn arwain at neilltuo gweithiwr cymdeithasol i chi. Bydd yn trafod yr anghenion a'r gefnogaeth y mae eu hangen arnoch chi a'ch teulu. Mae'n bosib y bydd yn trefnu asesiad a bydd ystod o opsiynau'n cael eu hystyried a all gynnwys gwasanaeth dydd.
Ble mae'r gwasanaethau dydd?
Maen nhw i'w cael ym mhob cwr o Abertawe. Maent yn cynnig cefnogaeth i oedolion ag ADY neu anabledd dysgu mewn amryw o ffyrdd gwahanol yn seiliedig ar anghenion a chanlyniadau.
Ydw i'n gallu galw heibio un o'r gwasanaethau dydd?
Nac ydych, mae pob gwasanaeth dydd yn cael ei sefydlu i gefnogi anghenion penodol; bydd angen i chi gael eich asesu cyn mynd i wasanaeth dydd er mwyn sicrhau eu bod yn gallu cefnogi'ch anghenion.
| Gwasanaeth Datblygu Cymdeithasol | Mae'n cefnogi oedolion ag anabledd dysgu i ddatblygu sgiliau byw a sgiliau cymdeithasol annibynnol. |
|---|---|
| Gwasanaeth Dydd a Chanolfan Asesu Glandŵr | Mae hyn yn cynnig gwasanaeth asesu, gan gyfeirio unigolion ag anabledd dysgu i gefnogaeth addas ar ôl asesiad sgiliau o'u galluoedd a'u hanghenion cefnogi. Mae hefyd cyn cynnig gwasanaeth dydd i helpu i ddatblygu sgiliau cymdeithasol a chynyddu annibyniaeth |
| Gwasanaeth Dydd Tŷ Lafant | Mae'r gwasanaeth hwn yn cefnogi oedolion sydd ag anabledd dysgu uchel. Mae'n rhoi cefnogaeth i hyd at 15 o bobl bob dydd ac yn eu cefnogi mewn gweithgareddau i'w cadw'n heini ac yn iach. Mae hefyd yn hybu ac yn helpu i ddatblygu sgiliau annibyniaeth, cymdeithasol, a bywyd diddiol. |
| Gwasanaeth Dydd West Cross | Mae'r gwasanaeth hwn yn rhoi cefnogaeth i oedolion ag anabledda dysgu, sy'n arbenigo mewn Anhwylder ar y Sbectrwm Awtistig (ASD). Mae hefyd yn hybu ac yn helpu i ddatblygu sgiliau byw'n annibynnol, cymdeithasol, a bywyd dyddiol. |
| Gwasanaeth Dydd Dwys Whitethorns | Mae'r gwasanaeth hwn yn darparu cefnogaeth lefel uwch i oedolion ag anabledd dysgu a chydag ymddygiadau sy'n herio hybu annibyniaeth a sgiliau byw cymdeithasol a sgiliau byw dyddiol |
| Gwasanaeth Datblygu Gwaith | Mae'r gwasanaeth hwn yn cynnig cefnogaeth i oedolion sydd ag anabledd dysgu, ac yn eu helpu i ennill sgiliau ar gyfer y byd gwaith. |
| Gwasanaeth Dydd Maes-glas | Mae'r gwasanaeth hwn yn cefnogi oedolion sydd ag anableddau dysgu cymhleth, anghenion cyfathrebu a symudedd. Mae'n cynnig gweithgareddau therapiwtig a chymunedol i helpu unigolion i ennill neu gynnal sgiliau cyfathrebu a byw bob dydd, wrth gefnogi anghenion iechyd. |
| Gwasanaeth Dydd Gellifedw | Mae'r gwasanaeth hwn yn cefnogi oedolion sydd ag anableddau dysgu cymhleth, anghenion cyfathrebu a symudedd. Mae'r gweithgareddau a ddarperir gan amlaf yn therapiwtig i helpu unigolion i ennill neu gynnal sgiliau cyfathrebu a byw bob dydd, wrth gefnogi anghenion iechyd. |
| Gwasanaeth Dydd Trewarren | Mae'r gwasanaeth hwn yn cefnogi oedolion sydd ag anableddau dysgu cymhleth, anghenion cyfathrebu a symudedd. Mae'n cynnig gweithgareddau therapiwtig a chymunedol i helpu unigolion i ennill neu gynnal sgiliau cyfathrebu a byw bob dydd wrth gefnogi anghenion iechyd hefyd. |
| Gwasanaeth Dydd Parkway | Mae'r gwasanaeth hwn yn cefnogi oedolion sydd ag anableddau dysgu cymhleth ac anghenion iechyd cymhleth, cyfathrebu a symudedd. Mae'n cynnig cymorth iechyd therapiwtig, clinigol a gweithgareddau yn y gymuned er mwyn helpu unigolion i gynnal eu hiechyd, ennill neu gynnal sgiliau cyfathrebu a byw bob dydd. |
| Gorwelion Newydd | Mae'n cefnogi oedolion sydd ag anabledd corfforol ac anabledd dysgu / nam ar y synhwyrau y mae angen lefel uchel o ofal arnynt i hyrwyddio'u lles corfforol ac emosiynol. Cysylltwch â'r Pwynt Mynediad Cyffredin ar gyfer Iechyd a Gofal Cymdeithasol (PMC) os ydych yn teimlo bod hyn yn briodol i chi. |
Rhannu'r dudalen hon
Argraffu
